അ​ന്താ​രാ​ഷ്ട്ര കോ​ട​തി​യി​ൽ ഇ​സ്രാ​യേ​ലി​നെ​തി​രെ രൂ​ക്ഷ വി​മ​ർ​ശ​ന​വുമായി രാ​ജ്യ​ങ്ങ​ൾ

ഹേഗ്: ഇസ്രായേൽ തുടരുന്ന വംശഹത്യക്കെതിരെ അന്താരാഷ്ട്ര നീതിന്യായ കോടതിയിൽ വാദം തുടരുന്നു. ദക്ഷിണാഫ്രിക്കക്കുപുറമെ മൊഴി നൽകിയ അൽജീരിയ, സൗദി അറേബ്യ അടക്കം രാജ്യങ്ങൾ ഇസ്രായേലിനെതിരെ ഏറ്റവും കടുത്ത വിമർശനമാണ് ഉന്നയിച്ചത്. തങ്ങളുടെ രാജ്യത്ത് കഴിഞ്ഞ നൂറ്റാണ്ടിൽ കറുത്ത വർഗക്കാർക്കെതിരെ അരങ്ങേറിയ അപ്പാർത്തീഡിനേക്കാൾ ഭീകരമായ മനുഷ്യത്വരഹിതമായ വിവേചന നടപടികളാണ് ഇസ്രായേൽ തുടരുന്നതെന്ന് നെതർലൻഡ്സിലെ ദക്ഷിണാഫ്രിക്കൻ അംബാസഡർ വുസി മഡോൺസെല പറഞ്ഞു. ഗസ്സയിലുള്ളവരെ മനുഷ്യരായി കാണുന്നതിനുപകരം ഒഴിവാക്കിക്കളയേണ്ട വസ്തുക്കളായാണ് ഇസ്രായേൽ കണക്കാക്കുന്നതെന്ന് സൗദി അറേബ്യയുടെ പ്രതിനിധി പറഞ്ഞു. കഴിഞ്ഞ ദിവസം ഫലസ്തീൻ പ്രതിനിധിയും സമാന അഭിപ്രായം പങ്കുവെച്ചിരുന്നു. നെതർലൻഡ്സ്, ബംഗ്ലാദേശ് അടക്കം മറ്റു രാജ്യങ്ങളും ഇസ്രായേലിനെതിരെ മൊഴി നൽകി. ഇസ്രായേലി പാർലമെന്റംഗം രാജ്യാന്തര കോടതിയിലെ ദക്ഷിണാഫ്രിക്കൻ നീക്കത്തെ പിന്തുണച്ചിരുന്നു. ഇതിന്റെ പേരിൽ പാർലമെന്റിൽനിന്ന് അദ്ദേഹത്തെ പുറത്താക്കാൻ വോട്ടിങ് നടന്നെങ്കിലും 120 അംഗ സഭയിൽ ആവശ്യമായ 90 വോട്ട് ലഭിക്കാത്തതിനാൽ തള്ളപ്പെട്ടു.

നാലുമാസം പിന്നിട്ട ഗസ്സ വംശഹത്യയിൽ കൊല്ലപ്പെട്ടവരുടെ എണ്ണം 29,000 പിന്നിട്ടിട്ടുണ്ട്. മുനമ്പിൽ ഭക്ഷണം കിട്ടാതെ പിടഞ്ഞുവീഴുന്ന കുരുന്നുകളുടെ എണ്ണം കുത്തനെ ഉയരുകയാണെന്ന് കുട്ടികൾക്കായുള്ള യു.എൻ ഏജൻസി യുനിസെഫ് പറഞ്ഞു. ഇവിടെ 90 ശതമാനത്തിലേറെ കുട്ടികളും ഭക്ഷണം കിട്ടാതെ പ്രയാസപ്പെടുകയാണ്. 70 ശതമാനത്തിലേറെ കുട്ടികളിലും വയറിളക്കമുണ്ട്. പകർച്ചവ്യാധികളും പിടിമുറുക്കുകയാണെന്ന് സംഘടന പറഞ്ഞു. ഇസ്രായേൽ ആശുപത്രികളെ ലക്ഷ്യമിടുകയാണെന്ന് ലോകാരോഗ്യ സംഘടനയും അറിയിച്ചു. നൂറിലേറെ രോഗികളുള്ള ദക്ഷിണ ഗസ്സയിലെ ഏറ്റവും വലിയ ചികിത്സാകേന്ദ്രമായ നാസർ ആശുപത്രിയിൽ വൈദ്യുതിയും വെള്ളവും മുടക്കിയാണ് ഇസ്രായേൽ ക്രൂരത തുടരുന്നത്. നിരവധി ഡോക്ടർമാരും അകത്ത് കുടുങ്ങിക്കിടക്കുന്നുണ്ട്.

