സ്വയം മാപ്പുനൽകി നിയമനടപടിയിൽ നിന്ന് തലയൂരാൻ ട്രംപിന്‍റെ നീക്കം

വാഷിങ്ടൺ: കാ​പി​റ്റ​ൽ ഹി​ൽ ബി​ൽ​ഡി​ങ്ങി​ലെ അക്രമ സംഭവങ്ങളിലുള്ള നിയമനടപടികളിൽ നിന്ന് രക്ഷപ്പെടാൻ പ്ര​സി​ഡ​ന്‍റ് ഡോ​ണ​ൾ​ഡ്​ ട്രം​പ് നീക്കം തുടങ്ങി. സ്വയം മാപ്പു നൽകാൻ പ്രസിഡന്‍റിന് അധികാരമുണ്ടെന്ന വാദം ഉയർത്തിയാണ് ട്രംപിന്‍റെ പുതിയ നീക്കം. ഈ വിഷയത്തിൽ വൈറ്റ് ഹൗസ് കൗൺസിൽ പാറ്റ് സിപോലോൻ, സഹായികൾ, അഭിഭാഷകർ അടക്കമുള്ള നിയമവിദഗ്ധരുടെ ഉപദേശം തേടിയതായി സി.എൻ.എൻ റിപ്പോർട്ട് ചെയ്തു. ട്രംപ് സ്വയം മാപ്പുനൽകിയാൽ അത് അമേരിക്കയുടെ ചരിത്രത്തിലെ ആദ്യ സംഭവമായിരിക്കുമെന്നാണ് വിവരം.

അതേസമയം, സ്വയം മാപ്പു നൽകാൻ പ്രസിഡന്‍റിന് അധികാരമുണ്ടോ എന്ന കാര്യത്തിൽ ഭരണഘടനാ വിദഗ്ധർ രണ്ടുതട്ടിലാണ്. പ്രസിഡന്‍റിന് സ്വയം മാപ്പുനൽകാൻ കഴിയില്ലെന്ന് ജസ്റ്റിസ് ഡിപ്പാർട്ട്‌മെന്‍റിന്‍റെ നിയമ കുറിപ്പിൽ പറയുന്നു. എന്നാൽ, അദ്ദേഹത്തിന് സ്ഥാനമൊഴിയാൻ സാധിക്കും. കൂടാതെ, വൈസ് പ്രസിഡന്‍റിനോട് ചുമതലയേൽക്കാനും മാപ്പ് നൽകാനും ആവശ്യപ്പെടാവുന്നതാണ്. എന്നിരുന്നാലും, നിയമ കുറിപ്പുമായി ഇത് ബന്ധിപ്പിച്ചിട്ടില്ലെന്ന് വിദഗ്ധർ ചൂണ്ടിക്കാട്ടുന്നു.

ലോ​ക​ത്തെ പ​ഴ​ക്ക​മേ​റി​യ ജ​നാ​ധി​പ​ത്യ രാ​ഷ്​​ട്ര​മെ​ന്ന​റി​യ​പ്പെ​ടു​ന്ന അ​മേ​രി​ക്ക​യു​ടെ ച​രി​ത്ര​ത്തി​ലാ​ദ്യ​മാ​യാ​ണ്​ ജ​ന​വി​ധി മ​റി​ക​ട​ക്കാ​ൻ പ്ര​സി​ഡ​ൻ​റ്​ പ്ര​ത്യ​ക്ഷ അ​ക്ര​മ​ത്തി​ന്​ ആ​ഹ്വാ​നം ചെ​യ്യു​ന്ന​ത്. ജോ ​ബൈ​ഡ​‍ന്‍റെ വി​ജ​യം അം​ഗീ​ക​രി​ക്കാ​തെ, തെ​ര​ഞ്ഞെ​ടു​പ്പ്​ അപഹരിച്ചുവെ​ന്ന്​ നി​ര​ന്ത​രം ആ​ക്ഷേ​പം ഉ​ന്ന​യി​ച്ചി​രു​ന്ന ട്രം​പ്​ വൈ​റ്റ്​​ഹൗ​സി​ന്​ സ​മീ​പം ത​ടി​ച്ചു​കൂ​ടി​യ അ​നു​യാ​യി​ക​ളോ​ട്​ കാ​പി​റ്റ​ലി​ലേ​ക്ക്​ നീ​ങ്ങാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ഇതിന്‍റെ വിഡിയോ പുറത്തുവന്നിരുന്നു.

മു​ൻ സ​ഹാ​യി​ക​ളാ​യ റോ​ജ​ർ സ്​​റ്റോ​ൺ, പോ​ൾ മ​ന​ഫോ​ർ​ട്ട്, മ​രു​മ​ക​ൻ ജാ​ര​ദ്​ കു​ഷ്​​ന​റു​ടെ പി​താ​വ്​ ചാ​ൾ​സ്​ കു​ഷ്​​ന​ർ എ​ന്നി​വ​ര​ട​ക്കം 29 പേ​ർ​ക്ക്​ ട്രം​പ് ഡിസംബർ 24ന്​ മാ​പ്പ്​ ന​ൽ​കിയിരുന്നു. തെ​റ്റാ​യ ആ​ദാ​യ​നി​കു​തി രേ​ഖ സ​മ​ർ​പ്പി​ച്ച കേ​സി​ൽ 2004ൽ ​ശി​ക്ഷി​ക്ക​പ്പെ​ട്ട ചാ​ൾ​സ്​ കു​ഷ്​​ന​ർ​ ര​ണ്ടു വ​ർ​ഷം ത​ട​വു​ശി​ക്ഷ അ​നു​ഭ​വി​ച്ചി​രു​ന്നു. 2016ലെ ​യു.​എ​സ്​ പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ലെ റ​ഷ്യ​ൻ ഇ​ട​പെ​ട​ലു​മാ​യി ബ​ന്ധ​പ്പെ​ട്ട്​ റോ​ബ​ർ​ട്ട്​ മ്യൂ​ള​ർ അ​ന്വേ​ഷ​ണ സ​മി​തി ശി​ക്ഷി​ച്ച​വ​രാ​ണ്​ സ്​​റ്റോ​ണും മ​ന​ഫോ​ർ​ട്ടും.