യു.എസ് ഇടക്കാല തെരഞ്ഞെടുപ്പിൽ ഇഞ്ചോടിഞ്ച് പോരാട്ടം

ന്യൂ​യോ​ർ​ക്: ഡോ​ണ​ൾ​ഡ് ട്രം​പി​നെ തോ​ൽ​പി​ച്ച് ഡെ​മോ​ക്രാ​റ്റ് നേതാവ്​ ജോ ​ബൈ​ഡ​ൻ അ​ധി​കാ​ര​മേ​റ്റ​ശേ​ഷം ന​ട​ക്കു​ന്ന ആ​ദ്യ ദേ​ശീ​യ തെ​ര​ഞ്ഞെ​ടു​പ്പി​ൽ വോട്ടുരേഖപ്പെടുത്തി യു.​എ​സ് ജനത. ജ​ന​പ്ര​തി​നി​ധി സ​ഭ​യി​ലെ 435 സീ​റ്റു​ക​ളി​ലേ​ക്കും സെ​ന​റ്റി​ലെ 35 സീ​റ്റു​ക​ളി​ലേ​ക്കു​മാ​ണ് വോ​ട്ടെ​ടു​പ്പ്. സം​സ്ഥാ​ന​ങ്ങ​ളി​ലെ ഗ​വ​ർ​ണ​ർ തെ​ര​ഞ്ഞെ​ടു​പ്പും ഇ​തോ​ടൊ​പ്പം ന​ട​ക്കു​ക​യാ​ണ്.

നേ​രി​ട്ടോ മെ​യി​ൽ വ​ഴി​യോ നേ​ര​ത്തെ​ത​ന്നെ വോ​ട്ടു രേ​ഖ​പ്പെ​ടു​ത്താ​നു​ള്ള സൗ​ക​ര്യം മി​ക്ക സം​സ്ഥാ​ന​ങ്ങ​ളി​ലു​മു​ണ്ട്. ഓ​രോ സം​സ്ഥാ​ന​ത്തി​നും ര​ണ്ടു​വീ​തം സെ​ന​റ്റ​ർ​മാ​രു​ണ്ടാ​കും. ഇ​വ​രു​ടെ കാ​ലാ​വ​ധി ആ​റു​വ​ർ​ഷ​മാ​ണ്. ജ​ന​പ്ര​തി​നി​ധി​ക​ൾ ര​ണ്ടു​വ​ർ​ഷ​മാ​ണ് ഒ​രു പ്ര​ദേ​ശ​ത്തെ പ്ര​തി​നി​ധാ​നം​ചെ​യ്യു​ക. ജ​ന​പ്ര​തി​നി​ധി സ​ഭ​യി​ലെ 30 സീ​റ്റു​ക​ളി​ൽ മാ​ത്ര​മാ​ണ് എ​ങ്ങോ​ട്ട് മ​റി​യും എ​ന്ന കാ​ര്യ​ത്തി​ൽ സം​ശ​യ​മു​ള്ള​തെ​ന്ന് ബി.​ബി.​സി പ​റ​യു​ന്നു.

ഇ​ട​ക്കാ​ല തെ​ര​ഞ്ഞെ​ടു​പ്പ് പ്ര​ചാ​ര​ണത്തിന്റെ അ​വ​സാ​ന ഘ​ട്ട​ത്തി​ലുടനീളം കോ​ൺ​ഗ്ര​സി​ൽ നേ​ട്ട​മു​ണ്ടാ​ക്കാ​മെ​ന്ന പ്ര​തീ​ക്ഷ​ റി​പ്പ​ബ്ലി​ക്ക​ൻ പാ​ർ​ട്ടി പ്രകടിപ്പിച്ചു. എ​ന്നാ​ൽ, വി​ജ​യം ആ​വ​ർ​ത്തി​ക്കു​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് പ്ര​സി​ഡ​ന്റ് ജോ ​ബൈ​ഡ​ൻ. റി​പ്പ​ബ്ലി​ക്ക​ന്മാ​രു​ടെ വി​ജ​യം രാ​ജ്യ​ത്തെ പി​റ​കോ​ട്ട​ടി​പ്പി​ക്കു​മെ​ന്നാ​ണ് ഡെ​മോ​ക്രാ​റ്റു​ക​ളു​ടെ വാ​ദം. രാ​ജ്യ​വ്യാ​പ​ക​മാ​യി ഗ​ർ​ഭ​ച്ഛി​ദ്ര നി​യ​മം ഇ​ല്ലാ​താ​ക്കാ​നും ജ​നാ​ധി​പ​ത്യ​ത്തെ ക​ശാ​പ്പു​ചെ​യ്യാ​നും ശ്ര​മ​മു​ണ്ടാ​കു​മെ​ന്നും ആ​രോ​പി​ക്കു​ന്നു.

ബൈ​ഡ​ന്റെ ഭ​ര​ണ​ത്തി​ൽ ജ​നം പൊ​റു​​തി​മു​ട്ടി​യെ​ന്നാ​ണ് എ​തി​ർ​പ​ക്ഷം പ​റ​യു​ന്ന​ത്. വി​ല​ക്ക​യ​റ്റം നി​യ​ന്ത്ര​ണാ​തീ​ത​മാ​യി. കു​റ്റ​കൃ​ത്യ​ങ്ങ​ൾ കൂ​ടി-​റി​പ്പ​ബ്ലി​ക്ക​ൻ പ​ക്ഷം ആ​രോ​പി​ച്ചു.

