ബ്രസീലിൽ വെള്ളപ്പൊക്കവും മണ്ണിടിച്ചിലും; ഏഴു വയസുകാരിയടക്കം 36 പേർ മരിച്ചു

സാവോ പോളോ: ബ്രസീലിലെ സാവോ പോളോയിൽ ദിവസങ്ങളായി തുടരുന്ന കനത്ത മഴയിലും വെള്ളപ്പൊക്കത്തിലും ഏഴു വയസുകാരിയടക്കം 36 പേർ മരിച്ചു. മഴയെത്തുടർന്നുണ്ടായ മണ്ണിടിച്ചിലിൽ നിരവധി പേരെ കാണാതായി. അവർക്കുള്ള തിരച്ചിൽ തുടരുകയാണ്. സാവോ സെബാസ്റ്റിയാവോയിൽ മാത്രം 50ഓളം വീടുകൾ മണ്ണിനടിയിലായി.

ദുരിതബാധിത മേഖലകളിൽ സൈന്യവും രക്ഷാപ്രവർത്തനങ്ങൾക്ക് എത്തിയിട്ടുണ്ട്. സൈന്യത്തിന്റെ രണ്ട് വിമാനങ്ങളാണ് രക്ഷാപ്രവർത്തനത്തിനുള്ളത്.മഴ നാശം വിതച്ച സാവോ സെബാസ്റ്റിയാവോ, ഉബാടുബ, ഇൽഹബെല, ബെർടിയോഗ തുടങ്ങിയ നഗരങ്ങളിൽ സംസ്ഥാന സർക്കാർ അടിയന്തരാവസ്ഥ പ്രഖ്യാപിച്ചു