ഗസ്സ വെടിനിർത്തൽ: യു.എൻ ചാർട്ടറിലെ ആർട്ടിക്കിൾ 99 പ്രയോഗിച്ച് അന്റോണിയോ ഗുട്ടെറസ്

യു​നൈ​റ്റ​ഡ് നേ​ഷ​ൻ​സ്: ഗ​സ്സ​യി​ലെ ഇ​സ്രാ​യേ​ൽ ക്രൂ​ര​ത ര​ണ്ടു​മാ​സം പി​ന്നി​ടു​മ്പോ​ൾ അ​ടി​യ​ന്ത​ര വെ​ടി​നി​ർ​ത്ത​ൽ ആ​വ​ശ്യ​പ്പെ​ടാ​ൻ ര​ക്ഷാ​സ​മി​തി യോ​ഗം വി​ളി​ച്ച് ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​​ന്റോ​ണി​യോ ഗു​​െട്ട​റ​സ്. യു.​എ​ൻ ചാ​ർ​ട്ട​റി​ലെ 99ാം അ​നു​ച്ഛേ​ദ പ്ര​കാ​രം പ്ര​ത്യേ​കാ​ധി​കാ​രം പ്ര​യോ​ഗി​ച്ച് ര​ക്ഷാ​സ​മി​തി​യി​ലെ 15 അം​ഗ​രാ​ജ്യ​ങ്ങ​ൾ​ക്ക് സെ​ക്ര​ട്ട​റി ജ​ന​റ​ൽ ക​ത്ത​യ​ക്കു​ക​യാ​യി​രു​ന്നു.

ഗ​സ്സ​യി​ലെ സാ​ധാ​ര​ണ​ക്കാ​രാ​യ ജ​ന​ങ്ങ​ൾ യു​ദ്ധം​മൂ​ലം ക​ടു​ത്ത ദു​രി​ത​മാ​ണ് അ​നു​ഭ​വി​ക്കു​ന്ന​തെ​ന്നും ഇ​നി​യും ആ​ക്ര​മ​ണം തു​ട​ർ​ന്നാ​ൽ വ​ൻ മാ​നു​ഷി​ക ദു​ര​ന്ത​ത്തി​ലേ​ക്ക് നീ​ങ്ങു​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി. സം​ഘ​ർ​ഷം വ്യാ​പി​ക്കാ​തി​രി​ക്കാ​നും പ്ര​തി​സ​ന്ധി അ​വ​സാ​നി​പ്പി​ക്കാ​നും ശ്ര​മ​ങ്ങ​ൾ ഊ​ർ​ജി​ത​മാ​ക്കാ​ൻ അ​ന്താ​രാ​ഷ്ട്ര സ​മൂ​ഹ​ത്തി​ന് ബാ​ധ്യ​ത​യു​ണ്ടെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു. വെ​ടി​നി​ർ​ത്ത​ൽ ആ​വ​ശ്യ​പ്പെ​ടാ​നു​ള്ള ര​ക്ഷാ​സ​മി​തി യോ​ഗം ഈ​യാ​ഴ്ച ന​ട​ക്കു​മെ​ന്ന് യു.​എ​ൻ വ​ക്താ​വ് സ്റ്റെ​ഫാ​ൻ ഡു​ജാ​റി​ക് അ​റി​യി​ച്ചു.

ഗ​സ്സ​യി​ലെ ആ​ക്ര​മ​ണം അ​വ​സാ​നി​പ്പി​ക്കാ​ൻ അ​റ​ബ് രാ​ജ്യ​ങ്ങ​ളും സ​മ്മ​ർ​ദം ശ​ക്ത​മാ​ക്കി​യി​ട്ടു​ണ്ട്. വെ​ടി​നി​ർ​ത്ത​ൽ ആ​വ​ശ്യ​പ്പെ​ട്ടു​ള്ള ക​ര​ട് പ്ര​മേ​യം ര​ക്ഷാ​സ​മി​തി അം​ഗ​രാ​ജ്യ​മാ​യ യു.​എ.​ഇ ബു​ധ​നാ​ഴ്ച മ​റ്റു അം​ഗ​രാ​ജ്യ​ങ്ങ​ൾ​ക്ക് അ​യ​ച്ചി​രു​ന്നു. അ​റ​ബ് മ​ന്ത്രി​ത​ല സം​ഘ​വും ഓ​ർ​ഗ​നൈ​സേ​ഷ​ൻ ഓ​ഫ് ഇ​സ്‍ലാ​മി​ക് കോ​ഓ​പ​റേ​ഷ​ൻ (ഒ.​ഐ.​സി) പ്ര​തി​നി​ധി​ക​ളും വ്യാ​ഴാ​ഴ്ച അ​മേ​രി​ക്ക​യി​ലെ​ത്തി.