ജ​നാ​ധി​പ​ത്യ​ത്തെ പ്ര​തി​രോ​ധി​ക്കേ​ണ്ട നി​ർ​ണാ​യ​ക സ​ന്ദ​ർ​ഭ​മാ​ണി​തെ​ന്ന് പ്ര​സി​ഡ​ന്റ് ജോ ​ബൈ​ഡ​ൻ പ​റ​ഞ്ഞു. മേ​രി​ലാ​ൻ​ഡി​ലെ യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ജ​ന​പ്ര​തി​നി​ധി സ​ഭ​യി​ലും സെനറ്റിലും റി​പ്പ​ബ്ലി​ക്ക​ൻ ക​ക്ഷിക്ക് ഭൂ​രി​പ​ക്ഷം ല​ഭി​ക്കാ​ൻ വഴിയൊരുങ്ങിയാൽ അ​ടു​ത്ത ര​ണ്ടു​വ​ർ​ഷം ഡെ​മോ​ക്രാ​റ്റു​ക​ൾ​ക്കും ബൈ​ഡ​നും അ​ത് വ​ലി​യ ത​ല​വേ​ദ​ന​യാ​കും.

ബൈ​ഡ​ൻ ഭ​ര​ണ​കൂ​ടം ജു​ഡീ​ഷ്യ​ൽ, ഭ​ര​ണ​ത​ല​ത്തി​ലേ​ക്ക് മു​ന്നോ​ട്ടു​വെ​ക്കു​ന്ന ആ​ളു​ക​ളെ വെ​ട്ടാ​ൻ സെ​ന​റ്റി​ലെ ഭൂ​രി​പ​ക്ഷം വ​ഴി റി​പ്പ​ബ്ലി​ക്ക​ൻ ക​ക്ഷി​ക്ക് സാ​ധി​ക്കും.

2024ലെ ​തെ​ര​ഞ്ഞെ​ടു​പ്പി​ൽ ട്രം​പ് വീ​ണ്ടും മ​ത്സ​രി​ക്കു​മെ​ന്നാ​ണ് അ​ഭ്യൂ​ഹം. ഒ​ഹാ​യോ​യി​ലെ റാ​ലി​യി​ൽ സം​സാ​രി​ക്ക​വേ, ​​ഫ്ലോ​റി​ഡ​യി​ലെ തെ​ര​ഞ്ഞെ​ടു​പ്പി​നു​ശേ​ഷം ന​വം​ബ​ർ 15ന് ​ഇ​തു​സം​ബ​ന്ധി​ച്ച പ്ര​ഖ്യാ​പ​ന​മു​ണ്ടാ​കു​മെ​ന്ന് ട്രം​പ് പ​റ​ഞ്ഞു.

നി​ല​വി​ൽ 100 അം​ഗ യു.​എ​സ് സെ​ന​റ്റി​ൽ ഡെ​മോ​ക്രാ​റ്റു​ക​ൾ​ക്ക് 48 സീ​റ്റും റി​പ്പ​ബ്ലി​ക്ക​ൻ ക​ക്ഷി​ക്ക് 50 സീ​റ്റു​മാ​ണു​ള്ള​ത്. ര​ണ്ടു​പേ​ർ സ്വ​ത​ന്ത്ര​രാ​ണ്.

ജ​ന​പ്ര​തി​നി​ധി സ​ഭ​യി​ൽ ഡെ​മോ​ക്രാ​റ്റു​ക​ൾ​ക്ക് 220 സീ​റ്റും റി​പ്പ​ബ്ലി​ക്ക​ൻ ക​ക്ഷി​ക്ക് 212 സീ​റ്റു​മു​ണ്ട്. മൂ​ന്ന് സീ​റ്റു​ക​ൾ ഒ​ഴി​ഞ്ഞു​കി​ട​ക്കു​ക​യാ​ണ്.

അ​ടി​സ്ഥാ​ന സൗ​ക​ര്യ വി​ക​സ​നം, മ​ലി​നീ​ക​ര​ണ​മു​ണ്ടാ​ക്കാ​ത്ത ഊ​ർ​ജ മേ​ഖ​ല തു​ട​ങ്ങി വി​വി​ധ വാ​ഗ്ദാ​ന​ങ്ങ​ൾ ന​ൽ​കി​യാ​ണ് ബൈ​ഡ​ൻ അ​ധി​കാ​ര​മേ​റി​യ​തെ​ങ്കി​ലും അ​ദ്ദേ​ഹ​ത്തി​ന്റെ നേ​തൃ​ത്വ​ത്തി​ൽ ഇ​പ്പോ​ൾ ജ​ന​ങ്ങ​ൾ​ക്ക് വ​ലി​യ മ​തി​​പ്പി​ല്ലെ​ന്നാ​ണ് റി​പ്പോ​ർ​ട്ട്. 39 ശ​ത​മാ​നം പേ​ർ മാ​ത്ര​മാ​ണ് അ​ദ്ദേ​ഹ​ത്തി​ന്റെ ഭ​ര​ണ​മി​ക​വി​നെ അം​ഗീ​ക​രി​ക്കു​ന്ന​തെ​ന്നാ​ണ് ഇ​ട​ക്കാ​ല തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യു​ള്ള റോ​യി​ട്ടേ​ഴ്സ്/​ഇ​പ്സോ​സ് അ​ഭി​പ്രാ​യ വോ​ട്ടെ​ടു​പ്പ് വ്യ​ക്ത​മാ​ക്കു​ന്ന​ത്.

തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​രാ​ൻ ആ​ഴ്ച​ക​ളെ​ടു​ക്കു​മെ​ന്നാ​ണ് റി​പ്പോ​ർ​ട്ട്.