ഇന്ത്യക്കാരുടെ യാത്ര എളുപ്പമാക്കാനുള്ള ശ്രമം തുടരുന്നുവെന്ന്​ ബ്രിട്ടൻ

ന്യൂഡൽഹി: കേന്ദ്രസർക്കാറുമായി ചേർന്ന്​ ഇന്ത്യക്കാരുടെ യാത്ര എളുപ്പത്തിലാക്കുന്നതിനുള്ള ശ്രമങ്ങൾ തുടരുകയാണെന്ന്​ ബ്രിട്ടീഷ്​ ഹൈക്കമ്മീഷൻ. ബ്രിട്ടനിൽ നിന്നും ഇന്ത്യയിലെത്തുന്നവർക്ക്​ 10 ദിവസത്തെ ക്വാറന്‍റീൻ നിർബന്ധമാക്കിയതിന്​ പിന്നാലെയാണ്​ പ്രതികരണം. നേരത്തെ ഇന്ത്യക്കാർക്ക്​ ക്വാറന്‍റീൻ ഏർപ്പെടുത്തിയ ബ്രിട്ടീഷ്​ സർക്കാർ നടപടിക്ക്​ മറുപടിയായാണ്​ പുതിയ നിബന്ധന കൊണ്ടു വന്നത്​.

ഘട്ടം ഘട്ടമായി മറ്റ്​ രാജ്യങ്ങൾക്കുള്ള നിയന്ത്രണങ്ങൾ ഒഴിവാക്കുകയാണ്​ യു.കെയുടെ ലക്ഷ്യം. വാക്​സിൻ സർട്ടിഫിക്കറ്റിന്‍റെ ആധികാരികത പരിശോധിക്കുന്നതിന്​ ഇന്ത്യയുമായി ചേർന്ന്​ പ്രവർത്തിക്കും. ഇതിനായി ഇന്ത്യയിലെ പൊതു ആരോഗ്യകേന്ദ്രത്തിന്‍റെ സഹായം തേടുമെന്നും ബ്രിട്ടീഷ്​ ഹൈകമ്മീഷൻ വക്​താവ്​ അറിയിച്ചു.

നിരവധി ഇന്ത്യക്കാർ പഠനത്തിനും മറ്റ്​ ആവശ്യങ്ങൾക്കുമായി ഇതിനകം യു.കെയിലെത്തിയിട്ടുണ്ട്​. 2021 ജൂൺ വരെ 62,500 പേർക്ക്​ വിദ്യാർഥി വിസ അനുവദിച്ചിട്ടുണ്ട്​. വിസകളുടെ എണ്ണത്തിൽ കഴിഞ്ഞ വർഷവുമായി താരതമ്യം ചെയ്യു​േമ്പാൾ 30 ശതമാനം വർധനയുണ്ടായിട്ടുണ്ടെന്നും ബ്രിട്ടൻ വ്യക്​തമാക്കി.