അഫ്​ഗാനിൽ നിന്ന്​ യു.എസിൻെറ വിജയകരമായ പിൻവാങ്ങൽ അസാധ്യമായിരുന്നുവെന്ന്​ 'സിഗാർ'

കാബൂൾ: യു.എസി​െന്‍റ യാഥാർഥ്യബോധമില്ലാത്തതും ദീർഘവീക്ഷണമില്ലാത്തതുമായ ലക്ഷ്യങ്ങൾ കാരണം അഫ്​ഗാനിസ്​താനിൽ നിന്നും 'വിജയകരമായ പിൻവാങ്ങൽ' അസാധ്യമായിരുന്നുവെന്ന്​ 'സിഗാറി​'െന്‍റ റിപ്പോർട്ട്​.

അഫ്ഗാനിലേക്കുള്ള യു.എസ് സർക്കാറി​െന്‍റ നിരീക്ഷകരായ 'സ്പെഷൽ ഇൻസ്പെക്ടർ ജനറൽ ഫോർ അഫ്​ഗാൻ റി കൺസ്​ട്രക്​ഷൻ' (സിഗാർ) ചൊവ്വാഴ്ചയാണ്​ അവരുടെ അവസാന പഠനത്തി​െന്‍റ റിപ്പോർട്ട്​ പുറത്തിറക്കിയത്​. അഫ്​ഗാ​െന്‍റ പുനർനിർമാണവുമായി ബന്ധപ്പെട്ട്​ 2008ലാണ്​ 'സിഗാർ' പ്രവർത്തനമാരംഭിച്ചത്​.

അഫ്ഗാനിൽ സുസ്ഥിര സർക്കാർ സ്ഥാപിക്കാൻ വേണ്ടത്​ എന്തൊക്കെയാണെന്നത്​ യു.എസ് ഉദ്യോഗസ്ഥർ ഒരിക്കലും ഗൗരവമായി എടുത്തിട്ടില്ല എന്ന്​ റിപ്പോർട്ട്​ കുറ്റപ്പെടുത്തുന്നു. പരാജയപ്പെട്ട രാഷ്​ട്രനിർമാണ പദ്ധതിയിലെ അഴിമതിയും കെടുകാര്യസ്​ഥതയും രേഖപ്പെടുത്തിയിട്ടുമുണ്ട്​.

അഫ്ഗാ​‍െൻറ പുനർനിർമാണത്തിനാവശ്യമായ സമയത്തെ യു.എസ് നിരന്തരം വിലകുറച്ച് കാണുകയും യാഥാർഥ്യമല്ലാത്ത സമയക്രമങ്ങളും പ്രതീക്ഷകളും സൃഷ്​ടിക്കുകയും ചെയ്തു. യു.എസ്​ അഫ്ഗാനിൽ നിന്ന് അന്തിമ സൈന്യത്തെ പിൻവലിക്കാൻ തുടങ്ങിയപ്പോൾ ആഴ്ചകൾക്കുള്ളിൽ രാജ്യത്തി​െന്‍റ നാലിലൊന്ന് പിടിച്ചെടുക്കാനുള്ള അവസരം താലിബാൻ ഉപയോഗിച്ചു.

അഫ്ഗാൻ സുരക്ഷാസേന അവരുടെ സ്ഥാനങ്ങൾ ഉപേക്ഷിച്ചു രക്ഷപ്പെട്ടുവെന്നും സിഗാർ കുറ്റപ്പെടുത്തി.