വെസ്റ്റ്ബാങ്കിൽ കാർ ഇടിച്ച് രണ്ട് ഇസ്രായേൽ സൈനികർ കൊല്ലപ്പെട്ടു

​വെസ്റ്റ് ബാങ്ക്: വെസ്റ്റ്ബാങ്കിലെ നബ്‍ലസിൽ കാർ ഇടിച്ച് ഗുരുതര പരിക്കേറ്റ രണ്ട് ഇസ്രായേൽ സൈനികർ മരിച്ചു. ബുധനാഴ്ച രാത്രി നടന്ന അപകടത്തിൽ പരിക്കേറ്റ സ്റ്റാഫ് സർജൻറുമാരായ എലിയ ഹിലേൽ (20), ഡീഗോഹർസജ് (20) എന്നിവരാണ് വ്യാഴാഴ്ച രാവിലെ ആശുപത്രിയിൽ മരിച്ചത്. ഇരുവരും കഫീർ ബ്രിഗേഡിന്റെ നഹ്ഷോൺ ബറ്റാലിയൻ അംഗങ്ങളായിരുന്നു.

നബ്‍ലസിലേക്കുള്ള പ്രവേശന കവാടമായ ഇറ്റാമറിലെ അനധികൃത ജൂത കുടിയേറ്റ കേന്ദ്രത്തിന് സമീപമാണ് ഇരുവരെയും വാഹനം ഇടിച്ചിട്ടത്. ഡ്രൈവർ ഫലസ്തീൻ സ്വദേശിയാണെന്ന് സംശയിക്കുന്നു.

വെസ്റ്റ്ബാങ്കിൽ ഫലസ്തീനികൾക്ക് നേരെ കടുത്ത ആക്രമണമാണ് ഏതാനും മാസങ്ങളായി ഇസ്രായേൽ സേനയും അനധികൃത കുടിയേറ്റക്കാരും അഴിച്ചുവിടുന്നത്. കുട്ടികയെടക്കം പോയിന്റ് ബ്ലാങ്കിൽ വെടിവെച്ചു​കൊല്ലുക, കുട്ടികളെയും സ്ത്രീകളെയും മുതിർന്ന​വരെയും അനധികൃതമായി തട്ടിക്കൊണ്ടുപോവുക, വാഹനങ്ങളും വീടുകളും തകൾത്ത് അഗ്നിക്കിരയാക്കുക തുടങ്ങിയ ക്രൂരകൃത്യങ്ങളാണ് തുടർച്ചയായി നടത്തുന്നത്.

ഗസ്സയിൽ യുദ്ധം തുടങ്ങിയ ശേഷം വെസ്റ്റ് ബാങ്കിൽ നിന്ന് മാത്രം 4,000ലേറെ ഫലസ്തീനികളെ ഇസ്രായേൽ അധിനിവേശ സൈന്യം പിടിച്ചുകൊണ്ടുപോയി തടവിലാക്കിയിട്ടുണ്ട്. ഫലസ്തീൻ ആരോഗ്യ മന്ത്രാലയത്തിന്റെ കണക്കനുസരിച്ച് 510 ലധികം പേരാണ് വെസ്റ്റ് ബാങ്കിൽ ​കൊല്ലപ്പെട്ടത്.

അതിനിടെ, റഫയിൽ നിരപരാധികളായ അഭയാർഥികൾക്ക് ​നേരെ ബോംബാക്രമണം നടത്തി നിരവധി ഗസ്സക്കാരെ കൂട്ടക്കൊല ചെയ്തതിന് പിനനാലെ മൂന്ന് ഇസ്രായേൽ സൈനികരെ ഹമാസ് കൊലപ്പെടുത്തി. കെ​ട്ടി​ട​ത്തി​ൽ ഹ​മാ​സ് സാ​യു​ധ വി​ഭാ​ഗ​മാ​യ ഖ​സ്സാം ബ്രി​ഗേ​ഡ് ഒ​രു​ക്കി​യ കെ​ണി​യി​ൽ സൈനികർ കു​ടു​ങ്ങുകയായിരുന്നു. ഇ​വ​ർ സ​ഞ്ച​രി​ച്ച സൈ​നി​ക വാ​ഹ​ന​ങ്ങ​ൾ​ക്കു നേ​രെ ആ​ക്ര​മ​ണ​മു​ണ്ടാ​യ​തി​നെ തു​ട​ർ​ന്ന് തൊ​ട്ടു​ചേ​ർ​ന്ന കെ​ട്ടി​ട​ത്തി​ൽ അ​ഭ​യം തേ​ടിയപ്പോൾ ഇ​വി​ടെ നേ​ര​ത്തേ ​സ്ഥാ​പി​ച്ച ബോം​ബു​ക​ൾ ​പൊ​ട്ടി​ത്തെ​റി​ച്ച് ​കെ​ട്ടി​ടം ത​ക​ർ​ന്നാ​ണ് സൈ​നി​ക​രു​ടെ മ​ര​ണ​പ്പെട്ടത്. അഞ്ചു പേ​ർ​ക്ക് പ​രി​ക്കേ​റ്റു. ഇ​തി​ൽ മൂ​ന്നു​പേ​രു​ടെ നി​ല അ​തി​ഗു​രു​ത​ര​മാ​ണ്. ഒ​രു സൈ​നി​ക​​നെ കാ​ണാ​താ​യി​ട്ടു​മു​ണ്ട്.

ഇ​സ്രാ​യേ​ൽ സൈ​നി​ക നി​ര​യി​ൽ കൂ​ടു​ത​ൽ ആ​ൾ​നാ​ശ​മു​ണ്ടെ​ന്ന് ഖ​സ്സാം ബ്രി​ഗേ​ഡ് അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും ഇ​സ്രാ​യേ​ൽ സ്ഥി​രീ​ക​രി​ച്ചി​ട്ടി​ല്ല. ഇ​തു​വ​രെ ചു​രു​ങ്ങി​യ​ത് 290 സൈ​നി​ക​ർ കൊ​ല്ല​പ്പെ​ട്ട​താ​യാ​ണ് ഇസ്രായേലിന്റെ ഔ​ദ്യോ​ഗി​ക ക​ണ​ക്ക്. റ​ഫ ആ​ക്ര​മ​ണം തു​ട​ങ്ങി​യ​ശേ​ഷം 10 സൈ​നി​ക​ർ​ കൊ​ല്ല​പ്പെ​ടു​ക​യും 135 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്.