കോവിഡി​െൻറ​ ഏതു വകഭേദവും ചെറുത്ത്​​​ വാക്​സിൻ വരുന്നു; മനുഷ്യരിൽ പരീക്ഷണം അടുത്ത വർഷത്തോടെ

ലണ്ടൻ: അതിവേഗം രൂപവും കോലവും മാറി​ എല്ലാ തരം പ്രതിരോധങ്ങളെയും ​മറികടക്കാൻ കെൽപുള്ളവരാണ്​ വൈറസുകൾ. അതിനാൽ, ലോകം കീഴടക്കിയ കോവിഡ്​ വൈറസിനെ പ്രതിരോധിക്കാൻ ഇതുവരെയും വികസിപ്പിച്ച വാക്​സിനുകൾ എത്രകണ്ട്​ അടുത്ത തലമുറക്കെതിരെ ഫലപ്രദമാകുമെന്ന ആശങ്കയുണ്ടായിരുന്നു ലോകത്തിന്​. അതു തിരിച്ചറിഞ്ഞ്​ എല്ലാ തരം വകഭേദങ്ങളും വരാതെ കാക്കുന്ന പുതിയ കോവിഡ്​ വാക്​സിൻ വികസിപ്പിച്ചെടുക്കുന്ന പ്രക്രിയ അതിവേഗം പുരോഗമിക്കുകയാണെന്ന്​​ റിപ്പോർട്ട്​.

നോർത്​ കരോലൈന ഗില്ലിങ്​സ്​ സ്​കൂൾ ഓഫ്​ ​േഗ്ലാബൽ പബ്ലിക്​ ഹെൽത്ത്​ ആണ്​ പുതിയ ഹൈബ്രിഡ്​ വാക്​സിൻ വികസിപ്പിക്കുന്നത്​. ഇതുവരെ നടന്ന പരീക്ഷണങ്ങളിൽ ഏതുതരം വൈറസിനെതിരെയുമുള്ള ആൻറിബോഡികൾ ഇവ നിർമിച്ചെടുക്കുന്നതായി ശാസ്​ത്രജ്​ഞർ പറയുന്നു. ദക്ഷിണാഫ്രിക്കയിൽ അവസാനമായി കണ്ടെത്തിയ ബി.1.351 വകഭേദത്തിനെതിരെയും വിജയമാണ്​.

പരീക്ഷണത്തിനിരയായ എലികൾ കോവിഡിനെതിരെ മാത്രമല്ല, മൃഗങ്ങളിൽനിന്ന്​ മനുഷ്യരിലേക്ക്​ പടരാൻ സാധ്യതയുള്ള മറ്റു കൊറോണ വൈറസുകൾക്കെതിരെയും പ്രതിരോധ ശേഷി നൽകുന്നതായും കണ്ടെത്തിയിട്ടുണ്ട്​.

ഗവേഷണ ഫലങ്ങൾ 'സയൻസ്​' ജേണലിൽ പ്രസിദ്ധീകരിച്ചിട്ടുണ്ട്​.

അടുത്ത വർഷം മനുഷ്യരിൽ ഇവ പരീക്ഷണം നടത്താനാകുമെന്നാണ്​ കണക്കുകൂട്ടൽ.