അമേരിക്ക റഷ്യയിൽ നിന്ന്​ വെൻറിലേറ്ററുകൾ വാങ്ങും

വാഷിങ്​ടൺ: കോവിഡ്​ ബാധിതരെ ചികിത്സിക്കാൻ അമേരിക്ക റഷ്യയിൽനിന്ന്​ വ​െൻറിലേറ്ററുകളും മെഡിക്കൽ ഉപകരണങ്ങളും വാങ്ങുന്നു. അമേരിക്കൻ പ്രസിഡൻറ്​ ഡോണാൾഡ് ട്രംപും റഷ്യൻ പ്രസിഡൻറ്​ വ്​ളാദിമിർ പുടിനും തമ്മിലുള്ള ടെലിഫോൺ സംഭ ാഷണത്തിന് ശേഷമാണ് ഈ നീക്കം.

കൊറോണ നിയന്ത്രിച്ചില്ലെങ്കിൽ രണ്ടാഴ്​ചക്കകം അമേരിക്കയിൽ രണ്ട് ലക്ഷത്തോളം പേർ മരണപ്പെടുമെന്ന്​ വൈറ്റ് ഹൗസ് മുന്നറിയിപ്പ് നൽകിയിരുന്നു. ഈ സാഹചര്യത്തിലാണ്​ അടിയന്തര സ്വഭാവത്തിൽ വ​െൻറിലേറ്ററുകളും മറ്റും വാങ്ങുന്നത്​. മാർച്ച് 30നാണ്​ ഇരുരാജ്യത്തി​​െൻറയും പ്രസിഡൻറുമാർ തമ്മിൽ സംസാരിച്ചത്​.

“ലോകം പ്രതിസന്ധി നേരിടു​േമ്പാഴെല്ലാം മാനുഷിക സഹായവുമായി യു.എസ്​ എത്താറുണ്ട്​. എന്നാൽ, കോവിഡിനെ നേരിടാൻ ഞങ്ങൾക്ക് തനിച്ച്​ കഴിയില്ല. റഷ്യയിൽ നിന്ന് മെഡിക്കൽ ഉപകരണങ്ങൾ വാങ്ങാൻ അമേരിക്ക സമ്മതിച്ചിട്ടുണ്ട്. അവ ഏപ്രിൽ ഒന്നിന് ഫെമക്ക്​ (ഫെഡറൽ എമർജൻസി മാനേജ്‌മെന്റ് ഏജൻസി) കൈമാറി’’ യു.എസ്​ വക്താവ് മോർഗൻ ഒർടാഗസ് പറഞ്ഞു.

മുൻപും പ്രതിസന്ധി ഘട്ടങ്ങളിൽ ഇരുരാജ്യങ്ങളും പരസ്പരം സഹായിച്ചിട്ടുണ്ട്​. ഭാവിയിലും ഇത്​ തുടരും. എല്ലാവരുടെയും ജീവൻ അപകടപ്പെടുത്തുന്ന പൊതു ശത്രുവിനെ മറികടക്കാൻ ഒരുമിച്ച് പ്രവർത്തിക്കേണ്ട സമയമാണിത് -അവർ കൂട്ടിച്ചേർത്തു.