യു.എസ്​ സൈനികത്താവളത്തിൽ രണ്ട്​ മില്യൺ ഡോളറിന്‍റെ ഡീസൽ മോഷ്​ടിച്ച സംഭവത്തിൽ അന്വേഷണം

വാഷിങ്​ടൺ: യു.എസ്​ സൈനികത്താവളത്തിൽ നിന്നും ഡീസൽ മോഷ്​ടിച്ച സംഭവത്തിൽ അന്വേഷണം. റൊമേനിയയിലെ സൈനികത്താവളത്തിലാണ്​ ഡീസൽ മോഷണമുണ്ടായത്​. രണ്ട്​ മില്യൺ ഡോളർ മൂല്യമുള്ള ഡീസലും മറ്റ്​ ഇന്ധനങ്ങളുമാണ്​ മോഷ്​ടിക്കപ്പെട്ടത്​. കോൻസ്റ്റാനയിലെ സൈനിക കേന്ദ്രത്തിലായിരുന്നു മോഷണമെന്നും റൊമേനിയൻ ​െപാലീസ്​ അറിയിച്ചു.

മോഷണവുമായി ബന്ധപ്പെട്ട്​ നിരവധി വീടുകളിൽ പൊലീസ്​ പരിശോധന നടത്തി. 2017 മുതൽ 2021 വരെയാണ്​ കുറ്റകൃത്യം നടന്നത്​. സംഘടിതമായ കുറ്റകൃത്യ സംഘമാണ്​ ഡീസൽ മോഷ്​ടിച്ചത്​. ​േമാഷണ സംഘ തലവൻമാരുടെ നിർദേശപ്രകാരം ജനറേറ്ററുകളിൽ നിന്ന്​ സഠഘാംഗങ്ങൾ ഡീസൽ മോഷ്​ടിക്കുകയായിരുന്നു.

1999ൽ തന്നെ​ റൊമേനിയയിലെ എയർബേസ്​ യു.എസ്​ ഉപയോഗിക്കുന്നുണ്ട്​. 2004 മുതൽ നാറ്റോ കമാൻഡ്​ സെന്‍ററായും യു.എസ്​ സ്​റ്റേഷനും ഉപയോഗിക്കുന്നുണ്ട്​.