ആണവ പദ്ധതി വീണ്ടും ചർച്ചയാവുന്നു; ഐ.എ.ഇ.എ ഇറാ​നിലേക്ക്

വി​യ​ന: ഇ​റാ​ന്റെ ആ​ണ​വ പ​ദ്ധ​തി​യു​മാ​യി ബ​ന്ധ​പ്പെ​ട്ട് കൂ​ടു​ത​ൽ വി​ശ​ദ ച​ർ​ച്ച ന​ട​ത്താ​ൻ ഒ​രു​ങ്ങി ഐ​ക്യ​രാ​ഷ്ട്ര​സ​ഭ. ഇ​തി​നാ​യി യു.​എ​ന്നി​ന്റെ അ​ന്താ​രാ​ഷ്ട്ര ആ​ണ​വോ​ർ​ജ ഏ​ജ​ൻ​സി (ഐ.​എ.​ഇ.​എ) ത​ല​വ​ൻ മ​രി​യാ​നോ ഗ്രോ​സി ഇ​റാ​ൻ സ​ന്ദ​ർ​ശി​ക്കും. ഗ​സ്സ​യി​ലും ല​ബ​നാ​നി​ലും ഇ​സ്രാ​യേ​ൽ ആ​ക്ര​മ​ണം രൂ​ക്ഷ​മാ​കു​ക​യും ഡോ​ണ​ൾ​ഡ് ട്രം​പ് യു.​എ​സ് പ്ര​സി​ഡ​ന്റാ​യി അ​ധി​കാ​ര​മേ​ൽ​ക്കാ​നി​രി​ക്കെ​യു​മാ​ണ് യു.​എ​ൻ നീ​ക്കം.

ഇ​റാ​ൻ പ്ര​സി​ഡ​ന്റ് അ​ട​ക്ക​മു​ള്ള നേ​താ​ക്ക​ളു​മാ​യും ആ​ണ​വ പ​ദ്ധ​തി​ക്ക് നേ​തൃ​ത്വം ന​ൽ​കു​ന്ന ഉ​ദ്യോ​ഗ​സ്ഥ​രു​മാ​യും മ​രി​യാ​നോ ഗ്രോ​സി കൂ​ടി​ക്കാ​ഴ്ച ന​ട​ത്തും. സെ​പ്റ്റം​ബ​റി​ൽ യു.​എ​ൻ പൊ​തു​സ​മ്മേ​ള​ന​ത്തി​ന്റെ പ​ശ്ചാ​ത്ത​ല​ത്തി​ൽ ഇ​റാ​ൻ വി​ദേ​ശ​കാ​ര്യ മ​ന്ത്രി അ​ബ്ബാ​സ് അ​റാ​ഗ്ചി​യു​മാ​യി ന​ട​ത്തി​യ ച​ർ​ച്ച​ക​ളു​ടെ അ​ടി​സ്ഥാ​ന​ത്തി​ലാ​യി​രി​ക്കും കൂ​ടി​ക്കാ​ഴ്ച​യെ​ന്ന് ഐ.​എ.​ഇ.​എ അ​റി​യി​ച്ചു.

ക​ഴി​ഞ്ഞ വ​ർ​ഷം മാ​ർ​ച്ചി​ൽ ഇ​റാ​നും ഐ.​എ.​ഇ.​എ​യും ത​മ്മി​ൽ അം​ഗീ​ക​രി​ച്ച സം​യു​ക്ത ക​രാ​ർ സം​ബ​ന്ധി​ച്ചാ​ണ് ച​ർ​ച്ച ചെ​യ്യു​ക. സം​യു​ക്ത ക​രാ​ർ ന​ട​പ്പാ​ക്കു​ന്ന​തി​ൽ പു​രോ​ഗ​തി കൈ​വ​രി​ക്കേ​ണ്ട​ത് അ​ത്യാ​വ​ശ്യ​മാ​ണെ​ന്നും അ​തി​നാ​ൽ, സ​ന്ദ​ർ​ശ​ന​ത്തി​ൽ ഏ​റെ പ്രാ​ധാ​ന്യ​മു​ണ്ടെ​ന്നും ഗ്രോ​സി പ​റ​ഞ്ഞു.

