ബഹിരാകാശത്തൊരു സിനിമ ഷൂട്ടിങ്​

മോസ്​കോ: സിനിമ ഷൂട്ടിങ്ങിനായി ബഹിരാകാശത്തേക്ക്​ യാത്രതിരിച്ച്​ റഷ്യൻ സംഘം. ബഹിരാകാശത്ത്​ ചിത്രീകരിക്കുന്ന ആദ്യ സിനിമയാണിത്​. ചലഞ്ച്​ എന്നി സിനിമക്കായി നടി യൂലിയ പെരേസിൽഡും സംവിധായകൻ കിം ഷിപെൻകോയുമാണ്​ സംഘത്തിലുള്ളത്​.

ഹൃദയസംബന്ധമായ രോഗം ബാധിച്ച ബഹിരാകാശ സഞ്ചാരിയുടെ ജീവൻ രക്ഷിക്കാനായി പുറപ്പെടുന്ന ​​ഡോക്​ടറുടെ കഥയാണ്​ സിനിമ പറയുന്നത്​. റഷ്യൻ സോയുസ്​ സ്​പേസ്​ ക്രാഫ്​റ്റിലാണ്​ കസാഖ്​സ്​ഥാനിലെ റഷ്യൻ സ്​പേസ്​ സെൻററിൽനിന്ന്​ സംഘം പുറപ്പെട്ടത്​. ബഹിരാകാശ യാത്രികനായ ആൻറൺ ഷ്​കപ്ലറേവും ഒപ്പമുണ്ട്​. ബഹിരാകാശത്ത്​ സുരക്ഷിതമായി എത്തിയെന്നാണ്​ റിപ്പോർട്ട്​.

12 ദിവസത്തെ ഷൂട്ടിങ്​ കഴിഞ്ഞ്​ ഇവർ മടങ്ങും.