ബശ്ശാർ വീ​ണ​പ്പോ​ൾ സ്വാ​ത​ന്ത്ര്യ​ത്തി​ലേ​ക്ക് ചു​വ​ടു​വെ​ച്ച് റ​ഗീ​ദ് അ​ൽ ത​താ​രി

ഡ​മ​സ്ക​സ്: സി​റി​യ​യി​ൽ ബ​ശ്ശാ​റു​ൽ അ​സ​ദി​​ന്റെ ഭ​ര​ണ​ത്തി​ന് പ്ര​തി​പ​ക്ഷ​സേ​ന അ​ന്ത്യം കു​റി​ച്ച​പ്പോ​ൾ സ​ന്തോ​ഷി​ക്കു​ന്ന​വ​രി​ൽ ഒ​രാ​ൾ റ​ഗീ​ദ് അ​ൽ ത​താ​രി​യാ​ണ്. 43 വ​ർ​ഷം ജ​യി​ലു​ക​ളി​ൽ പീ​ഡ​ന​മേ​റ്റ അ​ദ്ദേ​ഹ​ത്തി​ന് സ്വാ​ത​ന്ത്ര്യ​ത്തി​ലേ​ക്കു​ള്ള ചു​വ​ടു​വെ​പ്പാ​യി​രു​ന്നു അ​സ​ദി​ന്റ വീ​ഴ്ച. നൂ​റു​ക​ണ​ക്കി​ന് ത​ട​വു​കാ​രെ പ്ര​തി​പ​ക്ഷ​സേ​ന മോ​ചി​പ്പി​ച്ച​പ്പോ​ൾ അ​ക്കൂ​ട്ട​ത്തി​ൽ റ​ഗീ​ദു​മു​ണ്ടാ​യി​രു​ന്നു.

സി​റി​യ​ൻ വ്യോ​മ​സേ​ന​യി​ൽ പൈ​ല​റ്റാ​യി​രു​ന്ന റ​ഗീ​ദ് 1981ലാ​ണ് ത​ട​വി​ലാ​യ​ത്. സ​ഹ​പ്ര​വ​ർ​ത്ത​ക​രി​ൽ ഒ​രാ​ൾ യു​ദ്ധ​വി​മാ​ന​ത്തി​ൽ ജോ​ർ​ഡ​നി​ലേ​ക്ക് ര​ക്ഷ​പ്പെ​ട്ട​തി​ന് സ​ഹാ​യം ന​ൽ​കി​യ​ത് റ​ഗീ​ദാ​ണെ​ന്ന് ആ​രോ​പി​ച്ചാ​ണ് ഭ​ര​ണ​കൂ​ടം ഇ​ദ്ദേ​ഹ​ത്തി​നെ​തി​രെ തി​രി​ഞ്ഞ​ത്. കേ​വ​ലം ഒ​രു മി​നി​റ്റ് മാ​ത്ര​മെ​ടു​ത്താ​ണ് മി​ലി​റ്റ​റി ക​മ്മി​റ്റി റ​ഗീ​ദി​ന് ജീ​വ​പ​ര്യ​ന്തം ത​ട​വ് വി​ധി​ച്ച​ത്. എ​ന്നാ​ൽ, റ​ഗീ​ദി​ന്റെ ത​ട​വി​നു​ള്ള യ​ഥാ​ർ​ഥ കാ​ര​ണം ഇ​ത​ല്ലെ​ന്നാ​ണ് സി​റി​യ​ക്കാ​ർ വി​ശ്വ​സി​ക്കു​ന്ന​ത്. ബ​ശ്ശാ​റു​ൽ അ​സ​ദി​ന്റെ പി​താ​വ് ഹാ​ഫി​സു​ൽ അ​സ​ദി​​ന്റെ ഭ​ര​ണ​കാ​ല​ത്ത് സി​റി​യ​ൻ ന​ഗ​ര​മാ​യ ഹിം​സി​ൽ ബോം​ബി​ടാ​നു​ള്ള ഉ​ത്ത​ര​വ് അ​നു​സ​രി​ക്കാ​ത്ത​താ​ണ് ശി​ക്ഷി​ക്കാ​നു​ള്ള കാ​ര​ണ​മെ​ന്ന് അ​വ​ർ ക​രു​തു​ന്നു. ഹാ​ഫി​സു​ൽ അ​സ​ദി​​ന്റെ മൂ​ത്ത മ​ക​ൻ ബാ​സി​ലു​ൽ അ​സ​ദി​നെ കു​തി​ര​യോ​ട്ട മ​ത്സ​ര​ത്തി​ൽ തോ​ൽ​പി​ച്ച​താ​ണ് ത​ട​വി​നു​ള്ള കാ​ര​ണ​മെ​ന്നും വാ​ദ​മു​ണ്ട്.

