ലോകത്തിലെ ഏറ്റവും പ്രായം കൂടിയ വ്യക്തി അന്തരിച്ചു

മഡ്രിഡ്: ലോകത്തിലെ ഏറ്റവും പ്രായം കൂടിയ വ്യക്തി സ​റ്റേർനിനോ ദേല ഫ്യൂല ഗാർസ്യ സ്പെയിനിൽ അന്തരിച്ചു. 113 വയസ് തികയുന്നതിന് ഒരുമാസം മുമ്പാണ് അന്ത്യം. വടക്കൻ സ്പാനിഷ് നഗരമായ ലിയോണിലെ വസതിയിൽ വെച്ച് ചൊവ്വാഴ്ച രാവിലെയായിരുന്നു അന്ത്യം.

ഷൂ നിർമാതാവായിരുന്നു ഇദ്ദേഹം. കഴിഞ്ഞ വർഷം സെപ്റ്റംബറിലാണ് ഗിന്നസ് ബുക്ക് ഓഫ് റെക്കോർഡ്സ് ലോകത്തിലെ ഏറ്റവും പ്രായം കൂടിയ മനുഷ്യനായി ഇദ്ദേഹത്തെ തെരഞ്ഞെടുത്തത്. ​അന്‍റോണിയ ബാരിയാണ് ഭാര്യ.