ര​ഹ​സ്യ ആ​ണ​വ പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് ഐ.​എ.​ഇ.​എ പ​രി​ശോ​ധ​ക​രു​ടെ സം​ശ​യ​ങ്ങ​ൾ തീ​ർ​ക്കു​ക, കൂ​ടു​ത​ൽ പ​രി​ശോ​ധ​ന​ക​ളും നി​രീ​ക്ഷ​ണ​ങ്ങ​ളും ന​ട​ത്താ​ൻ ഐ.​എ.​ഇ.​എ​യെ അ​നു​വ​ദി​ക്കു​ക തു​ട​ങ്ങി​യ കാ​ര്യ​ങ്ങ​ളാ​ണ് സം​യു​ക്ത പ്ര​സ്താ​വ​ന​യി​ൽ അം​ഗീ​ക​രി​ച്ച​ത്.

അ​ന്താ​രാ​ഷ്ട്ര നി​ർ​ദേ​ശ​ങ്ങ​ൾ​ക്ക് വി​രു​ദ്ധ​മാ​യി ഇ​റാ​ൻ ആ​ണ​വ പ​ദ്ധ​തി അ​തി​വേ​ഗം മു​ന്നോ​ട്ടു​പോ​കു​ക​യാ​ണെ​ന്നും ആ​ണ​വാ​യു​ധം നി​ർ​മി​ക്കാ​ൻ ആ​വ​ശ്യ​മാ​യ യു​റേ​നി​യം സ​മ്പു​ഷ്ടീ​ക​രി​ച്ച​താ​യും ഏ​റ്റ​വു​മൊ​ടു​വി​ൽ പു​റ​ത്തി​റ​ക്കി​യ റി​പ്പോ​ർ​ട്ടി​ൽ ഐ.​എ.​ഇ.​എ ചൂ​ണ്ടി​ക്കാ​ട്ടി​യി​രു​ന്നു.

സ​മാ​ധാ​ന​പ​ര​മാ​യ ആ​വ​ശ്യ​ങ്ങ​ൾ​ക്കാ​ണ് ആ​ണ​വ പ​ദ്ധ​തി​യെ​ന്ന് ഇ​റാ​ൻ ആ​വ​ർ​ത്തി​ച്ച് വ്യ​ക്ത​മാ​ക്കി​യി​ട്ടു​ണ്ടെ​ങ്കി​ലും 2015ലെ ​ആ​ണ​വ ക​രാ​റി​ന് പി​ന്നാ​ലെ നി​ര​വ​ധി ഉ​പ​രോ​ധ​ങ്ങ​ൾ യു.​എ​സ് ഉ​ൾ​പ്പെ​ടെ ഏ​ർ​പ്പെ​ടു​ത്തി​യി​ട്ടു​ണ്ട്. 2018ൽ ​ട്രം​പ് പ്ര​സി​ഡ​ന്റാ​യി​രു​ന്ന കാ​ല​ത്ത് ഇ​റാ​നു​മാ​യു​ള്ള ക​രാ​റി​ൽ​നി​ന്ന് യു.​എ​സ് പി​ന്മാ​റി. ഇ​തോ​ടെ ആ​ണ​വ പ​ദ്ധ​തി കൂ​ടു​ത​ൽ ശ​ക്ത​മാ​യി മു​ന്നോ​ട്ടു​​കൊ​ണ്ടു​പോ​കാ​ൻ ഇ​റാ​ന് ക​ഴി​ഞ്ഞു.

ട്രം​പ് വീ​ണ്ടും അ​ധി​കാ​ര​ത്തി​ൽ എ​ത്തു​ന്ന​ത് ഇ​റാ​നു​മാ​യി യു​ദ്ധ​ത്തി​ന് തു​ട​ക്ക​മി​ടു​മെ​ന്നാ​ണ് ചി​ല രാ​ഷ്ട്രീ​യ നി​രീ​ക്ഷ​ക​രു​ടെ വി​ല​യി​രു​ത്ത​ൽ. അ​തേ​സ​മ​യം, ഉ​ത്ത​ര കൊ​റി​യ​യു​മാ​യി അ​പ്ര​തീ​ക്ഷി​ത ച​ർ​ച്ച ന​ട​ത്തി​യ​തു​പോ​ലെ ഇ​റാ​നു​മാ​യി ട്രം​പ് സം​വാ​ദ​ത്തി​ന് ത​യാ​റാ​കു​മെ​ന്നാ​ണ് മ​റ്റൊ​രു പ്ര​തീ​ക്ഷ.