മാസ്ക് ധരിക്കാൻ ആവശ്യപ്പെട്ടതിന് ഊബർ ഡ്രൈവറെ ആക്രമിച്ച് യാത്രക്കാരി; വീഡിയൊ വൈറൽ
text_fieldsമാസ്ക് ധരിക്കാൻ ആവശ്യപ്പെട്ടതിന് ഊബർ ഡ്രൈവറെ യാത്രക്കാരി ആക്രമിച്ചതായി പരാതി. സംഭവത്തിന്റെ വീഡിയോ സോഷ്യൽ മീഡിയിൽ എത്തിയതോടെ വൈറലായി. നേപ്പാളിൽ നിന്നുള്ള ഉൗബർ ഡ്രൈവറാണ് മോശം പെരുമാറ്റിന് ഇരയായത്. എബിസി 7 ന്യൂസിന്റെ റിപ്പോർട്ടർ ഡിയോൺ ലിം ട്വിറ്ററിൽ വീഡിയോ പങ്കുവച്ചതോടെയാണ് സംഭവം പുറംലോകം അറിഞ്ഞത്.
മാർച്ച് എട്ടിന് കാലിഫോർണിയയിലെ സാൻഫ്രാൻസിസ്കൊ ബേവ്യൂ ഏരിയയിൽ നിന്നാണ് മൂന്ന് സ്ത്രീകൾ ഊബർ ബുക്ക് ചെയ്തത്. നേപ്പാളുകാരനായ ഡ്രൈവർ സുഭാകർ ഖഡ്കയാണ് യാത്രക്കാരെ കൊണ്ടുപോയത്. യാത്രക്കിടെ മാസ്ക് ധരിക്കണമെന്ന് പറഞ്ഞതാണ് പ്രകോപനത്തിന് കാരണമെന്ന് ഡ്രൈവർ പറയുന്നു. മാസ്ക് ധരിക്കാൻ തയ്യാറാകാതെവന്നതോടെ താൻ സവാരി റദ്ദാക്കുന്നുവെന്നും യാത്രക്കാർ വാഹനത്തിൽ നിന്ന് ഇറങ്ങണമെന്നും ഡ്രൈവർ ആവശ്യെപ്പട്ടു. വൈറലായ വീഡിയോയിൽ സ്ത്രീകൾ മോശം ഭാഷ ഉപയോഗിക്കുന്നതും ഡ്രൈവറുടെ ഫോൺ പിടിച്ചുവാങ്ങുന്നതും മാസ്ക് വലിച്ചൂരുന്നതും കാണാം.ഡ്രൈവർക്കെതിരേ യാത്രക്കാരികൾ കുരുമുളക് സ്പ്രേയും പ്രയോഗിച്ചിട്ടുണ്ട്.
⚠️ 𝗪𝗔𝗥𝗡𝗜𝗡𝗚: 𝗘𝗫𝗣𝗟𝗜𝗖𝗜𝗧 𝗟𝗔𝗡𝗚𝗨𝗔𝗚𝗘 ⚠️ Uber driver Subhakar told me he picked up 3 women in the Bayview yesterday & after asking one to wear a mask was subject to slurs, taunting & one grabbing his phone.
— Dion Lim (@DionLimTV) March 9, 2021
He's taking a few days off.
SFPD is investigating. pic.twitter.com/o99pOooWsw
സംഭവത്തിനുശേഷം നെഞ്ചുവേദന അനുഭവപ്പെട്ട സുഭാകർ നിലവിൽ അവധിയിലാണ്. സംഭവം വിവാദമായതോടെ ഊബറും പ്രസ്താവനയുമായി രംഗത്തെത്തി. വീഡിയോയിൽ കാണുന്ന പെരുമാറ്റം മോശമാണെന്നും യാത്രക്കാരെ ഇനി ഊബറിൽ പ്രവേശിപ്പിക്കില്ലെന്നും ഊബർ പ്രതിനിധി അറിയിച്ചു. കാറിന്റെ ഇന്റീരിയർ ഫാബ്രിക്കിലെ സ്പ്രേ നീക്കം ചെയ്തതിന് നഷ്ടപരിഹാരമായി 120 യുഎസ് ഡോളർ നൽകുമെന്നും ഊബർ പറഞ്ഞു.
സുഭാകറിന്റെ ജോലി നഷ്ടം നികത്തുന്നതിനും നഷ്ടപരിഹാരം നൽകുന്നതിനുമായി സിയാൻ ബാനിസ്റ്റർ എന്നയാൾ ആരംഭിച്ച ധനസമാഹരണത്തിൽ 27,319 യുഎസ് ഡോളർ സമാഹരിച്ചിട്ടുണ്ട്. അതിനിടെ സുഭാകറിനെ ആക്രമിച്ച യുവതി തനിക്ക് തോക്കുണ്ടായിരുന്നുവെങ്കിൽ ഡ്രൈവറെ വെടിവക്കുമായിരുന്നെന്നും സംഭവത്തിൽ മാപ്പ് പറയില്ലെന്നും ഊബറിനെതിരെ നിയമനടപടി സ്വീകരിക്കുമെന്നും പറഞ്ഞ് രംഗത്ത് എത്തിയിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.