അഫ്​ഗാൻ സർക്കാറി​െൻറ മാധ്യമവിഭാഗം തലവനെ താലിബാൻ കൊലപ്പെടുത്തി

കാബൂൾ: അഫ്​ഗാൻ സർക്കാറി​െൻറ മാധ്യമവിഭാഗം തലവനും പ്രസിഡൻറ്​ അശ്​​റഫ്​ ഗനിയുടെ വക്താവുമായ ദവാ ഖാൻ മിനപാലിനെ താലിബാൻ കൊലപ്പെടുത്തി. ജുമുഅക്കായി കാബൂളിലെ പള്ളിയിലെത്തിയപ്പോഴാണ്​​ താലിബാൻ മിനപാലിനെ ആക്രമിച്ചത്​. പ്രാർഥനക്കിടെയാണ്​ മിനപാൽ കൊല്ലപ്പെട്ടതെന്ന്​ ആഭ്യന്തര മന്ത്രാലയ വൃത്തങ്ങളെ ഉദ്ധരിച്ച്​ റോയി​ട്ടേഴ്​സ്​ റിപ്പോർട്ട്​ ചെയ്​തു.

കൊലപാതകത്തി​െൻറ ഉത്തരവാദിത്തം താലിബാൻ ഏറ്റെടുത്തു. അഫ്​ഗാൻ സർക്കാരി​െൻറ പ്രതിനിധിയായ മിനപാൽ ആണ്​ തങ്ങൾക്കെതിരായ പ്രചാരണങ്ങൾക്ക്​ ചുക്കാൻ പിടിക്കുന്നതെന്നും താലിബാൺ വക്​താവ്​ മിർവായിസ്​ സ്​റ്റാനികായ്​ പറഞ്ഞു. സുരക്ഷസേനയുടെ വ്യോമാക്രമണങ്ങൾക്ക്​ മറുപടിയായി ഉന്നതസർക്കാർ ഉദ്യോഗസ്​ഥരെ ലക്ഷ്യംവെക്കുമെന്ന്​ താലിബാൻ മുന്നറിയിപ്പ്​ നൽകിയിരുന്നു. നേരത്തേ കാബൂളിലെ ഗ്രീൻസോണിൽ പ്രതിരോധമന്ത്രിയെ ലക്ഷ്യമിട്ടും താലിബാൻ കാർബോംബ്​ ആ​ക്രമണം നടത്തിയിരുന്നു. താലിബാ​െൻറ ഭീരുത്വ നടപടിക്ക്​ ഒരു ദേശസ്​നേഹിയുടെ ജീവൻകൂടി നഷ്​ടമായെന്ന്​ അഫ്​ഗാൻ സർക്കാർ വക്താവ്​ അറിയിച്ചു.

അതിനിടെ,അഫ്​ഗാനിൽ പിടിമുറുക്കിയ താലിബാനെതിരെ ആയിരങ്ങൾ തെരുവുകളിലിറങ്ങി. ഹെറാത്​ പ്രവിശ്യയിൽ നിന്ന്​ തുടങ്ങിയ റാലി രാജ്യത്തി​െൻറ മറ്റു ഭാഗങ്ങളിലേക്കും വ്യാപിക്കുകയായിരുന്നു.

കാബൂളിലും സ്​ത്രീകളും കുട്ടികളുമടക്കം ആയിരങ്ങൾ പ്രതിഷേധപ്രകടനം നടത്തി. ലഷ്​കർഗാഹ്, കാന്തഹാർ, ഹെറാത്​ പ്രവിശ്യകളിൽ താലിബാനും സുരക്ഷ സേനയും തമ്മിൽ രൂക്ഷമായ പോരാട്ടം നടക്കുകയാണ്​. കാന്തഹാറിലെ നിരവധി ജില്ലകൾ താലിബാൻ പിടിച്ചെടുത്തു. ഇവിടെ സർക്കാരിന്​ സഹായം നൽകിയെന്നാരോപിച്ച്​ നൂറുകണക്കിന്​ തദ്ദേശവാസികളെ താലിബാൻ തടവിലാക്കിയിട്ടുണ്ട്​. 2021 ജൂൺ മുതൽ താലിബാനും സൈന്യവും തമ്മിലുള്ള പോരാട്ടത്തിൽ 1659 സിവിലിയൻമാർക്ക്​ ജീവഹാനി സംഭവിച്ചു. 3254 പേർക്ക്​ പരിക്കേൽക്കുകയും ചെയ്​തു.