മ്യാൻമറിലെ സൈനിക അട്ടിമറി റോഹിങ്ക്യൻ മുസ്​ലിം ദുരിതം രൂക്ഷമാക്കുമെന്ന്​ യു.എൻ

നായ്​പിഡാവ്​: വർഷങ്ങളായി റാഖൈനിലും രാജ്യത്തിന്​ പുറത്തും നരക ജീവിതം നയിക്കുന്ന റോഹിങ്ക്യൻ മുസ്​ലിംകളെ​ മ്യാൻമറിലെ സൈനിക അട്ടിമറി കൂടുതൽ ദുരിതത്തിലേക്ക്​ തള്ളിവിടുമെന്ന ആശങ്ക പങ്കുവെച്ച്​ ഐക്യരാഷ്​ട്ര സഭ. ഒരു ദശലക്ഷത്തോളം റോഹിങ്ക്യകൾ വർഷങ്ങളായി ബംഗ്ലദേശിലുൾപെടെ അഭയാർഥികളായി കഴിയുന്നുണ്ട്​. മ്യാൻമറിൽ​ അവശേഷിക്കുന്നത്​ ആറു ലക്ഷ​ത്തോളം ​പേരാണ്​. ഇവരെ കൂടി അഭയാർഥികളാക്കി മാറ്റുന്നതാകുമോ സൈനിക മേധാവിത്തമെന്നാണ്​ ആശങ്ക. വിഷയം ചർച്ച ചെയ്യാൻ യു.എൻ രക്ഷാ സമിതി അടിയന്തര സമ്മേളനം ചേരുന്നുണ്ട്​.

കഴിഞ്ഞ തിങ്കളാഴ്​ചയാണ്​ ജനാധിപത്യപരമായി തെരഞ്ഞെടുക്കപ്പെട്ട സർക്കാറിനെ അട്ടിമറിച്ച്​ പട്ടാളം വീണ്ടും അധികാരം പിടിച്ചത്​. നേതൃത്വത്തിലുണ്ടായിരുന്ന ഓങ്​ സാൻ സൂചി ഉൾപെടെ പ്രമുഖരെ പുലർച്ചെ നടന്ന റെയ്​ഡിൽ അറസ്​റ്റ്​ ചെയ്​തുിരുന്നു.

മ്യാൻമറിലെ റാഖൈനിൽ 2017ൽ നടന്ന സൈനിക നീക്കത്തിൽ എല്ലാം നഷ്​ടപ്പെട്ട ഏഴു ലക്ഷം റോഹിങ്ക്യൻ മുസ്​ലിംകൾ ബംഗ്ലദേശിലേക്ക്​ പലായനം ചെയ്​തിരുന്നു. ഗ്രാമങ്ങൾ അഗ്​നിക്കിരയാക്കിയും സ്ത്രീകളെ ബലാത്സംഗം​ ചെയ്​തും ആരോഗ്യപരിചരണം നിഷേധിച്ചും നടന്ന വംശഹത്യക്കെതിരെ സൂചിയും ഭരണകൂടവും പ്രതികരിച്ചിരുന്നില്ല. ബംഗ്ലദേശിലേക്കു കടന്ന റോഹിങ്ക്യകൾ ഇപ്പോഴും അഭയാർഥി ക്യാമ്പുകളിലാണ്​. സൈന്യം വംശഹത്യയാണ്​ റാഖൈനിൽ നടത്തിയതെന്ന്​ യു.എൻ​ സെക്രട്ടറി ജനറൽ അ​േൻറാണിയോ ഗുട്ടറെസും പാശ്​ചാത്യ രാജ്യങ്ങളും ​ കുറ്റപ്പെടുത്തിയിരുന്നു. നടപടിക്കെതിരെ അന്താരാഷ്​ട്ര കോടതിയിൽ കേസ്​ വിചാരണ പുരോഗമിക്കുകയാണ്​.

