റിച്ചാർഡ് വർമ യു.എസ് ഡെപ്യൂട്ടി സ്റ്റേറ്റ് സെക്രട്ടറി

വാഷിങ്ടൺ: ഇന്തോ-അമേരിക്കൻ നയതന്ത്ര ഉദ്യോഗസ്ഥൻ റിച്ചാർഡ് വർമക്ക് (54) യു.എസിൽ സുപ്രധാന ചുമതല. ഇന്ത്യയിലെ മുൻ യു.എസ് അംബാസഡറായിരുന്ന ഇദ്ദേഹത്തെ യു.എസ് ഡെപ്യൂട്ടി സ്റ്റേറ്റ് സെക്രട്ടറി (മാനേജ്മെന്റ് ആൻഡ് റിസോഴ്സസ്) തസ്തികയിലാണ് ബൈഡൻ ഭരണകൂടം നിയമിച്ചത്.

2015 -17 കാലയളവിലാണ് അദ്ദേഹം ഇന്ത്യയിലെ യു.എസ് അംബാസഡറായിരുന്നത്. നിലവിൽ മാസ്റ്റർ കാർഡ് ചീഫ് ലീഗൽ ഓഫിസറാണ്.