കോടീശ്വരപട്ടികയിൽ ഇടംപിടിച്ച്​ പോപ്​ ഗായിക റിഹാന; ലോകത്തിലെ ഏറ്റവും ധനികയായ രണ്ടാമത്തെ വനിത

ലോസ്​ ആഞ്ചലസ്​: ലോകത്തിലെ ശതകോടീശ്വരപട്ടികയിൽ പേരെഴുതി പോപ്​ ഗായിക റിഹാന. ലോകത്തിലെ ഏറ്റവും ധനികയായ രണ്ടാമത്തെ വനിതയാണ്​ ഇപ്പോൾ റിഹാന.

ഫോബ്​സ്​ പട്ടികയിലെ കണക്കുപ്രകാരം 1.7 ബില്ല്യൺ ഡോളറാണ്​ റിയാനയുടെ ആസ്​തി. ഇതോടെ ​േലാകത്തിലെ ഏറ്റവും ധനികയായ ഗായികയായി റിഹാന. ലോകത്തിലെ ധനികയായ വനിതകളുടെ പട്ടികയിൽ രണ്ടാം സ്​ഥാനമാണ്​ റിഹാനക്ക്​. ഓപ്ര വിൻഫ്രിക്കാണ്​ ആദ്യ സ്​ഥാനം.

​േലാകത്തിലെ ഏറ്റവും വലിയ മേക്കപ്പ്​ -ഫാഷൻ സാമ്രാജ്യമാണ്​ റിഹാനയെ കോടികളുടെ സ്വത്തിന്​ ഉടമയാക്കിയത്​.

കരീബിയൻ രാജ്യമായ ബാർബഡോസിൽ ജനിച്ച റിഹാന 2005ന്​ ശേഷമാണ്​ ലോകശ്രദ്ധയാകർഷിക്കാൻ തുടങ്ങിയത്​. 'വി ഫൗണ്ട്​ ലവ്​' 'അംബർല്ല' തുടങ്ങിയ ആൽബങ്ങൾ കരിയറിൽ കരുത്തേകി. 2017ലാണ്​ കോസ്​മെറ്റിക്​സ്​ സാമ്രാജ്യമായ ഫെൻറി ബ്യൂട്ടി ആരംഭിക്കുന്നത്​. വ്യത്യസ്​ത സ്​കിൻ ടോണുകളുമായി പൊരുത്തപ്പെട​ുന്ന അമ്പതോളം മേക്ക്​അപ്പ്​ ഷെയ്​ഡുകളാണ്​ ഫെൻറി ബ്യൂട്ടിയെ ലോകത്തിന്​ മുമ്പിൽ വേറിട്ട്​ നിർത്തിയത്​. 2016ലെ 'ആൻറി'ക്ക്​ ശേഷം റിഹാന ആർബങ്ങൾ നിർമിച്ചിട്ടില്ല.