ചൈനയിലെ രണ്ട്​ പ്രവിശ്യകളിൽ ചുഴലിക്കാറ്റ്​; ഏഴ്​ മരണം, നിരവധി പേർക്ക്​ പരിക്ക്​

ബീജിങ്​: ചൈനയിലെ രണ്ട്​ പ്രവിശ്യകളിലുണ്ടായ ചുഴലിക്കാറ്റിൽ ഏഴ്​ പേർ മരിച്ചു. 218 പേർക്ക്​ പരിക്കേറ്റു. വുഹാനിലും ജിയാങ്​ഷുവിലുമാണ്​ ചുഴലിക്കാറ്റുണ്ടായതെന്ന്​ ചൈനീസ്​ വാർത്ത ഏജൻസി റിപ്പോർട്ട്​ ചെയ്​തു.

ഹുബെ പ്രവിശ്യയിലെ നഗരമായ വുഹാനിലുണ്ടായ ചുഴലിക്കാറ്റിൽ ആറ്​ പേരാണ്​ മരിച്ചത്​. വെള്ളിയാഴ്​ച രാത്രി 8.40ഓടെയായിരുന്നു ചുഴലിക്കാറ്റുണ്ടായത്​. 27 വീടുകൾ പൂർണമായും 130 എണ്ണം ഭാഗികമായും തകർന്നു. കെട്ടിട നിർമാണത്തിനു​പയോഗിച്ച ക്രെയിനും 8000 സ്വകയർ മീറ്റർ വലിപ്പമുള്ള താൽക്കാലിക ഷെഡും ചുഴലിക്കാറ്റിൽ നിലംപൊത്തി.

ജിങ്​ഷു പ്രവശ്യയിലെ ഷെഗ്​സ്​ നഗരത്തിലാണ്​ മറ്റൊരു ചുഴലിക്കാറ്റുണ്ടായത്​. ഇവിടെ ഒരാൾ മരിക്കുകയും 21 പേർക്ക്​ പരിക്കേൽക്കുകയും ചെയ്​തു. നഗരത്തിലെ നിരവധി ഫാക്​ടിറകൾ തകർന്നു. ഇലക്​ട്രിസിറ്റി ലൈനുകൾ തകരാറിലായതായും അധികൃതർ അറിയിച്ചു.