സ്വീഡനിലെ 'മുസ്​ലിം കലാപം'; സോഷ്യൽ മീഡിയ പ്രചരണത്തിലെ വസ്​തുതകൾ

രണ്ട്​ ദിവസമായി സമൂഹമാധ്യമങ്ങളിൽ വംശീയ വിദ്വേഷം നിറഞ്ഞൊരു പ്രചരണം നടക്കുകയാണ്​. സ്വീഡനിൽ മുസ്ലിംകൾ കലാപം നടത്തിയെന്നും അവിടത്തെ സമാധാനം തകർത്തു എന്നുമാണ്​ പ്രചരണത്തി​െൻറ കാതൽ. സംഘപരിവാർ ഹാൻഡിലുകളോടൊപ്പം ഇൗ പ്രചരത്തിൽ ഉത്സാഹപൂർവ്വം പ​െങ്കടുക്കുന്നത്​ സോഷ്യൽ മീഡിയയിലെ സ്വതന്ത്ര ചിന്താ ഗ്രൂപ്പുകളുമാണ്​.

മുസ്​ലിംകൾ എവിടെ ചെന്നാലും ഇതുതന്നെയാണ്​ അവസ്​ഥയെന്നും അതിനാൽ ഇന്ത്യയിൽ അവരെ അത്യാവശ്യം വേട്ടയാടുന്നതുകൊണ്ട്​ കുഴപ്പമില്ല എന്നുമാണ്​ സംഘപരിവാർ തീവ്രവാദികൾ പ്രചരിപ്പിക്കുന്നത്​. സ്വതന്ത്ര ചിന്തകരുടെ പ്രശ്​നം വേറൊരുതരത്തിലുള്ളതാണ്​.

ഞങ്ങളുടെ സ്വതന്ത്രചിന്ത സ്വർഗമായ സ്വീഡനെ കലാപഭൂമിയാക്കുകയാണ്​ മുസ്ലിംകൾ എന്നതാണ്​ അവരുടെ വ്യഥ. എന്താണ്​ സ്വീഡനിൽ സംഭവിച്ചത്​? ആരാണവിടെ കലാപവും പ്രശ്​നങ്ങളും ഉണ്ടാക്കുന്നത്​? വസ്​തുതകൾ ഒന്ന്​ പരിശോധിച്ച്​ നോക്കാം.

കലാപ കാരണം

ലോകത്തി​െൻറ പലയിടത്തുനിന്നും കുടിയേറ്റക്കാരെ സ്വീകരിച്ചിട്ടുള്ള രാജ്യമാണ്​ സ്വീഡൻ. കുടിയേറ്റക്കാരിൽ കുറേയധികം മുസ്​ലിംകൾ ഉണ്ട്​. സിറിയ, യമൻ, അഫ്​ഗാനിസ്​ഥാൻ തുടങ്ങിയ രാജ്യങ്ങളിൽ നിന്നൊക്കെ സ്വീഡനിലേക്ക്​ കുടിയേറ്റം ഉണ്ടായിട്ടുണ്ട്​. അമേരിക്കപോലെ കുടിയേറ്റ വിരുദ്ധ രാഷ്​ട്രീയം പറയുന്ന ചെറിയൊരുവിഭാഗം സ്വീഡനിലും ഉണ്ട്​. നോർഡിക്​ രാജ്യങ്ങളെ പിടിച്ചെടുക്കാൻ 'വരുത്തന്മാരെ'സമ്മതിക്കില്ല എന്നതാണ്​ അവരുടെ ലളിതമായ മുദ്രാവാക്യം.

