വികസിതരാജ്യങ്ങൾക്ക്​ രണ്ടുകോടി ഡോസ്​ ആസ്​ട്രസെനക വാക്​സിൻ –ബോറിസ്​ ജോൺസൺ

ലണ്ടൻ: വികസിത രാജ്യങ്ങൾക്ക്​ രണ്ടുകോടി ആസ്​​ട്രസെനക കോവിഡ്​ വാക്​സിൻ ഡോസുകൾ നൽകുമെന്ന്​ ബ്രിട്ടീഷ്​ പ്രധാനമന്ത്രി ബോറിസ്​ ജോൺസൺ. ഒരുകോടി ഡോസ്​ യു.എന്നി​െൻറ പിന്തുണയുള്ള കോവാക്​സ്​ വാക്​സിൻ ഷെയറിങ്​ പദ്ധതിയിലേക്കു നൽകും. ഒരു കോടി വാക്​സിൻ ഡോസുകൾ വരും ആഴ്​ചകളിലും നൽകാനാണ്​ തീരുമാനമെന്നും ബോറിസ്​ ജോൺസൺ അറിയിച്ചു. 2022 പകുതിയോടെ വിവിധ രാജ്യങ്ങൾക്ക്​ 10 കോടി വാക്​സിൻ ഡോസുകൾ നൽകാനാണ്​ ബ്രിട്ട​െൻറ പദ്ധതി. ഇതിൽ ഒരുകോടി ഇതിനകം നൽകിക്കഴിഞ്ഞു. 2022ഒാടെ മുഴുവൻ രാജ്യങ്ങളിലും വാക്​സിനേഷൻ പൂർത്തിയാക്കാൻ വൻശക്തികൾ ശ്രദ്ധചെലുത്തണമെന്നും ബ്രിട്ടീഷ്​ പ്രധാനമന്ത്രി ആവശ്യപ്പെട്ടു.