രണ്ടാമത്തെ കോവിഡ്​ വാക്​സിനുമായി റഷ്യ; മൂന്നാംഘട്ട ട്രയൽ പൂർത്തിയാക്കാതെ അംഗീകാരം

മോസ്​കോ: റഷ്യ തങ്ങളുടെ രണ്ടാമത്തെ കോവിഡ്​ 19 പ്രതിരോധ വാക്​സിനും അംഗീകാരം നൽകി. മാസങ്ങൾക്ക്​ മുമ്പ്​ വാർത്തകളിൽ നിറഞ്ഞ സ്​പുട്​നിക്​ വിക്ക്​ ശേഷം 'എപിവാക്​ കൊറോണ' എന്ന വാക്​സിനാണ്​ അംഗീകാരം നൽകിയിരിക്കുന്നത്​. ഇന്ന്​ നടന്ന സർക്കാർ യോഗത്തിൽ പ്രസിഡൻറ്​ വ്ലാദിമിർ പുടിനാണ് ​ ഇക്കാര്യം അറിയിച്ചത്​.

ലോകത്തെ ഏറ്റവും പ്രശസ്തമായ വൈറസ് റിസർച്ച് സെൻററുകളിൽ ഒന്നായ സൈബീരിയയിലെ വെക്ടർ ഇൻസ്‌റ്റിറ്റ്യൂട്ട് വികസിപ്പിച്ചെടുത്ത 'എപിവാക്​ കൊറോണ' സ്​പുട്​നിക്കിൽ നിന്നും ഏറെ വെത്യസ്​തമാണെന്നാണ്​ അവകാശവാദം. 40 വർഷമായി പ്രവർത്തിക്കുന്ന​ അവർക്ക്​ എബോളയുൾപ്പെടെയുള്ള മാരക രോഗങ്ങൾക്ക് പ്രതിരോധ വാക്സിൻ വിജയകരമായി വികസിപ്പിച്ച ചരിത്രവുമുണ്ട്​​.

ഓരോ വോളൻറിയർമാരിലും എപിവാക് കൊറോണയുടെ രണ്ട് ഡോസുകൾ വീതമാണ് കുത്തിവെച്ചത്. മാർച്ചിൽ തന്നെ കോവിഡ്​ വാക്​സിനായുള്ള പ്രവർത്തനങ്ങൾ വെക്​ടർ ഇൻസ്റ്റിറ്റ്യട്ടിൽ ആരംഭിച്ചിരുന്നു. ആദ്യ ഘട്ടത്തിൽ 14 പേർക്കും രണ്ടാം ഘട്ടത്തിൽ 43 പേർക്കും അവർ വാക്​സിൻ നൽകുകയും ചെയ്​തു. ഫലം ഇതുവരെ അവർ പുറത്തുവിട്ടിട്ടില്ല. മനുഷ്യരിലെ മൂന്നാംഘട്ട ട്രയൽ പൂർത്തിയാക്കാതെയാണ്​ എപിവാക്​ കൊറോണ വാക്​സിനും അംഗീകാരം നൽകിയിരിക്കുന്നത്​. നേരത്തെ സ്​പുട്​നിക്​ വി-ക്കും ഇത്തരത്തിൽ അംഗീകാരം നൽകിയിരുന്നു. അതേസമയം, 30000 പേരെ പ​െങ്കടുപ്പിച്ചുകൊണ്ടുള്ള മൂന്നാം ഘട്ട ട്രയൽ ഉടൻ നടക്കുമെന്നും സൂചനയുണ്ട്​.

എപിവാക്​ കൊറോണയുടെ ഉത്​പാദനം ഇൗ വർഷാവസാനം തുടങ്ങിയേക്കും. രണ്ട്​ വാക്​സിനുകളുടെയും നിർമാണം വർധിപ്പിക്കേണ്ടതുണ്ടെന്ന്​ പുടിൻ ഇന്ന്​ മാധ്യമങ്ങളോട്​ പറയുകയും ചെയ്​തിരുന്നു. തങ്ങളുടെ വിദേശ പങ്കാളികളുമായുള്ള സഹകരണം ഇപ്പോഴും തുടരുന്നുണ്ടെന്നും റഷ്യ നിർമിച്ച വാക്​സിൻ വിദേശ രാജ്യങ്ങളിലേക്ക്​ എത്തിക്കുമെന്നും അദ്ദേഹം കൂട്ടിച്ചേർത്തു.