ആക്രമണം ശക്തമാക്കി റഷ്യ; യുക്രെയ്നിൽ പ്രവേശിച്ച് സൈന്യം
text_fieldsമാസങ്ങൾ നീണ്ട അനിശ്ചിതത്വത്തിനൊടുവിൽ പാശ്ചാത്യരാജ്യങ്ങൾ നൽകിയ മുന്നറിയിപ്പ് യാഥാർഥ്യമാക്കി റഷ്യ യുക്രെയ്നെതിരെ യുദ്ധം ആരംഭിച്ചിരിക്കുന്നു. കിഴക്കൻ യുക്രെയ്നിലേക്ക് സൈനികനീക്കത്തിന് റഷ്യൻ പ്രസിഡന്റ് വ്ലാദിമിർ പുടിൻ ഉത്തരവിടുകയായിരുന്നു. ഇതിന് പിന്നാലെ യുക്രെയ്ൻ നഗരങ്ങളെ ലക്ഷ്യമാക്കി വ്യാപക വ്യോമാക്രമണമാണ് റഷ്യ നടത്തിയത്.
തത്സമയ വാർത്തകൾ...
Live Updates
- 24 Feb 2022 6:47 AM GMT
'ആരും ഓടിയൊളിക്കില്ല; യുക്രെയ്ൻ പൊരുതും, ജയിക്കും'
റഷ്യൻ ആക്രമണത്തിനെതിരെ യുക്രെയ്ൻ സൈന്യം ധീരമായി പൊരുതുമെന്ന് വിദേശകാര്യ മന്ത്രി ദിമിത്രോ കുലേബ.
ലോകമെമ്പാടുമുള്ള ഉക്രെയ്നിയക്കാർക്ക്:
പുടിൻ ആക്രമിച്ചു, പക്ഷേ ആരും ഓടിയൊളിക്കുന്നില്ല. സൈന്യവും നയതന്ത്രജ്ഞരും, എല്ലാവരും ജോലി ചെയ്യുന്നു. യുക്രെയ്ൻ പൊരുതും. വിജയിക്കും.
നിങ്ങളുടെ രാജ്യത്ത് പുടിന്റെ അധിനിവേശത്തെക്കുറിച്ച് ചർച്ചയാക്കുക, ഉടനടി പ്രവർത്തിക്കാൻ സർക്കാറുകളോട് ആവശ്യപ്പെടുക. -അദ്ദേഹം ട്വീറ്റ് ചെയ്തു.
- 24 Feb 2022 6:40 AM GMT
വ്യോമതാവളങ്ങൾ തകർത്തെന്ന് റഷ്യ; റഷ്യൻ വിമാനങ്ങൾ വെടിവെച്ചിട്ടെന്ന് യുക്രെയ്ൻ
യുക്രെയ്നിലെ വ്യോമതാവളങ്ങൾ ആക്രമണത്തിൽ തകർത്തെന്ന് റഷ്യ. തലസ്ഥാനമായ കിയവ് ഉൾപ്പെടെ പ്രധാന നഗരങ്ങളിൽ ആക്രമണം തുടരുന്നു. റഷ്യൻ വിമാനങ്ങൾ വെടിവെച്ചിട്ടെന്ന് യുക്രെയ്ൻ സൈന്യം അവകാശപ്പെട്ടു
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.