യുക്രെയ്നിൽ കിയവും ഖാർകിവും ആക്രമിച്ച് റഷ്യ; നാ​ലു മ​ര​ണം

കി​യ​വ്: യു​ക്രെ​യ്നി​ലെ ഏ​റ്റ​വും വ​ലി​യ ര​ണ്ടു പ​ട്ട​ണ​ങ്ങ​ളി​ൽ വ​ൻ​വ്യോ​മാ​ക്ര​മ​ണ​വു​മാ​യി റ​ഷ്യ. ത​ല​സ്ഥാ​ന ന​ഗ​ര​മാ​യ കി​യ​വ്, അ​തി​ർ​ത്തി​യി​ലെ ഖാ​ർ​കി​വ് എ​ന്നി​വി​ട​ങ്ങ​ളി​ൽ ന​ട​ന്ന ആ​ക്ര​മ​ണ​ങ്ങ​ളി​ൽ നാ​ലു​പേ​ർ മ​രി​ക്കു​ക​യും ആ​റു​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. രാ​ജ്യ​ത്തി​ന്റെ വി​വി​ധ മേ​ഖ​ല​ക​ളി​ൽ ഏ​റെ​യാ​യി ഡ്രോ​ണു​ക​ൾ ക​ന​ത്ത നാ​ശം വി​ത​ക്കു​ന്ന​തി​നി​ടെ​യാ​ണ് പ്ര​മു​ഖ പ​ട്ട​ണ​ങ്ങ​ൾ ല​ക്ഷ്യ​മി​ടു​ന്ന​ത്.

ഖാ​ർ​കി​വി​ൽ ചൊ​വ്വാ​ഴ്ച പു​ല​ർ​ച്ചെ​യു​ണ്ടാ​യ ആ​ക്ര​മ​ണ​ത്തി​ലാ​ണ് നാ​ലു ​മ​ര​ണം. കെ​ട്ടി​ടം സ​മ്പൂ​ർ​ണ​മാ​യി ത​ക​ർ​ന്നു. കി​യ​വി​ൽ ത​ക​ർ​​ക്ക​പ്പെ​ട്ട ഡ്രോ​ണി​ൽ​നി​ന്നു​ള്ള അ​വ​ശി​ഷ്ട​ങ്ങ​ൾ പ​തി​ച്ചാ​ണ് ആ​റു​പേ​ർ​ക്ക് പ​രി​ക്കേ​റ്റ​ത്. കെ​ട്ടി​ട​ത്തി​ന് തീ​പി​ടി​ക്കു​ക​യും ചെ​യ്തു. ക​ഴി​ഞ്ഞ രാ​ത്രി​യി​ൽ 48 ഡ്രോ​ണു​ക​ൾ വ​ർ​ഷി​ച്ച​തി​ൽ 26ഉം ​ത​ക​ർ​ത്ത​താ​യി യു​ക്രെ​യ്ൻ സേ​ന അ​റി​യി​ച്ചു.

അ​തേ സ​മ​യം, റ​ഷ്യ​യി​ലെ കു​ർ​സ്ക് മേ​ഖ​ല​യി​ൽ ഉ​ത്ത​ര കൊ​റി​യ​ൻ സേ​ന​യെ വി​ന്യ​സി​ച്ച​താ​യി നാ​റ്റോ ആ​രോ​പി​ച്ചു. 10,000 ത്തോ​ളം കൊ​റി​യ​ൻ​ സൈ​നി​ക​ർ റ​ഷ്യ​യെ സ​ഹാ​യി​ക്കാ​നെ​ത്തി​യെ​ന്നാ​ണ് ആ​രോ​പ​ണം. ഉ​ത്ത​ര കൊ​റി​യ റ​ഷ്യ​ക്കൊ​പ്പം ചേ​ർ​ന്നാ​ൽ അ​മേ​രി​ക്ക​ൻ ആ​യു​ധ​ങ്ങ​ൾ ഉ​പ​യോ​ഗി​ക്കു​ന്ന​തി​ന് നി​ല​വി​ലെ വി​ല​ക്കു​ക​ൾ എ​ടു​ത്തു​ക​ള​യു​മെ​ന്ന് പെ​ന്റ​ഗ​ൺ അ​റി​യി​ച്ചു. ര​ണ്ട​ര വ​ർ​ഷ​ത്തി​ലേ​റെ​യാ​യി തു​ട​രു​ന്ന സം​ഘ​ർ​ഷം പു​തി​യ ത​ല​ങ്ങ​ളി​ലെ​ത്തി​ച്ചാ​ണ് റ​ഷ്യ​ക്കൊ​പ്പം ഉ​ത്ത​ര കൊ​റി​യ​ൻ സേ​ന​യു​​മു​ണ്ടെ​ന്ന ആ​രോ​പ​ണം ശ​ക്ത​മാ​കു​ന്ന​ത്.