മരിച്ചുവെന്ന അഭ്യൂഹങ്ങൾക്കിടെ ഹിബത്തുല്ല അഖുൻസാദ പൊതുവേദിയിൽ

കാബൂൾ: മരി​ച്ചുവെന്ന അഭ്യൂഹങ്ങൾക്കിടെ താലിബാ​െൻറ ഏകാന്തവാസിയായ പരമോന്നത നേതാവ്​ ഹിബത്തുല്ല അഖുൻസാദ കാന്തഹാറിൽ പൊതുവേദിയിൽ പ്രത്യക്ഷപ്പെട്ടതായി റിപ്പോർട്ട്​. കാന്തഹാറിലെ ജാമിഅ ദാറുൽ ഉലൂം ഹാക്കിമ എന്ന മതപാഠശാല സന്ദർശിക്കാനെത്തിയതാണ്​ അഖുൻസാദയെന്ന്​ ഒപ്പമുണ്ടായിരുന്ന മുതിർന്ന താലിബാൻ നേതാവ്​ റോയി​ട്ടേഴ്​സിനോട്​ പറഞ്ഞു.

കഴിഞ്ഞ ആഗസ്​റ്റോടെ അഫ്​ഗാനിസ്​താനിൽ താലിബാൻ അധികാരം പിടിച്ചെടുത്തതു മുതൽ അഖുൻസാദയെ പൊതുവേദികളിൽ കണ്ടിരുന്നില്ല. ഇക്കാരണത്താൽ അഖുൻസാദ മരിച്ചതായി നിരവധി അഭ്യൂഹങ്ങളും പ്രചരിച്ചു. മുമ്പും ചില പൊതുപരിപാടികളിൽ പ​ങ്കെടുത്തതായി ചില ഉദ്യോഗസ്​ഥർ പറയുന്നു. സമൂഹത്തിൽ നിന്ന്​ വളരെ കാലമായി ഇദ്ദേഹം വിട്ടുനിന്നതായും അവർ സൂചിപ്പിക്കുന്നു. ഇത്​ അഖുൻസാദയുടെ ആരോഗ്യത്തെ കുറിച്ചും മറ്റ്​ വിവരങ്ങളെ കുറിച്ചും ഊഹാപോഹങ്ങൾക്ക്​ വഴിവെച്ചു.

യു.എസ്​ അഫ്​ഗാനിൽ നിന്ന്​ പിന്മാറി താലിബാൻ ഭരണം ഏറ്റെടുത്തപ്പോഴും അഖുൻസാദ പരമോന്നത നേതാവായി തുടർന്നു. 2016ലാണ്​ അഖുൻസാദ താലിബാ​െൻറ പരമോന്നത നേതാവായി തെരഞ്ഞെടുക്കപ്പെട്ടത്​.

ആ സമയത്ത്​​ താലിബാൻ ട്വിറ്ററിലൂടെ പുറത്തുവിട്ട ഫോ​ട്ടോ മാത്രമാണ്​ അഖുൻസാദയുടേതായി റോയി​ട്ടേഴ്​സിനു സ്​ഥീരികരിക്കാനായത്​​.