റാസ്​മസ്​ പാലുഡാൻ എന്നാണ്​ ഇൗ സംഘത്തി​െൻറ നേതാവി​െൻറ പേര്​. ഡെൻമാർക്ക്​ കേന്ദ്രമാക്കിയാണ്​ ഇയാളുടെ രാഷ്​​ട്രീയ പ്രവർത്തനം നടക്കുന്നത്​. മുസ്​ലിം വിരുദ്ധ വിഷലിപ്​തമായ പ്രചരണങ്ങൾകൊണ്ട്​ കുപ്രസിദ്ധിയാർജ്ജിച്ചിട്ടുള്ള ആളാണ്​ പാലുഡാൻ. വംശീയ പ്രചരണത്തി​െൻറ പേരിൽ ഇയാൾ ജയിൽ ശിക്ഷയും അനുഭവിച്ചിട്ടുണ്ട്​. കുടിയേറ്റ വിരുദ്ധ പാർട്ടിയായ ഹാർഡ്​ ലൈനി​െൻറ നേതാവാണ്​ ഇയാൾ.

കുറേനാൾ മുമ്പ്​ ഖുറാനിൽ ബേക്കൺ (പന്നിയിറച്ചികൊണ്ട്​ ഉണ്ടാക്കുന്ന ഒരു വിഭവം) കെട്ടിവച്ചശേഷം കത്തിച്ചതിന്​ നിയമനടപടി നേരിടുന്നയാളുമാണ്​ റാസ്​മസ്​ പാലുഡാൻ. ഇയാളുടെ അനുയായികൾ മാൽമൊ നഗരത്തിൽ വെള്ളിയാഴ്​ നടത്താൻ തീരുമാനിച്ച ഒരു പരിപാടിയാണ്​ സ്വീഡനിൽ കലാപം സൃഷ്​ടിച്ചത്​.

ആരാണ്​ കലാപകാരികൾ

മാൽമൊ നഗരത്തിലെ വിവാദ പരിപാടിയിൽ പ​െങ്കടുക്കുമെന്ന്​ കുപ്രസിദ്ധനായ പാലുഡാൻ പ്രഖ്യാപിച്ചിരുന്നു. എന്നാൽ സ്വീഡിഷ്​ പൊലീസ്​ പരിപാടിക്ക്​ അനുമതി നിഷേധിക്കുകയും പരിപാടി സ്​ഥലത്ത്​ എത്തുന്നതിന്​ മുമ്പ്​ പാലുഡാനെ അറസ്​റ്റ്​ ചെയ്യുകയും ചെയ്​തു. ഇതോടെ ഇയാളു​െട അനുയായികൾ പ്രകോപിതരാവുകയും പൊലീസിനെതിരെ തിരിയുകയുമായിരുന്നു. ഇവരിൽ ചിലർ ഖുറാൻ കോപ്പികൾ കത്തിക്കുകയും അത്​ വീഡിയോയിൽ പകർത്തി സമൂഹമാധ്യമങ്ങളിൽ പ്രചരിപ്പിക്കുകയുംചെയ്​തു.

വെള്ളിയാഴ്​ച ദിവസംതന്നെ പരിപാടി നടത്താൻ തീരുമാനിച്ചതിന്​ പിന്നിലും മുസ്​ലിം വിരുദ്ധതയായിരുന്നു കാരണം. 'അയാൾ സ്വീഡനിൽ നിയമം ലംഘിക്കാൻ പോവുകയാണെന്ന് ഞങ്ങൾ സംശയിക്കുന്നു'മാൽമോയിലെ പോലീസ് വക്താവ് കാലെ പെർസൺ പറഞ്ഞു. 'അയാളുടെ പെരുമാറ്റം സമൂഹത്തിന് ഭീഷണിയാണ്​'-അദ്ദേഹം കൂട്ടിച്ചേർത്തു. യഥാർഥത്തിൽ വെള്ളിയാഴ്​ച നടന്ന കലാപത്തിന്​ പിന്നിൽ പാലുഡാ​െൻറ അനുയായികളായിരുന്നു. അവരാണ്​ അക്രമങ്ങൾ തുടങ്ങിവച്ചതും.

