കാനഡയിലെ സഭ സ്കൂളുകളിൽ നടന്നത് വംശഹത്യയെന്ന് മാർപാപ്പ

ഓ​ട്ട​വ: കാ​ന​ഡ​യി​ലെ തദ്ദേശീയ വി​ഭാ​ഗ​ങ്ങ​ളെ 'സം​സ്ക​രി​ക്കാ​​നെ'​ന്ന പേ​രി​ൽ റോ​മ​ൻ കാ​ത്ത​ലി​ക് സ​ഭ​യു​ടെ റെ​സി​ഡ​ൻ​ഷ്യ​ൽ സ്കൂ​ളു​ക​ളി​ലെ​ത്തി​ച്ച് ന​ട​ത്തി​യ​ത് വം​ശ​ഹ​ത്യ​യെ​ന്ന് തു​റ​ന്നു​പ​റ​ഞ്ഞ് ഫ്രാ​ൻ​സി​സ് മാ​ർ​പാ​പ്പ. കാ​ന​ഡ സ​ന്ദ​ർ​ശ​നം പൂ​ർ​ത്തി​യാ​ക്കി മ​ട​ങ്ങു​ന്ന​തി​നി​ടെ​യാ​ണ് തു​റ​ന്നു​പ​റ​ച്ചി​ൽ. എ​ന്തു​കൊ​ണ്ട് വം​ശ​ഹ​ത്യ​യെ​ന്ന പ​ദം ഉ​പ​യോ​ഗി​ച്ചി​ല്ലെ​ന്ന തദ്ദേശീയനാ​യ മാ​ധ്യ​മ​പ്ര​വ​ർ​ത്ത​ക​ന്റെ ചോ​ദ്യ​ത്തി​നുള്ള മ​റു​പ​ടി​യി​ലാ​ണ് ന​ട​ന്ന​ത് വം​ശ​ഹ​ത്യ​ത​ന്നെ​യാ​ണെ​ന്ന് മാ​ർ​പാ​പ്പ വ്യ​ക്ത​മാ​ക്കി​യ​ത്. സം​ഭ​വ​ത്തി​ലെ സ​ഭ​യു​ടെ പ​ങ്കി​ൽ ക​ഴി​ഞ്ഞ​ദി​വ​സം അ​ദ്ദേ​ഹം വീ​ണ്ടും മാ​പ്പു ചോ​ദി​ച്ചി​രു​ന്നു. 'കു​ഞ്ഞു​ങ്ങ​ളെ നി​ർ​ബ​ന്ധി​ച്ച് കൂ​ട്ടി​ക്കൊ​ണ്ടു​​വ​ന്ന് അ​വ​രു​ടെ സം​സ്കാ​ര​വും മ​ന​സ്സും പാ​ര​മ്പ​ര്യ​വും മാ​റ്റി​യെ​ടു​ക്കാ​ൻ ന​ട​ത്തി​യ ശ്ര​മ​ങ്ങ​ളെ ഞാ​ൻ അ​പ​ല​പി​ക്കു​ന്ന'​താ​യി അ​ദ്ദേ​ഹം പ​റ​ഞ്ഞു.

1881 മു​ത​ൽ 1996 വ​രെ കാ​ല​യ​ള​വി​ൽ ഒ​ന്ന​ര ല​ക്ഷ​ത്തി​ലേ​റെ ഗോ​ത്ര​വ​ർ​ഗ​ക്കാ​രാ​യ കു​ട്ടി​ക​ളെ​യാ​ണ് കു​ടും​ബ​ത്തി​ൽ​നി​ന്ന് നി​ർ​ബ​ന്ധ​പൂ​ർ​വം അ​ട​ർ​ത്തി​യെ​ടു​ത്ത് റെ​സി​ഡ​ൻ​ഷ്യ​ൽ സ്കൂ​ളു​ക​ളി​ലെ​ത്തി​ച്ചി​രു​ന്ന​ത്. പ​ട്ടി​ണി​ക്കി​ട്ടും അ​ടി​ച്ചും ലൈം​ഗി​ക​പീ​ഡ​ന​ത്തി​നി​ര​യാ​ക്കി​യും നി​ര​വ​ധി കു​ട്ടി​ക​ൾ അ​റു​കൊ​ല ചെ​യ്യ​പ്പെ​ട്ടു. അ​വ​ശേ​ഷി​ച്ച​വ​ർ കൊ​ടും​ക്രൂ​ര​ത​ക​ളു​ടെ ന​ടു​വി​ൽ ന​ര​കി​ച്ചു. ന​ട​ന്ന​ത് സാം​സ്കാ​രി​ക വം​ശ​ഹ​ത്യ​യാ​ണെ​ന്ന് കാ​ന​ഡ​യി​ലെ ​'ട്രൂ​ത്ത് ആ​ൻ​ഡ് റീ​ക​ൺ​സി​ലി​യേ​ഷ​ൻ ക​മീ​ഷ​ൻ' കു​റ്റ​പ്പെ​ടു​ത്തി​യി​രു​ന്നു. ​സ​ർ​ക്കാ​റു​ക​ൾ​ക്കു​വേ​ണ്ടി റോ​മ​ൻ കാ​ത്ത​ലി​ക് സ​ഭ​യാ​ണ് സ്കൂ​ളു​ക​ൾ ന​ട​ത്തി​യി​രു​ന്ന​ത്. ഗോ​ത്ര വ​ർ​ഗ കു​ടും​ബ​ങ്ങ​ളി​ൽ​നി​ന്ന് അ​ട​ർ​ത്തി​യെ​ടു​ത്ത് ദേ​ശീ​യ, ക്രി​സ്ത്യ​ൻ സം​സ്കാ​ര​ങ്ങ​ളു​ടെ ഭാ​ഗ​മാ​ക്കു​ക​യാ​യി​രു​ന്നു സ​ഭ സ്കൂ​ളു​ക​ൾ ഏ​റ്റെ​ടു​ത്ത ദൗ​ത്യം.

