പുൽവാമ ഭീകരാക്രമണം: പാക്​ പങ്ക്​ വെളിപ്പെടുത്തി മന്ത്രി

ഇസ്​ലാമാബാദ്​: പുൽവാമ ഭീകരാക്രമണം പാകിസ്​താ​െൻറ അറിവോടെയാണെന്ന്​ സമ്മതിച്ച്​ ശാസ്​ത്ര-സാ​ങ്കേതിക മന്ത്രി ഫവാദ്​ ചൗധരി. 40 ഇന്ത്യൻ സൈനികരുടെ ജീവനെടുത്ത 2019ലെ ഭീകരാക്രമണം പ്രധാനമന്ത്രി ഇമ്രാൻ ഖാ​െൻറ നേതൃത്വത്തിന്​ കീഴിൽ രാജ്യം നേടിയ വിജയമാണെന്ന്​ ചൗധരി പറഞ്ഞു.

പാക്​ പിടിയിലായ ഇന്ത്യൻ വ്യോമസേന വിങ്​ കമാൻഡർ അഭിനന്ദൻ വർധ്​മാനെ മോചിപ്പിക്കാൻ വിദേശകാര്യ മന്ത്രി ഷാ മഹമൂദ് ഖുറേശ്ശി സുപ്രധാന യോഗത്തിൽ അഭ്യർഥി​െച്ചന്ന പ്രതിപക്ഷ പാകിസ്​താൻ മുസ്​സിം ലീഗ്-നവാസ് (പി‌.എം‌.എൽ-എൻ) നേതാവ് അയാസ് സാദിഖി​െൻറ ആരോപണത്തിന്​ പിന്നാലെയാണ്​ ദേശീയ അസംബ്ലിയിൽ മന്ത്രിയുടെ വെളിപ്പെടുത്തൽ.

പുൽവാമ ഭീകരാക്രമണത്തിന്​ തിരിച്ചടി നൽകുന്നതിനിടെ 2019 ഫെബ്രുവരി 27നാണ്​​ ഇന്ത്യൻ വ്യോമസേന വിങ്​ കമാൻഡർ അഭിനന്ദൻ വർധ്​മാൻ പാക്​ സൈന്യത്തി​െൻറ പിടിയിലാകുന്നത്​.

ഇതി​െൻറ തലേ ദിവസം​ പാകിസ്​താനിലെ ഖൈബർ പക്​തൂൺവയിലുള്ള ജയ്​ശെ ഭീകരരുടെ താവളം വ്യോമസേന ബോംബിട്ട്​ നശിപ്പിച്ചിരുന്നു. ഇന്ത്യയുടെ തിരിച്ചടിയിൽ മുട്ടുവിറച്ച വിദേശകാര്യ മന്ത്രി ദൈവത്തെയോർത്ത്​ വർധ്​മാനെ വിട്ടയക്കാൻ താൻ പ​ങ്കെടുത്ത യോഗത്തിൽ ആവശ്യപ്പെ​െട്ടന്നായിരുന്നു സാദിഖി​െൻറ ആരോപണം.

യോഗത്തിൽ അന്ന്​ വ്യോമസേന മേധാവിയായിരുന്ന ജനറൽ ഖമർ ജ​ാവേദ്​ ബജ്​വയും പ​ങ്കെടുത്തിരുന്നതായി സാദിഖ്​ വെളിപ്പെടുത്തിയിരുന്നു. അന്ന് വാർത്തപ്രക്ഷേപണ മന്ത്രിയായിരുന്ന ഫവാദ്​ ചൗധരി​ ഇതിനെ വിമർശിച്ച്​ രംഗത്തെത്തിയിരുന്നു.