‘ഇതു കാടത്തം, ഉടൻ നിർത്തണം’ -ലോക രാജ്യങ്ങൾ

ല​ണ്ട​ൻ: ലോ​ക​ത്തെ മു​ൾ​മു​ന​യി​ലാ​ക്കി ഗ​സ്സ​യി​ൽ വീ​ണ്ടും മ​ര​ണം പെ​യ്യു​ന്ന ഇ​സ്രാ​യേ​ൽ ക്രൂ​ര​ത​ക്കെ​തി​രെ ക​ടു​ത്ത പ്ര​തി​ക​ര​ണ​വു​മാ​യി ലോ​കം. മു​ന്നൂ​റി​ലേ​റെ കു​ട്ടി​ക​ളെ​യും സ്​​ത്രീ​ക​ളെ​യും പു​രു​ഷ​ന്മാ​രെ​യും അ​റു​കൊ​ല ന​ട​ത്തി​യ കാ​ട​ത്തം നി​റ​ഞ്ഞ ആ​ക്ര​മ​ണ​ങ്ങ​ളെ അ​പ​ല​പി​ക്കു​ക​യാ​ണെ​ന്ന് മാ​ൾ​ട്ട പ്ര​ധാ​ന​മ​ന്ത്രി റോ​ബ​ർ​ട്ട് ആ​ബേ​ല പ​റ​ഞ്ഞു.

വെ​ടി​നി​ർ​ത്ത​ൽ ര​ണ്ടാം ഘ​ട്ടം ന​ട​പ്പാ​ക്ക​ണ​മെ​ന്നും സ​മാ​ധാ​ന​ത്തി​നും പു​ന​ർ​നി​ർ​മാ​ണ​ത്തി​നും വ​ഴി തു​റ​ക്ക​ണ​മെ​ന്നും ബെ​ൽ​ജി​യം ​വി​ദേ​ശ​കാ​ര്യ മ​ന്ത്രി മാ​ക്സിം പ്ര​വ​ട്ട് ആ​വ​ശ്യ​പ്പെ​ട്ടു.

ഗ​സ്സ​യി​ൽ സി​വി​ലി​യ​ൻ ​കേ​ന്ദ്ര​ങ്ങ​ളി​ല​ട​ക്കം ആ​ക്ര​മ​ണം പു​ന​രാ​രം​ഭി​ച്ച​ത് അ​ന്താ​രാ​ഷ്ട്ര നി​യ​മ​ത്തി​​ന്റെ നി​ർ​ല​ജ്ജ​മാ​യ ലം​ഘ​ന​മാ​ണെ​ന്നും അ​ടി​യ​ന്ത​ര​മാ​യി അ​വ​സാ​നി​പ്പി​ക്ക​ണ​മെ​ന്നും സൗ​ദി വി​ദേ​ശ​കാ​ര്യ മ​ന്ത്രാ​ല​യം ആ​വ​ശ്യ​പ്പെ​ട്ടു.നൂ​റു​ക​ണ​ക്കി​ന് പേ​രു​ടെ മ​ര​ണ​ത്തി​നി​ട​യാ​ക്കി​യ ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണം ഞെ​ട്ടി​ച്ചെ​ന്നും ദു​ര​ന്ത​ത്തി​നു​മേ​ൽ ദു​ര​ന്ത​മാ​കു​ന്ന​താ​ണ് ഈ ​ആ​ക്ര​മ​ണ​മെ​ന്നും യു.​എ​ൻ മ​നു​ഷ്യാ​വ​കാ​ശ ത​ല​വ​ൻ വോ​ൾ​ക്ക​ർ ട​ർ​ക്ക് പ്ര​തി​ക​രി​ച്ചു.

ഗ​സ്സ​യി​ൽ സ്ഥി​തി​ഗ​തി​ക​ളി​ൽ ക​ടു​ത്ത ആ​ശ​ങ്ക​യു​ണ്ടെ​ന്ന് ചൈ​ന​യും റ​ഷ്യ​യും പ​റ​ഞ്ഞു. ഇ​സ്രാ​യേ​ൽ ന​ട​ത്തി​യ​ത് വെ​ടി​നി​ർ​ത്ത​ൽ ക​രാ​റി​ന്റെ ന​ഗ്ന​മാ​യ ലം​ഘ​ന​മാ​ണെ​ന്നും മേ​ഖ​ല​യു​ടെ സ്ഥി​ര​ത​ക്ക് ഭീ​ഷ​ണി​യാ​ണെ​ന്നും പ്ര​ധാ​ന മ​ധ്യ​സ്ഥ​രാ​യ ഈ​ജി​പ്ത് മു​ന്ന​റി​യി​പ്പ് ന​ൽ​കി.

അ​ധി​നി​വി​ഷ്ട ഫ​ല​സ്തീ​ൻ പ്ര​വി​ശ്യ​ക​ളി​ൽ നി​ർ​ത്താ​തെ തു​ട​രു​ന്ന വം​ശ​ഹ​ത്യ​യി​ൽ അ​മേ​രി​ക്ക നേ​രി​ട്ട് ഉ​ത്ത​ര​വാ​ദി​ക​ളാ​ണെ​ന്ന് ഇ​റാ​ൻ വി​ദേ​ശ​കാ​ര്യ മ​ന്ത്രാ​ല​യ​വും ഈ ​ക​ട​ന്നു​ക​യ​റ്റം അ​വ​സാ​നി​പ്പി​ക്ക​ണ​മെ​ന്ന് ​അ​യ​ൽ രാ​ജ്യ​മാ​യ ജോ​ർ​ഡ​നും പ​റ​ഞ്ഞു. ഫ​ല​സ്തീ​നി​ക​ൾ​ക്കെ​തി​​രാ​യ വം​ശ​ഹ​ത്യ​യു​ടെ പു​തി​യ ഘ​ട്ട​മാ​ണ് ഈ ​ആ​ക്ര​മ​ണ​മെ​ന്നും പ​ശ്ചി​മേ​ഷ്യ​യു​ടെ ഭാ​വി​ക്ക് ഭീ​ഷ​ണി​യാ​ണി​തെ​ന്നും തു​ർ​ക്കി വാ​ർ​ത്ത​ക്കു​റി​പ്പി​ൽ പ്ര​തി​ക​രി​ച്ചു.

സി​വി​ലി​യ​ന്മാ​രു​ടെ സം​ര​ക്ഷ​യാ​ണ് പ്ര​ധാ​ന​മെ​ന്നും ബ​ന്ദി​മോ​ച​ന​വും ത​ട​സ്സ​ങ്ങ​ളി​ല്ലാ​ത്ത സ​ഹാ​യ വി​ത​ര​ണ​വും ന​ട​പ്പാ​ക്ക​ണ​മെ​ന്നും സ്വി​റ്റ്സ​ർ​ല​ൻ​ഡ് വി​ദേ​ശ​കാ​ര്യ മ​ന്ത്രാ​ല​യ​വും പ​റ​ഞ്ഞു.