അഫ്​ഗാനിൽ ശിരോവസ്​ത്രം ധരിച്ചില്ലെന്നാരോപിച്ച്​ താലിബാൻകാർ 21കാരിയെ കാറിൽനിന്ന്​ വലിച്ചിഴച്ച്​ തലക്ക്​ വെടിവെച്ച്​ കൊന്നു

കാബൂൾ: അഫ്​ഗാനിസ്​താനിൽ ശിരോവസ്​ത്രം ധരിച്ചി​ല്ലെന്ന്​ ആരോപിച്ച്​ 21കാരിയെ താലിബാൻകാർ വെടിവെച്ച്​​ കൊന്നു. അഫ്​ഗാനിസ്​താൻ ടൈംസ്​ റിപ്പോർട്ട്​ ചെയ്​തതാണ്​ ഇക്കാര്യം.

മേഖലയിൽ താലിബാൻ ആക്രമണം ശക്തമാക്കുന്നതിനിടെയാണ്​ സംഭവം. ബൽഖ്​ ജില്ല കേന്ദ്രത്തിലേക്ക്​ പോകുന്നതിനിടെ 21കാരിയായ നസാനീനിനെ കാറിൽനിന്ന്​ വലിച്ചിഴക്കുകയായിരുന്നു. ശേഷം തലക്ക്​ വെടിയുതിർത്തു. താലിബാൻ സജീവമായ മേഖലകൾ ധാരാളമുള്ള പ്രദേശമാണ്​ ബൽഖ്​.

താലിബാൻ നിയമപ്രകാരം സ്​ത്രീകൾ ബുർഖയും ശിരോവസ്​ത്രവും ഉപയോഗിച്ച്​ ശരീരം മുഴുവൻ മറക്കണമെന്നാണ്​ നിർദേശം. പെൺകുട്ടികൾക്ക്​ സ്​കൂളിൽ അയക്കാനോ പുരുഷ ബന്ധുവിനൊപ്പം പുറത്തുപോകാനോ അനുവാദം നൽകില്ല.