പെ​ൻ​ഷ​ൻ പ്രാ​യ വ​ർ​ധ​ന​ക്കെ​തി​രെ ഫ്രാ​ൻ​സി​ൽ ​പ്ര​ക്ഷോ​ഭം

പാ​രി​സ്: പെ​ൻ​ഷ​ൻ പ്രാ​യം വ​ർ​ധി​പ്പി​ക്കു​ന്ന​തി​നെ​തി​രെ ഫ്രാ​ൻ​സി​ൽ പ്ര​ക്ഷോ​ഭം. പാ​രി​സി​ലെ ചാ​ൾ​സ് ഡി ​ഗ​ല്ലെ വി​മാ​ന​ത്താ​വ​ള ടെ​ർ​മി​ന​ലി​ലേ​ക്കു​ള്ള പ്ര​വേ​ശ​നം സ​മ​ര​ക്കാ​ർ ത​ട​സ്സ​പ്പെ​ടു​ത്തി. ​ട്രെ​യി​ൻ സ​ർ​വി​സു​ക​ളും ത​ട​സ്സ​പ്പെ​ട്ടു. ചി​ല സ്കൂ​ളു​ക​ൾ അ​ട​ച്ചു. റോ​ഡ് ത​ട​സ്സ​പ്പെ​ടു​ത്തി കൂ​ട്ടി​യി​ട്ട മാ​ലി​ന്യം ക​ത്തി​ച്ച് തീ​യും പു​ക​യും ഉ​യ​ർ​ന്നു. വൈ​ദ്യു​തി ഉ​ൽ​പാ​ദ​നം വെ​ട്ടി​ക്കു​റ​ച്ചു. രാ​ജ്യ​ത്തു​ട​നീ​ളം പ്ര​തി​ഷേ​ധ​റാ​ലി​ക​ൾ ന​ട​ന്നു.

പ്ര​തി​ഷേ​ധം വി​മാ​ന​സ​ർ​വി​സു​ക​ളെ ബാ​ധി​ച്ചി​ല്ലെ​ന്ന് അ​ധി​കൃ​ത​ർ പ​റ​ഞ്ഞു. പെ​ൻ​ഷ​ൻ പ്രാ​യം 62ൽ​നി​ന്ന് 64 ആ​യി ഉ​യ​ർ​ത്താ​ൻ പാ​ർ​ല​മെ​ന്റി​ൽ വോ​ട്ടെ​ടു​പ്പ് ന​ട​ത്താ​തെ കൊ​ണ്ടു​വ​ന്ന നി​യ​മം വ​ർ​ഷാ​വ​സാ​ന​ത്തോ​ടെ പ്രാ​ബ​ല്യ​ത്തി​ലാ​കു​മെ​ന്ന് ഫ്ര​ഞ്ച് പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ൺ ക​ഴി​ഞ്ഞ ദി​വ​സം പ്ര​ഖ്യാ​പി​ച്ച​താ​ണ് രോ​ഷം അ​ണ​പൊ​ട്ടാ​നി​ട​യാ​ക്കി​യ​ത്. ജ​നു​വ​രി മു​ത​ൽ സ​മാ​ധാ​ന​പ​ര​മാ​യ പ്ര​തി​ഷേ​ധം ന​ട​ക്കു​ന്നു​ണ്ട്. ജ​ന​റ​ൽ കോ​ൺ​ഫെ​ഡ​റേ​ഷ​ൻ ഓ​ഫ് ലേ​ബ​ർ നേ​തൃ​ത്വ​ത്തി​ലാ​ണ് സ​മ​രം ന​ട​ക്കു​ന്ന​ത്. സ​ർ​ക്കാ​ർ പെ​ൻ​ഷ​ൻ നി​യ​മം പി​ൻ​വ​ലി​ക്ക​ണ​മെ​ന്ന് ഫ്രാ​ൻ​സി​ലെ ഏ​റ്റ​വും വ​ലി​യ യൂ​നി​യ​നാ​യ മോ​ഡ​റേ​റ്റ് ഫ്ര​ഞ്ച് ഡെ​മോ​ക്രാ​റ്റി​ക് കോ​ൺ​ഫെ​ഡ​റേ​ഷ​ൻ ഓ​ഫ് ലേ​ബ​ർ ത​ല​വ​ൻ ലോ​റ​ന്റ് ബെ​ർ​ഗ​ർ ബി.​എ​ഫ്.​എം ടി.​വി​യോ​ട് പ​റ​ഞ്ഞു.

ശ​ക്ത​മാ​യ പ്ര​ക്ഷോ​ഭം ന​ട​ക്കു​ന്ന​ത് അം​ഗീ​ക​രി​ച്ച സ​ർ​ക്കാ​ർ തീ​രു​മാ​ന​ത്തി​ൽ​നി​ന്ന് പി​ന്നോ​ട്ടി​ല്ലെ​ന്ന നി​ല​പാ​ടി​ലാ​ണ്. മു​ന്നോ​ട്ടു​പോ​കാ​നാ​ണ് ആ​ഗ്ര​ഹി​ക്കു​ന്ന​തെ​ന്ന് തൊ​ഴി​ൽ​മ​ന്ത്രി ഒ​ലി​വി​യ​ർ ഡ​സോ​പ്റ്റ് പ​റ​ഞ്ഞു. ക​മ്പ​നി​ക​ൾ ലാ​ഭ​ത്തി​ൽ​നി​ന്ന് തൊ​ഴി​ലാ​ളി​ക​ൾ​ക്ക് വി​ഹി​തം ന​ൽ​കു​ന്ന​ത് ഉ​ൾ​പ്പെ​ടെ സം​ഭാ​ഷ​ണ​ങ്ങ​ളി​ലൂ​ടെ ധാ​ര​ണ​യി​ലെ​ത്താ​ൻ ക​ഴി​യു​ന്ന നി​ര​വ​ധി കാ​ര്യ​ങ്ങ​ളു​ണ്ടെ​ന്ന് അ​ദ്ദേ​ഹം പ​റ​ഞ്ഞു.