എങ്ങും മരണത്തിന്റെ മണം; പ്രതീക്ഷകൾ മങ്ങുന്നു

അ​ങ്കാ​റ/​​അ​​ലെ​പ്പോ: ഭൂ​ക​മ്പം ന​ട​ന്ന് നാ​ലു ദി​വ​സം ക​ഴി​ഞ്ഞ​തോ​ടെ കെ​ട്ടി​ടാ​വ​ശി​ഷ്ട​ങ്ങ​ളി​ൽ​നി​ന്ന് ജീ​വ​നോ​ടെ ആ​രെ​യെ​ങ്കി​ലും ര​ക്ഷ​പ്പെ​ടു​ത്താ​മെ​ന്ന പ്ര​തീ​ക്ഷ ന​ഷ്ട​പ്പെ​ട്ട് ര​ക്ഷാ​പ്ര​വ​ർ​ത്ത​ക​ർ. നി​ര​വ​ധി പേ​ർ കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ കു​ടു​ങ്ങി​യി​ട്ടു​ണ്ടെ​ങ്കി​ലും ര​ക്ഷ​പ്പെ​ടാ​നു​ള്ള സാ​ധ്യ​ത വി​ര​ള​മാ​ണ്.

ഭൂ​ക​മ്പം ക​ടു​ത്ത നാ​ശം വി​ത​ച്ച തു​ർ​ക്കി​യ​യി​ലെ ക​ഹ്റ​മ​ൻ​മഹാസ്, ഗാ​സി​യാ​ൻ​ടെ​പ്, വ​ട​ക്ക​ൻ സി​റി​യ​യി​ൽ വി​മ​ത​രു​ടെ നി​യ​ന്ത്ര​ണ​ത്തി​ലു​ള്ള അ​ലെ​പ്പോ, ഇ​ദ്‍രി​ബ് എ​ന്നി​വി​ട​ങ്ങ​ളി​ലെ​ല്ലാം മ​ര​ണ​ത്തി​ന്റെ മ​ണ​മാ​ണ്.

ഇ​വി​ടെ ത​ക​ർ​ന്നു​വീ​ണ കെ​ട്ടി​ട​ങ്ങ​ളി​ൽ​നി​ന്ന് വ്യാ​ഴാ​ഴ്ച​യും നി​ര​വ​ധി മൃ​ത​ദേ​ഹ​ങ്ങ​ളാ​ണ് ക​ണ്ടെ​ടു​ത്ത​ത്. ഇ​ന്ത്യ​യും അ​മേ​രി​ക്ക​യും യൂ​റോ​പ്പും റ​ഷ്യ​യും അ​ട​ക്കം വി​വി​ധ രാ​ജ്യ​ങ്ങ​ളി​ലെ ര​ക്ഷാ​പ്ര​വ​ർ​ത്ത​ക​ർ തു​ർ​ക്കി​യ​യി​ൽ പ്ര​വ​ർ​ത്ത​നം തു​ട​ങ്ങി​യി​ട്ടു​ണ്ട്.

അ​ത്യാ​ധു​നി​ക ഉ​പ​ക​ര​ണ​ങ്ങ​ളും പ്ര​ത്യേ​ക പ​രി​ശീ​ല​നം ല​ഭി​ച്ച നാ​യ്ക്ക​ളെ​യും ഉ​പ​യോ​ഗി​ച്ചാ​ണ് കെ​ട്ടി​ടാ​വ​ശി​ഷ്ട​ങ്ങ​ളി​ൽ ജീ​വ​നോ​ടെ ആ​രെ​ങ്കി​ലും ഉ​ണ്ടോ​യെ​ന്ന് പ​രി​ശോ​ധി​ക്കു​ന്ന​ത്. തി​ങ്ക​ളാ​ഴ്ച പു​ല​ർ​ച്ചെ​യു​ണ്ടാ​യ ഭൂ​ക​മ്പ​ത്തി​നു​ശേ​ഷ​മു​ള്ള തു​ട​ർ​ച​ല​ന​ങ്ങ​ൾ ജ​ന​ങ്ങ​ളെ ഭീ​തി​യി​ലാ​ഴ്ത്തു​ന്നു​ണ്ട്. നാ​ലു ദി​വ​സ​ത്തി​നി​ടെ നൂ​റി​ല​ധി​കം തു​ട​ർ​ച​ല​ന​ങ്ങ​ളു​ണ്ടാ​യ​താ​യാ​ണ് കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ങ്ങ​ൾ വ്യ​ക്ത​മാ​ക്കി​യ​ത്.

