ഇ​സ്‍ലാ​മാ​ബാ​ദി​ൽ കൂ​റ്റ​ൻ റാ​ലി​യു​മാ​യി ഇം​റാ​ൻ ഖാ​ന്റെ ശ​ക്തി​പ്ര​ക​ട​നം

ഇ​സ്‍ലാ​മാ​ബാ​ദ്: രാ​ജി അ​ഭ്യൂ​ഹ​ങ്ങ​ൾ​ക്കി​ടെ പാ​കി​സ്താ​ൻ ത​ല​സ്ഥാ​ന​മാ​യ ഇ​സ്‍ലാ​മാ​ബാ​ദി​ൽ വ​ൻ റാ​ലി​യെ അ​ഭി​സം​ബോ​ധ​ന ചെ​യ്ത് പ്ര​ധാ​ന​മ​ന്ത്രി ഇം​റാ​ൻ ഖാ​ൻ. പ്ര​തി​പ​ക്ഷം കൊ​ണ്ടു​വ​ന്ന അ​വി​ശ്വാ​സ​പ്ര​മേ​യം മ​റി​ക​ട​ക്കാ​നു​ള്ള ത​ന്ത്ര​മാ​യാ​ണ് ശ​ക്തി​പ്ര​ക​ട​ന​വു​മാ​യി ഇം​റാ​ൻ ത​ല​സ്ഥാ​ന​ത്ത് കൂ​റ്റ​ൻ റാ​ലി സം​ഘ​ടി​പ്പി​ച്ച​ത്.

ഭ​ര​ണ​ക​ക്ഷി​യാ​യ തെ​ഹ്‍രീ​കെ ഇ​ൻ​സാ​ഫ് പാ​ർ​ട്ടി അം​ഗ​ങ്ങ​ൾ കൂ​റു​മാ​റി​യ​തോ​ടെ അ​വി​ശ്വാ​സ​പ്ര​മേ​യ​ത്തി​ൽ വോ​ട്ടെ​ടു​പ്പ് ന​ട​ന്നാ​ൽ ഇം​റാ​ന്റെ വി​ക്ക​റ്റ് തെ​റി​ക്കു​മെ​ന്നാ​ണ് രാ​ഷ്ട്രീ​യ​നി​രീ​ക്ഷ​ക​ർ ഉ​റ​പ്പി​ക്കു​ന്ന​ത്. രാ​ജ്യം മു​ഴു​വ​ൻ ഒ​റ്റ​ക്കെ​ട്ടാ​യി ഇം​റാ​നു പി​ന്നി​ൽ അ​ണി​നി​ര​ക്ക​ണ​മെ​ന്ന് വി​ദ്യാ​ഭ്യാ​സ മ​ന്ത്രി ശ​ഫ്ഖ​ത് മെ​ഹ്മൂ​ദ് ആ​വ​ശ്യ​പ്പെ​ട്ടു. റാ​ലി​യി​ൽ മു​ൻ പ്ര​ധാ​ന​മ​ന്ത്രി ന​വാ​സ് ശ​രീ​ഫി​ന്റെ അ​ഴി​മ​തി​ക്ക​ഥ​ക​ളെ കു​റി​ച്ചും മ​ന്ത്രി വി​വ​രി​ച്ചു. ജ​ന​ങ്ങ​ളു​ടെ സ​മ്മ​ത​മി​ല്ലാ​തെ സ്വ​ത്തു​വ​ക​ക​ൾ വി​ൽ​ക്കു​ന്ന​തും വാ​ങ്ങു​ന്ന​തും ജ​നാ​ധി​പ​ത്യ​മ​ല്ലെ​ന്നും ആ​വ​ർ​ത്തി​ച്ചു.