ആ​ദ്യ ര​ണ്ടു​വ​ർ​ഷം അ​ൽ മെ​യ്സ ജ​യി​ലി​ൽ ഏ​കാ​ന്ത ത​ട​വി​ലാ​യി​രു​ന്നു റ​ഗീ​ദ്. തു​ട​ർ​ന്ന് കു​പ്ര​സി​ദ്ധ​മാ​യ ത​ദ്മൂ​ർ ജ​യി​ലി​ലേ​ക്ക് മാ​റ്റി. 2000 വ​രെ അ​വി​ടെ ക​ഴി​ഞ്ഞു. പി​ന്നീ​ട് മ​റ്റൊ​രു കു​പ്ര​സി​ദ്ധ ത​ട​വ​റ​യാ​യ സ​ദ്നാ​യ ജ​യി​ലി​ലേ​ക്കും 2011ൽ ​ഡ​മ​സ്ക​സി​ലെ അ​ദ്ര സെ​ൻ​ട്ര​ൽ ജ​യി​ലി​ലേ​ക്കും മാ​റ്റി. ജ​യി​ലി​ലാ​യി​രി​ക്കെ അ​സാ​മാ​ന്യ ക​ലാ​വി​രു​തും അ​ദ്ദേ​ഹം പ്ര​ക​ടി​പ്പി​ച്ചു. റൊ​ട്ടി​ക്ക​ഷ​ണ​ങ്ങ​ൾ, പ​ഞ്ച​സാ​ര, ഒ​ലി​വ് കു​രു തു​ട​ങ്ങി​യ​വ​യി​ൽ​നി​ന്ന് അ​ദ്ദേ​ഹം മ​നോ​ഹ​ര സൃ​ഷ്ടി​ക​ളൊ​രു​ക്കി. ജ​യി​ലി​ൽ ചെ​സ് ടൂ​ർ​ണ​മെ​ന്റു​ക​ളും സം​ഘ​ടി​പ്പി​ച്ചു. റ​ഗീ​ദ് അ​ൽ ത​താ​രി​യു​ടെ മ​ക​ൻ വാ​ഇ​ൽ ത​താ​രി ഇ​പ്പോ​ൾ കാ​ന​ഡ​യി​ൽ അ​ഭ​യാ​ർ​ഥി​യാ​യി ക​ഴി​യു​ക​യാ​ണ്.

ര​ഹ​സ്യ ത​ട​വ​റ​ക​ൾ തേ​ടി വൈ​റ്റ് ഹെ​ൽ​മെ​റ്റ്സ്​

ബ​ശ്ശാ​റി​ന്റെ ര​ഹ​സ്യ ത​ട​വ​റ​ക​ൾ അ​ന്വേ​ഷി​ക്കു​ക​യാ​ണ് സി​റി​യ​യി​ലെ സ​ന്ന​ദ്ധ സം​ഘ​മാ​യ വൈ​റ്റ് ഹെ​ൽ​മെ​റ്റ്സ്. ഇ​തു​സം​ബ​ന്ധി​ച്ച അ​റി​വു പ​ങ്കു​വെ​ക്കു​ന്ന​വ​ർ​ക്ക് 3000 ​ഡോ​ള​റാ​ണ് ഇ​നാം പ്ര​ഖ്യാ​പി​ച്ചി​രി​ക്കു​ന്ന​ത്.

പ്ര​ക്ഷോ​ഭം അ​ടി​ച്ച​മ​ർ​ത്തു​ന്ന​തി​നാ​യി ബ​ശ്ശാ​ർ ല​ക്ഷ​ക്ക​ണ​ക്കി​നാ​ളു​ക​ളെ ത​ട​വി​ലാ​ക്കി​യെ​ന്ന് നേ​ര​ത്തെ റി​പ്പോ​ർ​ട്ടു​ക​ളു​ണ്ടാ​യി​രു​ന്നു. ത​ട​വി​ലാ​ക്ക​പ്പെ​ട്ട​വ​രെ​ക്കു​റി​ച്ച് പി​ന്നീ​ട് വി​വ​ര​മു​ണ്ടാ​യി​രു​ന്നി​ല്ല.