അതിനിടെ, വടക്കൻ ഗസ്സയിൽ വീണ്ടും ആക്രമണത്തിന്റെ ഭാഗമായി കുടിയൊഴിപ്പിക്കൽ മുന്നറിയിപ്പ് നൽകിയിട്ടുണ്ട്. ഗസ്സയിൽ കൂട്ട ബോംബിങ് തുടരുന്ന ഇസ്രായേൽ വെസ്റ്റ് ബാങ്കിൽ റെയ്ഡും തുടരുകയാണ്. ഇതിനകം 7,120 പേരെയാണ് ഇവിടെനിന്ന് കസ്റ്റഡിയിലെടുത്തത്.

വെടിനിർത്തൽ ചർച്ചകൾക്കായി ഹമാസ് നേതാവ് ഇസ്മാഈൽ ഹനിയ്യ കൈറോയിലെത്തിയതായും റി​പ്പോ​ർ​ട്ടു​ണ്ട്. ഇ​സ്രാ​യേ​ലി​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു​വി​നെ​തി​രെ പ്ര​തി​ഷേ​ധം ശ​ക്ത​മാ​കു​ന്ന​തി​നി​ടെ അ​ദ്ദേ​ഹ​ത്തി​ന്റെ വ​സ​തി​യി​ലേ​ക്ക് മാ​ർ​ച്ചും ന​ട​ന്നു. ബ​ന്ദി​ക​ളെ ഉ​ട​ൻ മോ​ചി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​യി​രു​ന്നു മാ​ർ​ച്ച്.

വംശഹത്യ തുടരുമ്പോഴും വീണ്ടും വീറ്റോയുമായി യു.എസ്

വാ​ഷി​ങ്ട​ൺ: ഗ​സ്സ​യി​ൽ ഇ​സ്രാ​യേ​ൽ തു​ട​രു​ന്ന കു​രു​തി​ക്കെ​തി​രെ ആ​ഗോ​ള സ​മ്മ​ർ​ദം ശ​ക്ത​മാ​കു​ന്ന​തി​നി​ടെ യു.​എ​ൻ ര​ക്ഷാ​സ​മി​തി​യി​ൽ അ​റ​ബ് രാ​ജ്യ​ങ്ങ​ൾ​ കൊ​ണ്ടു​വ​ന്ന അ​ടി​യ​ന്ത​ര വെ​ടി​നി​ർ​ത്ത​ൽ പ്ര​മേ​യ​വും വീ​റ്റോ ചെ​യ്യു​മെ​ന്ന് പ്ര​ഖ്യാ​പി​ച്ച് യു.​എ​സ്. യു.​എ​ന്നി​ലെ യു.​എ​സ് അം​ബാ​സ​ഡ​ർ ലി​ൻ​ഡ തോ​മ​സ് ഗ്രീ​ൻ​ഫീ​ൽ​ഡാ​ണ് വെ​ടി​നി​ർ​ത്ത​ൽ പ്ര​മേ​യ​ത്തി​നെ​തി​രാ​ണ് ത​ന്റെ രാ​ജ്യ​മെ​ന്ന് അ​റി​യി​ച്ച​ത്. ഇ​തി​നു​പ​ക​രം ആ​റാ​ഴ്ച​ത്തേ​ക്ക് താ​ൽ​ക്കാ​ലി​ക വെ​ടി​നി​ർ​ത്ത​ൽ പ്ര​മേ​യം യു.​എ​സ് നേ​രി​ട്ട് അ​വ​ത​രി​പ്പി​ക്കു​മെ​ന്നും ലി​ൻ​ഡ പ​റ​ഞ്ഞു.

