ബീജിങിലെ ശൈത്യകാല ഒളിമ്പിക്​സ്​ ബഹിഷ്​കരിക്കണമെന്ന്​ തുർക്കിയിലെ ഉയ്​ഗൂർ മുസ്​ലിംകൾ

അടുത്ത മാസമാണ്​ ചൈനയിലെ ബീജിങിൽ ശൈത്യകാല ഒളിമ്പിക്​സ്​ അരങ്ങേറുക. ഒളിമ്പികസ്​ ബഹിഷ്​കരിക്കാൻ ആഹ്വാനം ചെയ്​തിരിക്കുകയാണ്​ തുർക്കിയിലുള്ള ഉയ്​ഗൂർ മുസ്​ലിംകൾ. ബഹിഷ്​കരണ ആഹ്വാനവുമായി

ഉയ്​ഗൂറുകൾ ഇസ്​താംബൂൾ തെരുവിൽ പ്രതിഷേധ പ്രകടനവും നടത്തി. ചൈനയുടെ ന്യൂനപക്ഷ വിരുദ്ധതയിൽ ലോകരാജ്യങ്ങൾ പ്രതികരിക്കണമെന്ന്​ അവർ ആഹ്വാനം ചെയ്​തു. തുർക്കി ഒളിമ്പിക്​സ്​ കമ്മിറ്റി ഓഫിസിന്​

മുന്നിൽ നടന്ന പ്രകടനത്തിൽ നിരവധി പേർ അണിനിരന്നു. കിഴക്കൻ തുർക്കിസ്​ഥാ​ന്‍റെ സ്വാതന്ത്ര്യസമര സംഘടനയുടെ നിലയും വെളുപ്പും വർണത്തിലുള്ള പതാക വീശിയാണ്​ പ്രതിഷേധക്കാർ ഒത്തുകൂടിയത്​. 'ചൈന

വംശഹത്യ ഒളിമ്പിക്​സ്​ നിർത്തൂ, വംശഹത്യ അവസാനിപ്പിക്കൂ, ചൈന ക്യാമ്പുകൾ അടച്ചുപൂട്ടൂ' എന്നീ മുദ്രാവാക്യങ്ങളും പ്രതിഷധക്കാർ ഉയർത്തി. ഉയ്​ഗൂറുകൾക്കെതിരെ എല്ലാ തരത്തിലുള്ള അടിച്ചമർത്തലുകളും തുടരുന്ന

ചൈനക്ക്​ ഒളിമ്പിക്​സ്​ പരിപാടിക്ക്​ ആഥിതേയത്വം വഹിക്കാൻ അവകാശമില്ലെന്ന്​ ഉയ്​ഗൂർ വീട്ടമ്മയായ മുനവ്വർ ഒസ്​യഗൂർ പറഞ്ഞു. മുനവ്വറി​ന്‍റെ നിരവധി ബന്ധുക്കൾ ചൈനീസ്​ തടവറയിലാണ്​. സിൻജിയാങിലെ ചൈനീസ്​

ക്യാമ്പുകളിൽ ഉയ്​ഗൂർ മുസ്​ലിംകൾ അടക്കമുള്ള പത്ത്​ ലക്ഷം ന്യൂനപക്ഷങ്ങൾ തടവറയിലുണ്ടെന്ന്​ യുനൈറ്റഡ്​ നേഷൻ വ്യക്​തമാക്കിയിരുന്നു.