തോക്ക് നിയന്ത്രണ ബിൽ പാസാക്കി യു.എസ് പ്രതിനിധിസഭ

വാ​ഷി​ങ്ട​ൺ: രാ​ജ്യ​ത്ത് കൂ​ട്ട​വെ​ടി​വെ​പ്പു​ക​ൾ തു​ട​രു​ന്ന സാ​ഹ​ച​ര്യ​ത്തി​ൽ തോ​ക്ക് നി​യ​ന്ത്ര​ണ ബി​ല്ലി​ന് അ​മേ​രി​ക്ക​ൻ കോ​ൺ​ഗ്ര​സി​ലെ പ്ര​തി​നി​ധി സ​ഭ അം​ഗീ​കാ​രം ന​ൽ​കി. സെ​മി ഓ​ട്ടോ​മാ​റ്റി​ക് തോ​ക്കു​ക​ൾ വാ​ങ്ങാ​നു​ള്ള പ്രാ​യ​പ​രി​ധി ഉ​യ​ർ​ത്താ​നു​ള്ള നി​ർ​ദേ​ശ​മാ​ണ് ബി​ല്ലി​ലു​ള്ള​ത്.

15 റൗ​ണ്ടി​ലേ​റെ ​പ്ര​വ​ർ​ത്ത​ന​ശേ​ഷി​യു​ള്ള വെ​ടി​ക്കോ​പ്പു​ക​ളു​ടെ വി​ൽ​പ​ന നി​രോ​ധി​ക്കാ​നും നി​ർ​ദേ​ശ​മു​ണ്ട്. ​പ്ര​തി​നി​ധി​സ​ഭ​യി​ൽ ഡെ​മോ​ക്രാ​റ്റു​ക​ൾ​ക്കാ​ണ് ഭൂ​രി​പ​ക്ഷം. എ​ന്നാ​ൽ റി​പ്പ​ബ്ലി​ക്ക​ൻ പാ​ർ​ട്ടി​ക്ക് മു​ൻ​തൂ​ക്ക​മു​ള്ള സെ​ന​റ്റ് അം​ഗീ​കാ​രം ന​ൽ​കാ​ൻ സാ​ധ്യ​ത​യി​ല്ലാ​ത്ത​തി​നാ​ൽ പ്ര​തി​നി​ധി​സ​ഭ ക​ട​ന്ന ബി​ൽ നി​യ​മ​മാ​കാ​ൻ അ​തി​വി​ദൂ​ര സാ​ധ്യ​ത മാ​ത്ര​മാ​ണു​ള്ള​ത്.

മാ​ന​സി​കാ​രോ​ഗ്യം മെ​ച്ച​പ്പെ​ടു​ത്താ​നു​ള്ള പ​ദ്ധ​തി​ക​ൾ, വി​ദ്യാ​ല​യ​ങ്ങ​ളി​​ലെ സു​ര​ക്ഷ വ​ർ​ധി​പ്പി​ക്കു​ക തു​ട​ങ്ങി​യ പ​രി​ഹാ​ര​മാ​ർ​ഗ​ങ്ങ​ളി​ലാ​ണ് സെ​ന​റ്റി​ൽ ച​ർ​ച്ച​ക​ൾ ന​ട​ക്കു​ന്ന​ത്. അ​ടു​ത്തി​ടെ യു.​എ​സി​ൽ ബ​ഫ​ലോ, ഉ​വാ​ൾ​ഡെ തു​ട​ങ്ങി​യ സ്ഥ​ല​ങ്ങ​ളി​ൽ ന​ട​ന്ന വെ​ടി​വെ​പ്പു​ക​ളി​ൽ നി​ര​വ​ധി പേ​ർ കൊ​ല്ല​പ്പെ​ട്ടി​രു​ന്നു. തോ​ക്കു​പ​യോ​ഗം നി​യ​ന്ത്രി​ക്കു​ന്ന റെ​ഡ് ഫ്ലാ​ഗ് നി​യ​മ​ങ്ങ​ൾ നി​ല​വി​ൽ 19 സം​സ്ഥാ​ന​ങ്ങ​ളി​ൽ പ്രാ​ബ​ല്യ​ത്തി​ലു​ണ്ട്.