റാഖൈൻ സംസ്​ഥാനത്തു മാത്രം ആറു ലക്ഷം റോഹിങ്ക്യൻ മുസ്​ലിംകളുണ്ട്​. ഇവരിൽ 1.20 ലക്ഷം പേർ സഞ്ചാര സ്വാതന്ത്ര്യം പോലും നിഷേധിക്കപ്പെട്ട്​ അടിയന്തര ചികിത്സ പോലും ലഭിക്കാതെ ക്യാമ്പുകളിൽ കുടുങ്ങിക്കിടക്കുകയാണ്​. ഇവർക്ക്​ കാര്യങ്ങൾ കൂടുതൽ ഗുരുതരമാകുമെന്ന്​ ഭയക്കുന്നതായി യു.എൻ വക്​താവ്​ സ്​റ്റെഫാൻ ദുജാരിച്​ പറഞ്ഞു.

ചൊവ്വാഴ്​ച ചേരുന്ന 15 അംഗ യു.എൻ രക്ഷാ സമിതി യോഗം മ്യാൻമർ പ്രശ്​നം അടിയന്തരമായി ചർച്ച ചെയ്യും. സൈനിക അട്ടിമറി അവസാനിച്ചില്ലെങ്കിൽ ഉപരോധം പ്രഖ്യാപിക്കുമെന്ന്​ യു.എസ്​ മുന്നറിയിപ്പ്​ നൽകിയിരുന്നു.

2017ലെ സൈനിക നീക്കത്തിനെതിരെ യു.എൻ നടപടിക്ക്​ ഒരുങ്ങിയിരുന്നുവെങ്കിലും റഷ്യയുടെയും ചൈനയുടെയും പിന്തുണയോടെ മ്യാൻമർ രക്ഷപ്പെടുകയായിരുന്നു. എന്നാൽ, നാല്​ സൈനിക കമാൻഡർമാർക്കെതിരെ അന്ന്​ ട്രംപ്​ ഭരണകൂടം ഉപരോധമേർപെടുത്തി.

തെരഞ്ഞെടുപ്പ്​ കൃത്രിമം ആരോപിച്ചാണ്​ സൈന്യം മ്യാൻമറിൽ സൂചിയെയും ഭരണപ്രമുഖരെയും കസ്​റ്റഡിയിലെടുത്തത്​. ഒരു വർഷത്തേക്ക്​ അടിയന്തരാവസ്​ഥയും പ്രഖ്യാപിച്ചു.

മ്യാൻമറിൽ ബാങ്കി്ങ്​, ടെലികോം, രത്​നം, ടെക്​സ്​റ്റൈൽ, ലോഹ മേഖലകളിലുൾപെടെ സമ്പൂർണ നിയന്ത്രണമുള്ള രണ്ട്​ മുൻനിര കമ്പനികൾ സൈന്യത്തി​െൻറ നിയന്ത്രണത്തിലാണ്​. മ്യാൻമർ എക്കണോമിക്​ ഹോൾഡിങ്​സ്​ ലിമിറ്റഡ്​, മ്യാൻമർ എക്കണോമിക്​ കോർപറേഷൻ എന്നിവയാണവ. രണ്ടു സ്​ഥാപനങ്ങളിലും സൈനിക പങ്കാളിത്തം ശക്​തമായതിനാൽ ബാഹ്യ ഇടപെടലുകൾക്ക്​ എത്രത്തോളം മാറ്റം വരുത്താനാകുമെന്നാണ്​ ലോകം ഉറ്റുനോക്കുന്നത്​. ഈ സ്​ഥാപനങ്ങൾക്കെതിരെ നേരത്തെ യു.എസ്​ ഉപരോധം പ്രഖ്യാപിച്ചിരുന്നുവെങ്കിലും ഫല​ം കണ്ടിരുന്നില്ല.

രാജ്യത്ത്​ ഭരണത്തോടൊപ്പം സാമ്പത്തിക രംഗവും നിയന്ത്രിക്കുന്നതാണ്​ സൈന്യത്തെ കൂടുതൽ ശക്​തിപ്പെടുത്തുന്നത്​.