അ​മേ​രി​ക്ക​ൻ പ്ര​സി​ഡ​ന്റ് ജോ ​ബൈ​ഡ​ൻ ഉ​ൾ​പ്പെ​ടെ​യു​ള്ള​വ​രു​മാ​യി സം​ഘം കൂ​ടി​ക്കാ​ഴ്ച ന​ട​ത്താ​ൻ സാ​ധ്യ​ത​യു​ണ്ട്. ഗ​സ്സ ആ​ക്ര​മ​ണ​ത്തി​ൽ ഇ​സ്രാ​യേ​ലി​ന് പൂ​ർ​ണ പി​ന്തു​ണ ന​ൽ​കു​ക​യും വെ​ടി​നി​ർ​ത്ത​ലി​നെ എ​തി​ർ​ക്കു​ക​യും ചെ​യ്യു​ന്ന അ​മേ​രി​ക്ക​ക്ക് യു.​എ​ൻ ര​ക്ഷാ​സ​മി​തി​യി​ൽ വീ​റ്റോ അ​ധി​കാ​ര​മു​ണ്ട്. ര​ക്ഷാ​സ​മി​തി പ്ര​മേ​യം പാ​സാ​ക്കു​ന്ന​തു​കൊ​ണ്ട് പ്ര​ത്യേ​കി​ച്ചൊ​ന്നും സം​ഭ​വി​ക്കാ​നി​ല്ലെ​ന്ന് ഐ​ക്യ​രാ​ഷ്ട്ര​സ​ഭ​യി​ലെ യു.​എ​സ് ഉ​പ​സ്ഥാ​ന​പ​തി റോ​ബ​ർ​ട്ട് വു​ഡ് അ​ഭി​​പ്രാ​യ​പ്ര​ക​ട​നം ന​ട​ത്തു​ക​യും ചെ​യ്തു.

അ​തേ​സ​മ​യം, പ്ര​ത്യേ​കാ​ധി​കാ​രം പ്ര​യോ​ഗി​ച്ച സെ​ക്ര​ട്ട​റി ജ​ന​റ​ലി​ന്റെ ന​ട​പ​ടി​ക്കെ​തി​രെ യു.​എ​ന്നി​ലെ ഇ​സ്രാ​യേ​ൽ സ്ഥാ​ന​പ​തി ജി​ലാ​ദ് എ​ർ​ദാ​ൻ രം​ഗ​ത്തെ​ത്തി. ഇ​സ്രാ​യേ​ലി​നെ​തി​രെ പ​ക്ഷ​പാ​ത​പ​ര​മാ​യാ​ണ് ഗു​ട്ട​റ​സ് പെ​രു​മാ​റു​ന്ന​തെ​ന്ന് കു​റ്റ​പ്പെ​ടു​ത്തി​യ അ​ദ്ദേ​ഹം വെ​ടി​നി​ർ​ത്ത​ലി​നു​ള്ള ആ​ഹ്വാ​നം ഹ​മാ​സി​നെ സ​ഹാ​യി​ക്കാ​നാ​ണെ​ന്നും ആ​രോ​പ​ണം ഉ​ന്ന​യി​ച്ചു. ഗു​ട്ട​റ​സ് പ​ദ​വി​യി​ൽ തു​ട​രു​ന്ന​ത് ലോ​ക​സ​മാ​ധാ​ന​ത്തി​ന് ഭീ​ഷ​ണി​യാ​ണെ​ന്നും അ​ദ്ദേ​ഹം പ​റ​ഞ്ഞു.