പാലുഡാനെ അറസ്​റ്റ്​ ചെയ്​തതാണ്​ ഇവരെ പ്രകോപിതരാക്കിയത്​. മാൽമാവൊ കുടിയേറ്റക്കാർ ധാരാളമുള്ള നഗരമാണ്​. ഇതാണ്​ വംശീയവാദികൾ ആ പ്ര​ദേശംതന്നെ കുഴപ്പം ഉണ്ടാക്കാൻ തെരഞ്ഞെടുക്കാൻ കാരണം. പാലുഡാ​െൻറ അറസ്​റ്റിന്​ശേഷവും പരിപാടി ഉപേക്ഷിക്കാതെ നഗരത്തിൽ റാലി നടത്തിയ ഇവർ കൂടുതൽ പ്രകോപനങ്ങൾ സൃഷ്​ടിക്കുകയായിരുന്നു.

ഇതിനുശേഷം നടന്ന അക്രമസംഭവങ്ങളിൽ സ്വീഡിഷ്​ പൊലീസ്​ അന്വേഷണം പ്രഖ്യാപിച്ചിട്ടുണ്ട്​. അതിലും വംശീയവാദികളായ വലതുപക്ഷക്കാരാണ്​ അണിനിരന്നതെന്നും സൂചനയുണ്ട്​. ഖുറാൻ കത്തിച്ച സംഭവത്തെ അപലപിച്ച മുസ്​ലിം ഇമാമുമാർ ആരെങ്കിലും അക്രമങ്ങളിൽ പ​െങ്കടുത്തിട്ടുണ്ടെങ്കിൽ അത്​ ശരിയായ രീതിയല്ലെന്നും പറഞ്ഞു. സംഭവശേഷം പാലുഡാനെ പൊലീസ്​ സ്വീഡനിൽ നിന്ന്​ നാടുകടത്തിയിട്ടുണ്ട്​.

രണ്ട്​ വർഷത്തേക്കാണ്​ ഇയാളെ രാജ്യത്തുനിന്ന്​ പുറത്താക്കിയിരിക്കുന്നത്​. 'സ്വീഡനിൽ നിന്ന്​ എന്നെ തിരിച്ചയക്കുകയും രണ്ടുവർഷത്തേക്ക് രാജ്യത്ത്​ പ്രവേശിക്കുന്നതിൽ നിന്ന്​ വിലക്കുകയും ചെയ്​തു'- ഇയാൾ പിന്നീട്​ ഫേസ്​ബുക്കിൽ കുറിച്ചു.

വ്യാജ പ്രചരണം

ഇൗ സംഭത്തെ ഇന്ത്യയിൽ പ്രചരിപ്പിച്ചത്​ മറ്റൊരു രീതിയിലായിരുന്നു. അടുത്തകാലത്ത്​ ബാംഗളൂരുവിൽ നടന്ന അക്രമസംഭവങ്ങളോടായിരുന്നു പ്രധാനതാരതമ്യം. മതങ്ങൾ മൊത്തം കുഴപ്പമാണെന്ന്​ തെളിയിക്കാനും ചില ഗ്രൂപ്പുകൾ സ്വീഡിഷ്​ കലാപത്തെ ഉപയോഗിച്ചു.

എന്നാൽ സ്വീഡിഷ്​ അധികൃതർ സംഭവത്തിൽ കൃത്യമായ നടപടികളായിരുന്നു ആദ്യം മുതൽ സ്വീകരിച്ചത്​. വംശീയ പരിപാടിക്ക്​ അനുമതി നിഷേധിക്കുകയും അതിൽ പ​െങ്കടുക്കാനെത്തിയ തീവ്രവാദി നേതാവിനെ പിടികൂടുകയും ചെയ്​തു. തുടർന്ന്​ ഇയാളെ രാജ്യത്തുനിന്നുതന്നെ പുറത്താക്കുകയായിരുന്നു. എന്നാൽ ഇസ്​ലാമൊഫോബിയ ബാധിച്ച ആളുകൾ ഇൗ സംഭവ​ത്തെ മുസ്​ലിംകൾക്കെതിരായ പ്രചാരവേലക്കാണ്​ ഉപയോഗിച്ചതെന്ന്​ മാത്രം.