മൂന്നാം ഡോസ്​ വാക്​സിനെടുത്തവരുടെ ശരീരത്തിലെ ആന്‍റിബോഡി അഞ്ചു മുതൽ പത്തുവരെ മടങ്ങ്​ വർധി​ച്ചെന്ന്​ വാക്​സിൻ കമ്പനി

വാഷിങ്​ടൺ: കോവിഡ്​ വാക്​സിന്‍റെ മൂന്നാം ഡോസിന്​ അമേരിക്കയിൽ അനുമതി തേടാൻ ഔഷധ നിർമാണ കമ്പനിയായ ഫൈസർ. ഒരു വർഷത്തിനുള്ളിൽ മൂന്നാം ഡോസ്​ സ്വീകരിച്ചാൽ പ്രതിരോധ ശേഷി വളരെയധികം കൂടുമെന്നും കൊറോണ വൈറസിന്‍റെ ഏറ്റവും പുതിയ വകഭേദത്തെ വരെ തടയുമെന്നും കമ്പനി അവകാശപ്പെട്ടു. ലോകത്ത്​ അതിവേഗം പടരുന്ന ഡെൽറ്റ വകഭേദത്തിന്​ ഉൾപ്പെടെ വിവിധ കമ്പനികളുടെ കോവിഡ്​ വാക്​സിനുകൾ ശക്​തമായ സംരക്ഷണം തീർക്കുന്നതായി നിരവധി രാജ്യങ്ങളിൽ നടത്തിയ പഠനങ്ങളിൽ കണ്ടെത്തിയിരുന്നു. നിശ്​ചിത കാലത്തിന്​ ശേഷം ആന്‍റിബോഡി പതുക്കെ കുറയുന്നതായും ഇത്​ വർധിപ്പിക്കാൻ എപ്പോഴാണ്​ പുതിയ ഡോസ്​ നൽകേണ്ടതെന്ന പഠനവും നടക്കുന്നുണ്ട്​.

രണ്ടാം ഡോസുമായി താരതമ്യപ്പെടുത്തു​േമ്പാൾ മൂന്നാം ഡോസ്​ വാക്​സിനെടുത്തവരുടെ ശരീരത്തിലെ ആന്‍റിബോഡി അഞ്ചു മുതൽ പത്തുവരെ മടങ്ങ്​ വർധിച്ചതായി ഫൈസർ കമ്പനിയുടെ ഗവേഷണ വിഭാഗം തലവൻ ഡോ.മൈക്കൽ ഡോൽസ്റ്റൺ പറഞ്ഞു. മൂന്നാം ഡോസ്​ വാക്​സിന്​ അടിയന്തിര അനുമതി നൽകണമെന്ന്​ ആഗസ്റ്റിൽ അമേരിക്കൻ ഫുഡ്​ ആന്‍റ്​ ഡ്രഗ്​ അഡ്​മിനിസ്​ട്രേഷനോട്​ ആവശ്യപ്പെടുമെന്നും അദ്ദേഹം കൂട്ടിച്ചേർത്തു. എന്നാൽ, മൂന്നാം ഡോസ്​ ആവശ്യമുണ്ടോ എന്ന്​ പൊതുജനാരോഗ്യ വകുപ്പിലെ വിദഗ്​ധരാണ്​ തീരുമാനിക്കേണ്ടതെന്ന്​ വാൻഡെർബിൽറ്റ്​ യൂനിവേഴ്​സിറ്റി മെഡിക്കൽ സെന്‍ററിലെ രാക്​സിൻ വിദഗ്​ധൻ ഡോ.വില്യം ഷാഫ്​നർ പറഞ്ഞു.

ഡെൽറ്റ വകഭേദത്തിലൂടെ ആന്‍റിബോഡി കുറയു​േമ്പാൾ പ്രതിരോധശേഷിയെ ബാധിച്ച്​ നേരിയ അണുബാധയുണ്ടാകുന്നുണ്ട്​. വാക്​സിൻ നൽകുന്നതി​ലൂടെ ആശുപത്രിയിൽ പ്രവേശിപ്പിക്കുന്ന സാഹചര്യം കൂടി ഒഴിവാക്കുകയാണ്​ ലക്ഷ്യം. ആദ്യ ഡോസ്​ തന്നെ പൂർത്തിയാക്കാനായിട്ടില്ല. അതുകൊണ്ടുതന്നെ മൂന്നാം ഡോസ്​ വാക്​സിൻ നൽകുക എന്നത്​ വലിയ പരിശ്രമം ആവശ്യമുള്ളതാണെന്ന്​ അദ്ദേഹം വ്യക്​തമാക്കി. അമേരിക്കൻ ജനസംഖ്യയിൽ 48 ശതമാനമാണ്​ പൂർണമായി വാക്​സിനെടുത്തത്​.