ഉ​റൂ​ഖ്​ ബ​നീ മ​ആ​രി​ദ്​’ സം​ര​ക്ഷി​ത​പ്ര​ദേ​ശം യു​നെ​സ്​​കോ പൈ​തൃ​ക​പ​ട്ടി​ക​യി​ൽ

ജി​ദ്ദ: യു​നെ​സ്കോ ലോ​ക​പൈ​തൃ​ക പ​ട്ടി​ക​യി​ൽ സൗ​ദി അ​റേ​ബ്യ​യി​ലെ റു​ബ്​​അ്​ ഖാ​ലി മ​രു​ഭൂ​മി​യു​ടെ പ​ടി​ഞ്ഞാ​റ്​ ഭാ​ഗ​ത്തെ ‘ഉ​റൂ​ഖ് ബ​നീ മ​ആ​രി​ദ്’ സം​ര​ക്ഷി​ത​പ്ര​ദേ​ശം ഇ​ടം​നേ​ടി. സാം​സ്​​കാ​രി​ക മ​ന്ത്രി​യും ഹെ​റി​റ്റേ​ജ് അ​തോ​റി​റ്റി ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​നു​മാ​യ അ​മീ​ർ ബ​ദ​ർ ബി​ൻ അ​ബ്​​ദു​ല്ല ബി​ൻ ഫ​ർ​ഹാ​നാ​ണ്​ ഇ​തു​സം​ബ​ന്ധി​ച്ച പ്ര​ഖ്യാ​പ​നം ന​ട​ത്തി​യ​ത്. ഈ ​മാ​സം 10 മു​ത​ൽ 25 വ​രെ​യു​ള്ള കാ​ല​യ​ള​വി​ൽ റി​യാ​ദ് ആ​തി​ഥേ​യ​ത്വം വ​ഹി​ക്കു​ന്ന വേ​ൾ​ഡ് ഹെ​റി​റ്റേ​ജ് ക​മ്മി​റ്റി​യു​ടെ 45ാം വാ​ർ​ഷി​ക സെ​ഷ​നി​ലാ​ണ് ഉ​റൂ​ഖ്​ ബ​നീ മ​ആ​രി​ദ്​ സം​ര​ക്ഷി​ത പ്ര​ദേ​ശം പൈ​തൃ​ക​പ​ട്ടി​ക​യി​ൽ ര​ജി​സ്​​റ്റ​ർ ചെ​യ്യാ​നു​ള്ള തീ​രു​മാ​ന​മെ​ടു​ത്ത​ത്.

ഇ​തോ​ടെ സൗ​ദി​യി​ൽ യു​​നെ​സ്​​കോ പൈ​തൃ​ക​പ​ട്ടി​ക​യി​ൽ ഉ​ൾ​പ്പെ​ട്ട സ്ഥ​ല​ങ്ങ​ളു​ടെ എ​ണ്ണം ഏ​ഴാ​യി. അ​ൽ​അ​ഹ്സ മ​രു​പ്പ​ച്ച, ദ​റ​ഇ​യ​യി​ലെ അ​ൽ​തു​റൈ​ഫ്, അ​ൽ​ഹി​ജ്ർ പു​രാ​വ​സ്തു​കേ​ന്ദ്രം, ഹി​മ സാം​സ്കാ​രി​ക മേ​ഖ​ല, ജി​ദ്ദ ച​രി​ത്ര​മേ​ഖ​ല, ഹാ​ഇ​ലി​ലെ ശി​ലാ​ലി​ഖി​ത​ങ്ങ​ൾ​ എ​ന്നി​വ​യാ​ണ്​ നേ​ര​ത്തേ പ​ട്ടി​ക​യി​ൽ ഇ​ടം​പി​ടി​ച്ച സ്ഥ​ല​ങ്ങ​ൾ.

യു​നെ​സ്കോ ലോ​ക​പൈ​തൃ​ക പ​ട്ടി​ക​യി​ൽ ഉ​റൂ​ഖ് ബ​നീ മ​ആ​രി​ദ് സം​ര​ക്ഷി​ത​പ്ര​ദേ​ശം ര​ജി​സ്​​റ്റ​ർ ചെ​യ്യാ​നാ​യ​ത്​ സൗ​ദി അ​റേ​ബ്യ​യു​ടെ വി​ജ​യ​മാ​ണെ​ന്ന്​ സാം​സ്​​കാ​രി​ക മ​ന്ത്രി പ​റ​ഞ്ഞു. രാ​ജ്യ​ത്തെ ആ​ദ്യ​ത്തെ പ്ര​കൃ​തി​ദ​ത്ത ലോ​ക പൈ​തൃ​ക സ്ഥ​ല​മെ​ന്ന നി​ല​യി​ലാ​ണി​ത്. പ്ര​കൃ​തി​ദ​ത്ത ആ​വാ​സ​വ്യ​വ​സ്ഥ​ക​ളെ സം​ര​ക്ഷി​ക്കു​ന്ന​തി​നും അ​തി​െൻറ സാം​സ്കാ​രി​ക പൈ​തൃ​ക​ത്തി​ൽ ശ്ര​ദ്ധ ചെ​ലു​ത്തു​ന്ന​തി​നു​മു​ള്ള രാ​ജ്യ​ത്തി​െൻറ തു​ട​ർ​ച്ച​യാ​യ ശ്ര​മ​ങ്ങ​ളു​ടെ വി​പു​ലീ​ക​ര​ണ​മാ​ണി​തെ​ന്നും മ​ന്ത്രി സൂ​ചി​പ്പി​ച്ചു.

