വൈറ്റ്​ഹൗസ്​ ചടങ്ങ്​ കോവിഡ്​ വ്യാപന വേദി ആയതായി ട്രംപി​​െൻറ കോവിഡ്​ ഉപദേശകൻ ഡോ. ഫൗച്ചി

വാഷിങ്​ടൺ: വൈറ്റ്​ഹൗസിൽ നടന്ന സുപ്രീംകോടതി ജഡ്​ജി നിയമന പ്രഖ്യാപന ചടങ്ങ്​ കോവിഡ്​–19 വ്യാപന വേദിയായി മാറിയതായി പ്രമുഖ അമേരിക്കൻ വൈറസ്​ വിദഗ്​ധൻ ഡോ. ആൻറണി ഫൗച്ചി.

സർക്കാറി​െൻറ കോവിഡ്​ ഉപദേശകൻതന്നെ വൈറ്റ്​ ഹൗസ്​ ചടങ്ങിനെതിരെ രംഗത്തെത്തിയത്​ പ്രസിഡൻറ്​ ​െതരഞ്ഞെടുപ്പിന്​ മൂന്നാഴ്​ച മാത്രം ബാക്കി നിൽക്കവേ ട്രംപിന്​ തിരിച്ചടിയാണ്​. മാസ്​ക്​ ധരിക്കാതെയും സാമൂഹിക അകലം പാലിക്കാതെയും നടത്തിയ ചടങ്ങ്​ കോവിഡ്​ 'സൂപ്പർ സ്​​പ്രെഡർ' ആയതായി ഡോ. ഫൗച്ചി ടി.വി അഭിമുഖത്തിലാണ്​ വ്യക്തമാക്കിയത്​. സെപ്​റ്റംബർ 26ന്​ നടന്ന​ ചടങ്ങിലൂടെ ​ട്രംപും പത്നി മെലാനിയയും അടക്കം ചുരുങ്ങിയത്​ 11 പേർക്കാണ്​ രോഗം ബാധിച്ചത്​.

മാസ്​കിനും സാമൂഹിക അകലത്തിനുമെതിരായ വൈറ്റ്​ഹൗസ്​ നിലപാട്​ കോവിഡ്​ വ്യാപനത്തിന്​ കാരണ​മാകുന്നുണ്ടോയെന്ന ചോദ്യത്തിന്​ മറുപടിയായാണ്​ സുപ്രീംകോടതി ജഡ്​ജി പ്രഖ്യാപന ചടങ്ങ്​ ഡോ. ഫൗച്ചി എടുത്തുകാണിച്ചത്​. കണക്കുകൾതന്നെ ഇക്കാര്യത്തിൽ കൃത്യമായി സംസാരിക്കുന്നുണ്ടെന്നും സാമൂഹിക അകലവും മാസ്​കും ഇല്ലാതെ നടത്തിയ വൈറ്റ്​ഹൗസ്​ ചടങ്ങ്​ ഇതി​െൻറ തെളിവാണെന്നും അദ്ദേഹം പറഞ്ഞു. കോവിഡ്​ പരിശോധനകൊണ്ടുമാത്രം രോഗത്തെ തടഞ്ഞുനിർത്താൻ കഴിയില്ല. ആറുമാസമായി വിദഗ്​ധർ മാസ്​ക്​ ധരിക്കേണ്ടതി​െൻറ ആവശ്യകത പറഞ്ഞുകൊണ്ടിരിക്കുകയാണ്​. ട്രംപ്​ സ്വീകരിച്ച പരീക്ഷണ മരുന്നിനെ സംബന്ധിച്ചും ഫൗച്ചി വിമർശനം ഉന്നയിച്ചു.