കംബോഡിയയിൽ ബോട്ട് മുങ്ങി പത്ത് വിദ്യാർഥികൾ മരിച്ചു

ഫനൊംപെൻ: കംബോഡിയയിൽ ബോട്ട് മുങ്ങി 10 വിദ്യാർഥികൾ മരിച്ചു. ഒരു വിദ്യാർഥിയെ കാണാതായി. രണ്ടു വിദ്യാർഥികളെയും രണ്ടു ബോട്ട് ജീവനക്കാരെയും രക്ഷിച്ച് ആശുപത്രിയിൽ പ്രവേശിപ്പിച്ചു.

വ്യാഴാഴ്ച രാത്രി ദക്ഷിണ ഫനൊംപെന്നിലെ മെകോങ് നദിയിലാണ് അപകടം. ബോട്ടിൽ ആളധികമായിരുന്നുവെന്നും ജീവൻരക്ഷാ ജാക്കറ്റ് ഉണ്ടായിരുന്നില്ലെന്നും പൊലീസ് പറഞ്ഞു.

ഇംഗ്ലീഷ് ക്ലാസ് കഴിഞ്ഞ് മടങ്ങുന്ന 12-14 വയസ്സുള്ളവരാണ് അപകടത്തിൽപെട്ടത്.