യു​നെ​സ്കോ​യു​ടെ ലോ​ക​പൈ​തൃ​ക പ​ട്ടി​ക​യി​ൽ ആ​ദ്യ​ത്തെ പ്ര​കൃ​തി പൈ​തൃ​ക സ്ഥ​ല​മാ​യി ഉ​റൂ​ഖ്​ ബ​നീ മ​ആ​രി​ദ്​ മാ​റി. ആ​ഗോ​ള​പൈ​തൃ​ക ഭൂ​പ​ട​ത്തി​ൽ പ്ര​കൃ​തി പൈ​തൃ​ക​ത്തി​െൻറ പ്രാ​ധാ​ന്യം എ​ടു​ത്തു​കാ​ണി​ക്കാ​ൻ ഇ​ത് ഉ​പ​ക​രി​ക്കും. ഇ​ത് ക​രു​ത​ൽ ധ​ന​ത്തി​െൻറ മി​ക​ച്ച മൂ​ല്യ​ത്തെ പ്ര​തി​ഫ​ലി​പ്പി​ക്കു​ന്നു​വെ​ന്നും മ​ന്ത്രി പ​റ​ഞ്ഞു. രാ​ജ്യ​ത്തി​െൻറ സം​സ്കാ​ര​വും പൈ​തൃ​ക​വും സം​ര​ക്ഷി​ക്കു​ന്ന​തി​നും ആ​സ്വ​ദി​ക്കു​ന്ന​തി​നും ന​ൽ​കി​വ​രു​ന്ന പ​രി​ധി​യി​ല്ലാ​ത്ത ഭ​ര​ണ​കൂ​ട പി​ന്തു​ണ​യെ മ​ന്ത്രി അ​ഭി​ന​ന്ദി​ച്ചു. അ​തി​െൻറ ഫ​ല​മാ​ണ്​ ഇൗ ​സു​പ്ര​ധാ​ന അ​ന്താ​രാ​ഷ്​​ട്ര ര​ജി​സ്​​ട്രേ​ഷ​ൻ.

ഇ​ത്​ രാ​ജ്യ​ത്തെ വി​വി​ധ പ്ര​ദേ​ശ​ങ്ങ​ളി​ലെ ത​ന​താ​യ പൈ​തൃ​ക​ത്തെ​യും പ്ര​കൃ​തി വൈ​വി​ധ്യ​ത്തെ​യും പ്ര​തി​ഫ​ലി​പ്പി​ക്കു​ന്നു. ‘വി​ഷ​ൻ 2030’ അ​ടി​സ്ഥാ​ന​മാ​ക്കി പ്ര​കൃ​തി പൈ​തൃ​കം സം​ര​ക്ഷി​ക്കു​ന്ന​തി​നും സു​സ്ഥി​ര​മാ​യ രീ​തി​യി​ൽ വി​ക​സി​പ്പി​ക്കു​ന്ന​തി​നു​മു​ള്ള രാ​ജ്യ​ത്തി​െൻറ പ്ര​തി​ബ​ദ്ധ​ത സ്ഥി​രീ​ക​രി​ക്കു​ന്നു​വെ​ന്നും മ​ന്ത്രി പ​റ​ഞ്ഞു. ഈ ​നേ​ട്ടം നേ​ടി​യെ​ടു​ക്കു​ന്ന​തി​ന് പി​ന്തു​ണ ന​ൽ​കി​യ സം​യു​ക്ത ദേ​ശീ​യ ശ്ര​മ​ങ്ങ​ളെ​യും മ​ന്ത്രി പ്ര​ശം​സി​ച്ചു.

12,750 ച​തു​ര​ശ്ര കി​ലോ​മീ​റ്റ​റി​ല​ധി​കം വി​സ്തൃ​തി​യി​ൽ റു​ബ്​​അ്​ ഖാ​ലി​യു​ടെ പ​ടി​ഞ്ഞാ​റ്​ ഭാ​ഗ​ത്താ​ണ്​ ഉ​റൂ​ഖ്​ ബ​നീ മ​ആ​രി​ബ്​ സം​ര​ക്ഷി​ത പ്ര​ദേ​ശം സ്ഥി​തി​ചെ​യ്യു​ന്ന​ത്. ഏ​ഷ്യ​യി​ലെ വി​ശാ​ല​മാ​യ ഏ​ക മ​ണ​ൽ മ​രു​ഭൂ​മി​യാ​ണി​ത്. സു​പ്ര​ധാ​ന​മാ​യ പ്ര​കൃ​തി​ദ​ത്ത ആ​വാ​സ വ്യ​വ​സ്ഥ​ക​ൾ പ്ര​ദാ​നം ചെ​യ്യു​ന്ന ആ​വാ​സ​വ്യ​വ​സ്ഥ​യു​ടെ വൈ​വി​ധ്യ​മാ​ണ് അ​തി​െൻറ സ​വി​ശേ​ഷ​ത. സ​സ്യ-​ജ​ന്തു​ജാ​ല​ങ്ങ​ളു​ടെ പാ​രി​സ്ഥി​തി​ക​വും ജൈ​വ​പ​ര​വു​മാ​യ പ​രി​ണാ​മ​ത്തി​െൻറ അ​സാ​ധാ​ര​ണ​മാ​യ ശേ​ഷി​പ്പാ​ണ്​ ഈ ​സ്ഥ​ലം. 120ല​ധി​കം ഇ​നം കാ​ട്ടു​ചെ​ടി​ക​ൾ ഇ​വി​ടെ​യു​ണ്ട്. വം​ശ​നാ​ശ​ഭീ​ഷ​ണി നേ​രി​ടു​ന്ന നി​ര​വ​ധി വ​ന്യ​ജീ​വി​ക​ളു​മു​ണ്ട്.