കൊ​ടും​ശൈ​ത്യ​വും ഭ​ക്ഷ​ണ​വും വെ​ള്ള​വും മ​രു​ന്നും ല​ഭ്യ​മാ​കാ​ത്ത​തും അ​തി​ജീ​വി​ച്ച​വ​രു​ടെ ജീ​വി​തം ദു​രി​ത​മ​യ​മാ​ക്കു​ന്നു​ണ്ട്. പ​ല​യി​ട​ത്തും ജീ​വ​കാ​രു​ണ്യ പ്ര​വ​ർ​ത്ത​ക​ർ ന​ൽ​കു​ന്ന ഭ​ക്ഷ​ണ​പ്പൊ​തി​ക​ൾ​ക്കാ​യി മ​ണി​ക്കൂ​റു​ക​ൾ കാ​ത്തി​രി​ക്കു​ന്ന​വ​രെ കാ​ണാം.

കൊ​ടും​ശൈ​ത്യ​ത്തെ പ്ര​തി​​രോ​ധി​ക്കാ​നു​ള്ള വ​സ്ത്ര​ങ്ങ​ളി​ല്ലാ​തെ കു​ട്ടി​ക​ളും പ്രാ​യ​മാ​യ​വ​രും സ്ത്രീ​ക​ളും അ​ട​ക്കം പ്ര​യാ​സ​പ്പെ​ടു​ക​യാ​ണ്. ത​ക​ർ​ന്ന കെ​ട്ടി​ട​ങ്ങ​ൾ​ക്കു സ​മീ​പ​ത്തെ തീ ​ക​ത്തി​ച്ചാ​ണ് ശൈ​ത്യ​ത്തെ പ്ര​തി​രോ​ധി​ക്കാ​ൻ ശ്ര​മി​ക്കു​ന്ന​ത്.

യു​ദ്ധം​ ത​ക​ർ​ത്ത സി​റി​യ​യി​ലെ അ​വ​സ്ഥ ദ​യ​നീ​യ​മാ​ണ്. ഇ​ദ്‍രി​ബി​ലും അ​ലെ​പ്പോ​യി​ലും പ​രി​ക്കേ​റ്റ​വ​ർ​ക്ക് ചി​കി​ത്സ പോ​ലും ല​ഭ്യ​മാ​കു​ന്നി​ല്ല. ടെ​ന്റു​ക​ൾ​പോ​ലും ത​ക​ർ​ന്ന​തോ​ടെ കൊ​ടും​ശൈ​ത്യ​ത്തി​ൽ തു​റ​ന്ന പ്ര​ദേ​ശ​ത്താ​ണ് ക​ഴി​യു​ന്ന​ത്. വ്യാ​ഴാ​ഴ്ച​യാ​ണ് ആ​ദ്യ​മാ​യി സ​ഹാ​യ​വ​സ്തു​ക്ക​ൾ തു​ർ​ക്കി​യ അ​തി​ർ​ത്തി ക​ട​ന്ന് വ​ട​ക്ക​ൻ സി​റി​യ​യി​ൽ എ​ത്തി​യ​ത്. ആ​റു ലോ​റി​യി​ലാ​ണ് സാ​ധ​ന​ങ്ങ​ൾ എ​ത്തി​ച്ച​ത്. ​

ഭൂ​ക​മ്പ​ത്തേ​ക്കാ​ൾ വ​ലി​യ ദു​ര​ന്ത​മാ​ണ് അ​തി​ജീ​വി​ച്ച​വ​രെ കാ​ത്തി​രി​ക്കു​ന്ന​തെ​ന്ന് ലോ​കാ​രോ​ഗ്യ സം​ഘ​ട​ന മു​ന്ന​റി​യി​പ്പ് ന​ൽ​കി. ഭ​ക്ഷ​ണ​വും പാ​ർ​പ്പി​ട​വും വൈ​ദ്യു​തി​യും ഒ​ന്നും ല​ഭ്യ​മ​ല്ലാ​തെ അ​ധി​ക ദി​വ​സം ദു​ര​ന്ത​ബാ​ധി​ത​ർ​ക്ക് അ​തി​ജീ​വി​ക്കാ​നാ​കി​ല്ലെ​ന്നും സ​ഹാ​യം എ​ത്ര​യും വേ​ഗം എ​ത്തി​ക്ക​ണ​മെ​ന്നു​മാ​ണ് ​ലോ​കാ​രോ​ഗ്യ സം​ഘ​ട​ന ആ​വ​ശ്യ​പ്പെ​ടു​ന്ന​ത്.