തോൽക്കു​േമ്പാൾ ട്രംപ്​ തിരുത്തുക മറ്റൊരു ചരിത്രം; 1992ന​ുശേഷം രണ്ടാം മത്സരത്തിൽ തോൽക്കുന്ന പ്രസിഡൻറ്​

വാഷിങ്​ടൺ: ഡെമോക്രാറ്റിക്​ സ്​ഥാനാർഥി ​ജോ ബൈഡൻ ​പ്രസിഡൻറ്​ സ്​ഥാനത്തെത്തുന്നതോടെ പ്രസിഡൻറ്​ ഡോണൾഡ്​ ട്രംപ്​ തിരുത്തുന്നത്​ മറ്റൊരു ചരിത്രം. 1992ന്​ ശേഷം പ്രസിഡൻറ്​ പദവിയിലിരിക്കെ മത്സരിച്ച്​ തോൽക്കുന്ന ആദ്യ പ്രസിഡൻറാകും ട്രംപ്.

1992 ൽ പ്രസിഡൻറായിരിക്കെ, ജോർജ്​ ഡബ്ല്യൂ ബുഷ്​ ഡെമോക്രാറ്റിക്​ സ്​ഥാനാർഥിയായിരുന്ന ബിൽ ക്ലിൻറനോട്​ പരാജയപ്പെടുകയായിരുന്നു. അതിനുശേഷം പ്രസിഡൻറ്​ പദത്തി​െലത്തിയ മൂന്നുപേരും രണ്ടാംവട്ടവും ജയിച്ചുകയറി. ബിൽ ക്ലിൻറൺ, ജോർജ്​ ഡബ്ല്യൂ ബുഷ്​, ബരാക്ക്​ ഒബാമ എന്നിവരാണ്​ രണ്ടാംവട്ടവും തെരഞ്ഞെടുക്കപ്പെട്ടത്​.

അമേരിക്കൻ ചരി​ത്രത്തിലെ നൂറുവർഷത്തിനിടയിൽ നാലു പ്രസിഡൻറുമാരാണ്​ രണ്ടാംമത്സരത്തിൽ കളത്തിൽനിന്ന്​ പുറത്തായത്​. ജോർജ്​ ഡബ്ല്യൂ ബുഷ്​, ജിമ്മി കാർട്ടർ, ജെറാൾഡ്​ ഫോർഡ്​, ഹെർബർട്ട്​ ഹൂവർ എന്നിവരാണവർ. ഇതിൽ ജിമ്മി കാർട്ടർ ഒഴികെ മൂന്നുപേരും റിപ്പബ്ലിക്കൻ പാർട്ടി ടിക്കറ്റിൽ മത്സര രംഗത്തെത്തിയവരായിരുന്നു.

ജോർജ്​ ഡബ്ല്യു ബുഷ്​

1992ലെ ജോർജ്​ ഡബ്ല്യൂ ബുഷി​െൻറ തോൽവി പതിറ്റാണ്ടുകളോളം നീണ്ടുനിന്ന റിപ്പബ്ലിക്കൻ ഭരണത്തി​െൻറ പതനമായിരുന്നു. ഡെമോക്രാറ്റികിലെ ബിൽ ക്ലിൻറൺ പ്രസിഡൻറായി തെരഞ്ഞെടുക്കപ്പെട്ടു. 370 ഇലക്​ടറൽ വോട്ടുകൾ ​േനടിയായിരുന്നു ബിൽ ക്ലിൻറ​െൻറ വിജയം.

ജിമ്മി കാർട്ടർ

1980ൽ പ്രസിഡൻറായിരിക്കെ രണ്ടാം മത്സരത്തിൽ റിപ്പബ്ലിക്കൻ സ്​ഥാനാർഥി ​റൊണാൾഡ്​ റീഗനോട്​ ജിമ്മി കാർട്ടർ പരാജയപ്പെട്ടു. അമേരിക്കൻ പ്രസിഡൻറായി സ്​ഥാനമേൽക്കുന്ന ഏറ്റവും പ്രായം കൂടിയ വ്യക്തിയായിരുന്നു ജിമ്മി കാർട്ടർ. എന്നാൽ 2016 ൽ 70ാം വയസിൽ ഡോണൾഡ്​ ട്രംപ്​ പ്രസിഡൻറായി ചരിത്രം തിരുത്തി.

ജെറാൾഡ്​ ഫോർഡ്​

1976ൽ പ്രസിഡൻറായിരുന്ന ജെറാൾഡ്​ ഫോർഡ്​ ഡെമോക്രാറ്റിക്​ സ്​ഥാനാർഥിയായിരുന്ന ജിമ്മി കാർട്ടറിനോട്​ പരാജയപ്പെട്ടു. 1974ൽ അഴിമതി ആരോപണങ്ങളിൽ കുടുങ്ങിയ പ്രസിഡൻറ്​ റിച്ചാർഡ്​ നിക്​സൺ രാജിവെച്ചതോടെ വൈസ്​ പ്രസിഡൻറായിരുന്ന ജെറാൾഡ്​ ഫോർഡ്​ പ്രസിഡൻറാകുകയായിരുന്നു. ഇലക്​ടറൽ കോളജ്​ വഴിയല്ലാതെ തെരഞ്ഞെടുക്ക​െപ്പട്ട ആദ്യ പ്രസിഡൻറാണ്​ ഇദ്ദേഹം.

ഹെർബട്ട്​ ഹൂവർ

1932ൽ റിപ്പബ്ലിക്കൻ സ്​ഥാനാർഥിയായ ഹെർബർട്ട്​ ഹൂവർ ഡെമോക്രാറ്റിക്​ സ്​ഥാനാർഥി ഫ്രാങ്ക്​ലിൻ ഡി റൂസ്​വെൽറ്റിനോട്​ പരാജയപ്പെട്ടു. 1930കളിലെ മഹാമാന്ദ്യത്തിന്​ ശേഷം വരുന്ന ആദ്യ തെരഞ്ഞെടുപ്പായിരുന്നു അത്​.