മാ​പ്പ​പേ​ക്ഷ​യു​ടെ ഭാ​ഗ​മാ​യി ​വെ​ള്ളി​യാ​ഴ്ച ആ​ർ​ടി​കി​നോ​ടു ചേ​ർ​ന്നു​ള്ള ഗോ​ത്ര​വ​ർ​ഗ മേ​ഖ​ല​യാ​യ നു​നാ​വ​ടി​ലെ​ത്തി​യ മാ​ർ​പാ​പ സ​ഭ സ്കൂ​ളു​ക​ളി​ലെ മു​ൻ വി​ദ്യാ​ർ​ഥി​ക​ളെ ക​ണ്ട് അ​നു​ഭ​വ​ങ്ങ​ൾ കേ​ട്ടു. സ്വ​ന്തം മാ​താ​പി​താ​ക്ക​ളു​മാ​യും ഉ​റ്റ​വ​രാ​യ മ​റ്റു​ള്ള​വ​രു​മാ​യു​ള്ള ബ​ന്ധം ഇ​ല്ലാ​താ​ക്കു​ന്ന ന​ട​പ​ടി അ​തി​നീ​ച​മാ​ണെ​ന്ന് മാ​ർ​പാ​പ്പ പ​റ​ഞ്ഞു. നു​നാ​വ​ടി​ൽ ര​ണ്ട് റെ​സി​ഡ​ൻ​ഷ്യ​ൽ സ്കൂ​ളു​ക​ൾ ന​ട​ന്ന മാ​സ്ക്‍വാ​സി​സി​ലാ​ണ് മാ​ർ​പാ​പ്പ സ​ന്ദ​ർ​ശ​നം ന​ട​ത്തി​യ​ത്. തദ്ദേശീയ വി​ഭാ​ഗ​ങ്ങ​ളു​ള്ള എ​ഡ്മ​ൺ​ട​ൺ, ആ​ൽ​ബെ​ർ​ട്ട, ക്യു​ബെ​ക് സി​റ്റി എ​ന്നി​വി​ട​ങ്ങ​ളി​ലും ക​ഴി​ഞ്ഞ ദി​വ​സ​ങ്ങ​ളി​ൽ മാ​ർ​പാ​പ്പ സ​ന്ദ​ർ​ശ​നം ന​ട​ത്തി​യി​രു​ന്നു. ആ​റു ദി​വ​സ​ത്തേ​ക്കാ​യി​രു​ന്നു കാ​ന​ഡ​യി​ൽ മാ​ർ​പാ​പ്പ​യു​ടെ സ​ന്ദ​ർ​ശ​നം.

അ​തി​നി​ടെ, അ​വ​സാ​ന ഘ​ട്ട​ങ്ങ​ളി​ൽ ആ​രോ​പ​ണ​വി​ധേ​യ​നാ​യി രാ​ജ്യം വി​ട്ട് ഫ്രാ​ൻ​സി​ലു​ള്ള വൈ​ദി​ക​ൻ ജൊ​ആ​ന​സ് റി​വോ​യ​റെ വി​ട്ടു​കി​ട്ടാ​നാ​വ​ശ്യ​പ്പെ​ട്ട് ചി​ല​ർ മാ​ർ​പാ​പ്പ​യു​ടെ സ​ന്ദ​ർ​ശ​ന വേ​ള​യി​ലും പ്ര​തി​ഷേ​ധ​വു​മാ​യി രം​ഗ​ത്തെ​ത്തി. ഇ​യാ​ൾ​ക്കെ​തി​രെ 1998ൽ ​കാ​ന​ഡ സ​ർ​ക്കാ​ർ അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ചി​രു​ന്നു. നി​ര​വ​ധി കു​ട്ടി​ക​ളെ ലൈം​ഗി​ക പീ​ഡ​ന​ത്തി​നി​ര​യാ​​ക്കി​യെ​ന്നാ​ണ് കേ​സ്. എ​ന്നാ​ൽ, താ​ൻ കു​റ്റം ചെ​യ്തി​ല്ലെ​ന്നാ​ണ് റി​വോ​യ​റു​ടെ നി​ല​പാ​ട്. മാ​ർ​പാ​പ്പ​യു​ടെ സ​ന്ദ​ർ​ശ​ന​വും മാ​പ്പ​പേ​ക്ഷ​യും സ​മ്മി​ശ്ര​മാ​യാ​ണ് കാ​ന​ഡ​യി​ൽ സ്വീ​ക​രി​ക്ക​പ്പെ​ട്ട​ത്.