യു.എസ് സൈനിക ക്യാമ്പ് ലക്ഷ്യമിട്ട രണ്ട് ഡ്രോണുകള്‍ ഇറാഖ് തകര്‍ത്തു

ബാഗ്ദാദ്: അമേരിക്കന്‍ സൈനിക ക്യാമ്പിന് മുകളില്‍വെച്ച് രണ്ട് ഡ്രോണുകള്‍ തകര്‍ത്തതായി ഇറാഖ് അറിയിച്ചു. ഇറാഖിന്റെ പടിഞ്ഞാറന്‍ മരുഭൂമിയിലെ ഐന്‍ അല്‍ അസദ് സൈനിക ക്യാമ്പിലായിരുന്നു സംഭവം.

ഇതിന് മണിക്കൂറുകള്‍ക്ക് മുമ്പ് ബഗ്ദാദ് വിമാനത്താവളത്തിന് മുകളില്‍ ഒരു റോക്കറ്റ് വെടിവെച്ച് വീഴ്ത്തിയിരുന്നു. ഈ സംഭവത്തിലും നാശനഷ്ടങ്ങളൊന്നുമില്ലെന്ന് കേണല്‍ വെയിന്‍ മറോട്ടോ പറഞ്ഞു.

ഇതേ സൈനിക താവളത്തെ കഴിഞ്ഞ മാസം ഒരു സായുധ ഡ്രോണ്‍ ലക്ഷ്യമിട്ടിരുന്നു.

ഈ വര്‍ഷം ഇതേവരെ 39 ആക്രമണങ്ങളാണ് ഇറാഖിലെ അമേരിക്കന്‍ സൈനിക ക്യാമ്പുകള്‍ക്ക് നേരെ ഉണ്ടായത്.