​​മൊറോക്കോ ഭൂകമ്പം: മരണസംഖ്യ രണ്ടായിരം കടന്നു

റബാത്: മൊറോക്കോയിൽ വെള്ളിയാഴ്ചയുണ്ടായ ഭൂകമ്പത്തിൽ മരിച്ചവരുടെ എണ്ണം രണ്ടായിരം കടന്നു. 2012 പേർ ഭൂകമ്പത്തിൽ മരിച്ചുവെന്നാണ് റിപ്പോർട്ട്. 2059 പേർക്ക് പരിക്കേറ്റിട്ടുണ്ട്. ഭൂകമ്പത്തെ തുടർന്ന് നിരവധി പേർക്ക് വീട് നഷ്ടമായി. മൊറോക്കയിൽ മൂന്ന് ദിവസത്തെ ദുഃഖചാരണം പ്രഖ്യാപിച്ചിട്ടുണ്ട്.

ഭൂകമ്പമുണ്ടായ സ്ഥലത്ത് രക്ഷാപ്രവർത്തനത്തിനായി സൈന്യത്തെ വിന്യസിച്ചിട്ടുണ്ട്. ആശുപത്രികളിലും സൈനിക ഡോക്ടർമാരുടെ സഹായം ഉറപ്പാക്കിയിട്ടുണ്ട്. വെ​ള്ളി​യാ​ഴ്ച രാ​ത്രി​യാ​ണ് ലോ​ക​ത്തെ ന​ടു​ക്കി​യ ദു​ര​ന്തമുണ്ടായത്. ചരിത്ര നഗരമായ മ​റാ​കി​ഷി​നും സ​മീ​പ​ത്തു​ള്ള അ​ഞ്ച് പ്ര​വി​ശ്യ​ക​ളി​ലു​മു​ള്ള​വ​രാ​ണ് ഭൂകമ്പത്തിൽ മരിച്ചത്.

പ്രാ​ദേ​ശി​ക സ​മ​യം രാ​​ത്രി 11.11നാ​ണ് റി​ക്ട​ർ സ്കെ​യി​ലി​ൽ 6.8 രേ​ഖ​പ്പെ​ടു​ത്തി​യ ഭൂ​ച​ല​ന​മു​ണ്ടാ​യ​ത്. ഇ​ത് നി​ര​വ​ധി സെ​ക്ക​ന്റു​ക​ൾ നീ​ണ്ടു. 19 മി​നി​റ്റി​നു​ശേ​ഷം 4.9 രേ​ഖ​പ്പെ​ടു​ത്തി​യ തു​ട​ർ​ച​ല​ന​വു​മു​ണ്ടാ​യി. അ​ൽ​ഹോ​സ് പ്ര​വി​ശ്യ​യി​ലെ ഇ​ഗി​ൽ പ​ട്ട​ണ​ത്തി​ന​ടു​ത്താ​ണ് പ്ര​ഭ​വ​കേ​ന്ദ്രം. ഇ​ത് മ​റാ​കി​ഷി​ന് 70 കി​ലോ​മീ​റ്റ​ർ തെ​ക്കാ​ണ് സ്ഥി​തി ചെ​യ്യു​ന്ന​ത്. ഭൗ​മോ​പ​രി​ത​ല​ത്തി​ൽ​നി​ന്ന് 18 കി​ലോ​മീ​റ്റ​ർ ഉ​ള്ളി​ലാ​യാ​ണ് പ്ര​ഭ​വ​കേ​ന്ദ്ര​മെ​ന്ന് യു.​എ​സ് ഭൗ​മ​ശാ​സ്ത്ര ഏ​ജ​ൻ​സി അ​റി​യി​ച്ചു. ഉ​പ​രി​ത​ല​ത്തി​ൽ​നി​ന്ന് 11 കി​ലോ​മീ​റ്റ​ർ ഉ​ള്ളി​ലാ​യാ​ണ് പ്ര​ഭ​വ​കേ​ന്ദ്ര​മെ​ന്നാ​ണ് മൊ​റോ​ക്കോ അ​ധി​കൃ​ത​ർ പ​റ​യു​ന്ന​ത്.

മ​റാ​കി​ഷി​ൽ 12ാം നൂ​റ്റാ​ണ്ടി​ൽ നി​ർ​മി​ച്ച പ്ര​ശ​സ്ത​മാ​യ കൗ​തൗ​ബി​യ പ​ള്ളി​ക്ക് കേ​ടു​പ​റ്റി​യി​ട്ടു​ണ്ട്. ന​ഗ​ര​ത്തി​ലെ ച​രി​ത്ര പ്ര​സി​ദ്ധ​മാ​യ ‘ചു​ക​ന്ന മ​തി​ലു​ക​ൾ’​ക്കും കേ​ടു​പ​റ്റി. ഇ​തി​ന്റെ ദൃ​ശ്യ​ങ്ങ​ൾ ചി​ല​ർ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ച്ചു. യു​നെ​സ്കോ ലോ​ക പൈ​തൃ​ക​പ്പ​ട്ടി​ക​യി​ൽ പെ​ടു​ത്തി​യ​താ​ണ് മ​തി​ൽ.