ഒരു 'മുസ്​ലിം വിലക്ക്'​ കൂടി തള്ളി യു.എസ്​ ​പ്രതിനിധി സഭ; മതത്തിന്‍റെ പേരിൽ പ്രസിഡന്‍റുമാർക്ക്​ പ്രവേശന വിലക്ക്​ ഏർപെടുത്താനാകില്ല

വാഷിങ്​ടൺ: ട്രംപ്​ നടപ്പാക്കിയ കടുത്ത മുസ്​ലിം വിരുദ്ധ നിയമങ്ങൾ വേണ്ടെന്നുവെച്ച്​ അമേരിക്കൻ സഭ. മതം അടിസ്​ഥാനമാക്കി രാജ്യ​േ​ത്തക്ക്​ പ്രവേശന വിലക്ക്​ നടപ്പാക്കാൻ അനുമതി നൽകുന്ന നിയമമാണ്​ അവസാനമായി യു.എസ്​ പ്രതിനിധി സഭ റദ്ദാക്കിയത്​.

മുസ്​ലിം ഭൂരിപക്ഷമുള്ള നിരവധി രാജ്യങ്ങളിൽനിന്ന്​ യു.എസിലേക്ക്​ പ്രവേശനം മുൻ പ്രസിഡന്‍റ്​ ഡോണൾഡ്​ ട്രംപ്​ വിലക്കിയിരുന്നു. ഇതോടെ, ഈ രാജ്യങ്ങളിൽനിന്ന്​ കുടിയേറിയ നിരവധി കുടുംബങ്ങളാണ്​ പ്രതിസന്ധിയിലായത്​. അവധിക്ക്​ നാട്ടിലേക്ക്​ കുടുംബാംഗങ്ങൾ പോയി തിരിച്ചുവരുന്നതുൾപെടെ വിലക്കിന്‍റെ പരിധിയിൽവന്നു. മുസ്​ലിംകൾക്കും ആഫ്രിക്കക്കാർക്കുമെതിരെ അക്രമ സംഭവങ്ങൾ വർധിക്കാനും രണമായി. ആരോഗ്യ സേവനം നിരസിക്കപ്പെട്ടും പരിപാടികളിൽ പ​െങ്കടുക്കാൻ വിലക്കുവീണും നിയമം വംശീവാദികൾ ഏറ്റെടുക്കുകയും ചെയ്​തു.

ഈ സാഹചര്യത്തിലാണ്​ 'വിലക്കില്ലാ നിയമം' 218-208ന്​ പ്രതിനിധി സഭ പാസാക്കിയത്​. സെനറ്റ്​ കൂടി കടന്നാലേ നിയമമാകൂ.

ട്രംപ്​ നടപ്പാക്കിയ യാത്ര വിലക്ക്​ നേരത്തെ പ്രസിഡന്‍റ്​ ജോ ബൈഡൻ ജനുവരി 20ന്​ റദ്ദാക്കിയിരുന്നു. അധികാരമേ​റിയ ആദ്യ ദിവസത്തെ ഉത്തരവുകളിലൊന്നായിരുന്നു അത്​. 2017ൽ അധികാരമേറി ഏറെ വൈകുംമുമ്പാണ്​ ട്രംപ്​ വിലക്ക്​ നടപ്പാക്കിയിരുന്നത്​. രണ്ടു വട്ടം യു.എസ്​ കോടതികൾ തള്ളിയിട്ടും ദേശീയ സുരക്ഷ നടപടിയെന്നു കാണിച്ച്​ സുപ്രീം കോടതിയിൽനിന്ന്​ അന്തിമ അംഗീകാരം നേടിയെടുക്കുകയായിരുന്നു.

സിറിയ, ഇറാൻ, യെമൻ, സൊമാലിയ, ലിബിയ രാജ്യങ്ങൾക്കാണ്​ വിലക്കേർപെടുത്തിയിരുന്നത്​. ഉത്തര കൊറിയ, വെനസ്വേല, മ്യാന്മർ, എരിത്രിയ, കിർഗിസ്​താൻ, നൈജീരിയ, സുഡാൻ, ടാൻസാനിയ രാജ്യങ്ങളെ കൂടി ഘട്ടംഘട്ടമായി വിലക്കി.