ബാങ്ക്​ കുത്തിത്തുറന്ന കള്ളൻ സാനിറ്റൈസറും എടുത്ത്​ ഒാടി രക്ഷപ്പെട്ടു; കോവിഡ്​ കാലത്ത്​ വ്യത്യസ്​തമായൊരു മോഷണം

പുലർച്ചെ ലഭിച്ച വിചിത്രമായ ഒരു ഫോൺ കോളാണ്​ പൊലീസുകാരെ ഉണർത്തിയത്​. ബാങ്കി​െൻറ ചില്ല്​ വാതിൽ കുത്തിത്തുറന്ന കള്ളൻ അവരിടെ വച്ചിരുന്ന ഹാൻഡ്​ സാനിറ്റൈസറും എടുത്ത്​ ഒാടി രക്ഷപ്പെട്ടതായാണ്​ പൊലീസിന്​ വിവരം ലഭിച്ചത്​.

അമേരിക്കയിലെ അയോവ നഗരത്തിലാണ്​ സംഭവം. മോഷണം നടത്തിയത്​ 39 കാരനായ മാർക്​ ഗ്രേയാണെന്ന്​ പിന്നീട്​ മനസിലായി. ഇയൾക്കെതിരെ മോഷണക്കുറ്റത്തിന്​ പൊലീസ്​ കേസെടുത്തിട്ടുണ്ട്​. നഗരത്തിൽ അതേ രാത്രി മറ്റ്​ രണ്ട്​ മോഷണ ശ്രമങ്ങൾ നടന്നതായും രണ്ടിലും ഗ്രേയാണ്​ പ്രതിയെന്നും ​സൂചനയുണ്ട്​.

ആദ്യം കവർച്ച ശ്രമം നടന്നത്​ ഒരു കൗൺസലിങ്ങ്​ സെൻററിലാണ്​. അവിടെ നിന്ന്​ ഒന്നും നഷ്​ടപ്പെട്ടിട്ടില്ല. രണ്ടാമത്​ പ്രദേശത്തെ ഒരു ഭക്ഷണശാലയിലും മോഷ്​ടാവ്​ കയറി. കവർച്ച ശ്രമം നടന്ന മൂന്നിടത്തും മുന്നിലെ ഗ്ലാസ്​ വാതിലുകൾ തകർക്കാൻ മാത്രമെ കഴിഞ്ഞുള്ളു. അവസാനം ബാങ്കിൽ നിന്നുള്ള സാനിറ്റൈസറും എടുത്ത്​ ഇയാൾ രക്ഷപ്പെടുകയായിരുന്നു. ​