ആ​ദ്യ​മാ​യാ​ണ് യു.​എ​സ് നേ​രി​ട്ട് വെ​ടി​നി​ർ​ത്ത​ൽ പ്ര​മേ​യം അ​വ​ത​രി​പ്പി​ക്കു​ന്ന​ത്. എ​ല്ലാ ബ​ന്ദി​ക​ളെ​യും വി​ട്ട​യ​ക്ക​ൽ, മാ​നു​ഷി​ക സ​ഹാ​യം എ​ത്തി​ക്കു​ന്ന​തി​ന് എ​ല്ലാ ത​ട​സ്സ​ങ്ങ​ളും നീ​ക്ക​ൽ എ​ന്നി​വ​ക്ക് വി​ധേ​യ​മാ​യി​ട്ടാ​യി​രി​ക്കും യു.​എ​സ് മു​ന്നോ​ട്ടു​വെ​ക്കു​ന്ന താ​ൽ​ക്കാ​ലി​ക വെ​ടി​നി​ർ​ത്ത​ൽ പ്ര​മേ​യം. യു.​എ​ൻ പൊ​തു​സ​ഭ​യി​ലെ 193 അം​ഗ രാ​ജ്യ​ങ്ങ​ളി​ൽ മ​ഹാ​ഭൂ​രി​പ​ക്ഷ​ത്തി​ന്റെ​യും പി​ന്തു​ണ​യോ​ടെ​യാ​ണ് അ​റ​ബ് രാ​ജ്യ​ങ്ങ​ൾ അ​ടി​യ​ന്ത​ര വെ​ടി​നി​ർ​ത്ത​ൽ ആ​വ​ശ്യ​പ്പെ​ട്ട് പ്ര​മേ​യം അ​വ​ത​രി​പ്പി​ച്ച​ത്. 22 അം​ഗ അ​റ​ബ് ഗ്രൂ​പ്പി​ന്റെ ഈ ​മാ​സ​ത്തെ അ​ധ്യ​ക്ഷ പ​ദ​വി വ​ഹി​ക്കു​ന്ന തു​നീ​ഷ്യ​യു​ടെ നേ​തൃ​ത്വ​ത്തി​ലാ​ണ് പ്ര​മേ​യം. വെ​ടി​നി​ർ​ത്ത​ലി​നൊ​പ്പം ബ​ന്ദി മോ​ച​ന​വും ഫ​ല​സ്തീ​നി​ക​ളു​ടെ നി​ർ​ബ​ന്ധി​ത കു​ടി​യൊ​ഴി​പ്പി​ക്ക​ൽ അ​വ​സാ​നി​പ്പി​ക്ക​ലും ഈ ​പ്ര​മേ​യം മു​ന്നോ​ട്ടു​വെ​ക്കു​ന്നു.

എ​ന്നാ​ൽ, തി​ടു​ക്ക​പ്പെ​ട്ട് വോ​ട്ട് ചെ​യ്യേ​ണ്ട​തി​ല്ലെ​ന്നാ​ണ് രാ​ജ്യ​ത്തി​ന്റെ നി​ല​പാ​ടെ​ന്ന് മു​തി​ർ​ന്ന അ​മേ​രി​ക്ക​ൻ പ്ര​തി​​നി​ധി​യെ ഉ​ദ്ധ​രി​ച്ച് അ​സോ​സി​യേ​റ്റ​ഡ് പ്ര​സ് റി​പ്പോ​ർ​ട്ട് ചെ​യ്തു. മൂ​ന്നാ​ഴ്ച​യാ​യി ഇ​തേ പ്ര​മേ​യ​ത്തി​ൽ ച​ർ​ച്ച​ക​ൾ ന​ട​ന്ന​തി​നൊ​ടു​വി​ലാ​ണ് പ്ര​മേ​യം വോ​ട്ടി​ങ്ങി​നെ​ത്തു​ന്ന​ത്. യു.​എ​സ് ആ​വ​ശ്യ​പ്പെ​ട്ടാ​യി​രു​ന്നു ഇ​ത്ര​യും നാ​ൾ വൈ​കി​ച്ച​ത്. വെ​ടി​നി​ർ​ത്ത​ൽ നീ​ക്കം മു​ന്നോ​ട്ടു​പോ​കു​ന്നി​ല്ലെ​ന്ന് ക​ഴി​ഞ്ഞ ദി​വ​സം ഖ​ത്ത​ർ വ്യ​ക്ത​മാ​ക്കി​യി​രു​ന്നു. ര​ക്ഷാ​സ​മി​തി​യി​ൽ പ്ര​മേ​യം വീ​റ്റോ ചെ​യ്യ​പ്പെ​ട്ടാ​ൽ യു.​എ​ൻ പൊ​തു​സ​ഭ​യി​ൽ ഇ​തേ പ്ര​മേ​യം എ​ത്താ​നു​ള്ള സാ​ധ്യ​ത​യും നി​ല​നി​ൽ​ക്കു​ന്നു​ണ്ട്.