റാ​ലി ന​ട​ക്കു​ന്ന​തി​ന് മ​ണി​ക്കൂ​റു​ക​ൾ​ക്കു മു​മ്പ് ഭ​ര​ണ​ക​ക്ഷി​യി​ൽ​നി​ന്ന് ജം​ഹൂ​രി വ​ത്വൻ പാ​ർ​ട്ടി നേ​താ​വ് ഷ​ഹ്സെ​യ്ൻ ബു​ഗ്തി കൂ​റു​മാ​റി​യി​രു​ന്നു. അ​വി​ശ്വാ​സ പ്ര​മേ​യ​ത്തെ അ​നു​കൂ​ലി​ക്കു​മെ​ന്നും ബു​ഗ്തി പ​ര​സ്യ​മാ​യി പ്ര​ഖ്യാ​പി​ച്ചു. അ​തി​നി​ടെ, അ​ഴി​മ​തി​യി​ൽ മു​ങ്ങി​ക്കു​ളി​ച്ച സ​ർ​ക്കാ​റി​നെ പു​റ​ത്താ​ക്കാ​നും രാ​ഷ്ട്ര​ത്തെ ര​ക്ഷി​ക്കാ​നും ജ​ന​ങ്ങ​ൾ രം​ഗ​ത്തി​റ​ങ്ങ​ണ​മെ​ന്ന് പ്ര​തി​പ​ക്ഷ നേ​താ​വ് ശ​ഹ​ബാ​സ് ശ​രീ​ഫ് ആ​വ​ശ്യ​പ്പെ​ട്ടു. ഇം​റാ​ന്റെ രാ​ജി​ക്കാ​യി പ്ര​തി​പ​ക്ഷം ന​ട​ത്തു​ന്ന പ്ര​തി​ഷേ​ധ​റാ​ലി​യി​ൽ അ​ണി​നി​ര​ക്കാ​നും ശ​ഹ​ബാ​സ് ജ​ന​ങ്ങ​ളോ​ട് ആ​ഹ്വാ​നം ചെ​യ്തു.

തെ​ഹ്‍രീ​കെ ഇ​ൻ​സാ​ഫ് പാ​ർ​ട്ടി (പി.​ടി.​ഐ) യി​ലെ 50 ഫെ​ഡ​റ​ൽ, പ്ര​വി​ശ്യ മ​ന്ത്രി​മാ​രെ ഏ​താ​നും ദി​വ​സ​ങ്ങ​ളാ​യി പൊ​തു​ഇ​ട​ങ്ങ​ളി​ൽ കാ​ണു​ന്നി​ല്ലെ​ന്ന് ക​ഴി​ഞ്ഞ​ദി​വ​സം എ​ക്സ്പ്ര​സ് ട്രൈ​ബ്യൂ​ൺ റി​പ്പോ​ർ​ട്ട് ചെ​യ്തി​രു​ന്നു. യൂ​ട്യൂ​ബ് ചാ​ന​ലി​ന്‍റെ പേ​രി​ൽ​നി​ന്ന് പ്ര​ധാ​ന​മ​ന്ത്രി എ​ന്ന​ത് ഒ​ഴി​വാ​ക്കി ഇം​റാ​ൻ ഖാ​ൻ എ​ന്നു മാ​ത്ര​മാ​ക്കി​യ​താ​ണ് രാ​ജി​വെ​ക്കു​ക​യാ​ണെ​ന്ന അ​ഭ്യൂ​ഹ​ങ്ങ​ൾ​ക്കി​ട​യാ​ക്കി​യ​ത്.

പ്ര​ധാ​ന​മ​ന്ത്രി​യു​ടെ ഓ​ഫി​സി​ന്‍റെ യൂ​ട്യൂ​ബ് ചാ​ന​ലാ​യ 'പ്രൈം​മി​നി​സ്റ്റ​ർ ഇം​റാ​ൻ ഖാ​ൻ' എ​ന്ന​താ​ണ് ഇം​റാ​ൻ ഖാ​ൻ എ​ന്നാ​ക്കി മാ​റ്റി​യ​ത്.