അയൽവാസിയുടെ ഹൃദയം ഉരുളകിഴ​ങ്ങ്​ ചേർത്ത്​ പാചകം ചെയ്​ത്​ ബന്ധുക്കൾക്ക്​​ ​നൽകി, ശേഷം അവരെയും കൊന്നു

വാഷിങ്​ടൺ: യു.എസിൽ കൊല്ലപ്പെട്ടയാളുടെ ഹൃദയം ഉരുളകിഴങ്ങും ചേർത്ത്​ പാചകം ചെയ്​ത്​ കൊലയാളി. പാചകം ചെയ്​ത ഹൃദയം സ്വന്തം കുടുംബത്തിന്​ നൽകിയശേഷം അവരെയും കൊന്നു. ഒകലഹോമയിലെ ലോറൻസ്​ പോൾ ആൻഡേഴ്​സനാണ്​ മൂന്നുപേരെ കൊലപ്പെടുത്തിയതെന്ന്​ പ്രാദേശിക മാധ്യമങ്ങൾ റി​േപ്പാർട്ട്​ ചെയ്​തു.

അയൽവാസിയെയാണ്​ ലോറൻസ്​ ആദ്യം കൊലപ്പെടുത്തിയത്​. ശേഷം ഇയാളുടെ ഹൃദയം പു​റത്തെടുത്ത്​ അമ്മാവന്‍റെ വീട്ടിലെത്തി. അവിടെവെച്ച്​ ഉരുളകിഴങ്ങും ചേർത്ത്​ പാചകം ​ചെയ്​ത്​ അമ്മാവനും ഭാര്യക്കും നൽകി.

ശേഷം കുടുംബത്തെ ഇയാൾ ആക്രമിക്കുകയായിരുന്നു. അമ്മാവനും നാലുവയസുകാരിയായ കൊച്ചുമകളും തൽക്ഷണം മരിച്ചു. ഗുരുതര പരിക്കേറ്റ അമ്മാവന്‍റെ ഭാര്യയെ ആശുപത്രിയിൽ പ്രവേശിപ്പിച്ചു. പിശാചുക്കളെ ഒഴിപ്പിക്കുന്നതിനായാണ്​ ഹൃദയം പാചകം ചെയ്​ത്​ കുടുംബത്തെക്കൊണ്ട്​ കഴിപ്പിച്ചതെന്ന്​ പറയുന്നു.

ഇതിനുമുമ്പും നിരവധി കേസുകളിൽ പ്രതിയായ ആൻഡേഴ്​സൺ പുറത്തെത്തിയതിന്​ ​ ശേഷമാണ്​ വീണ്ടും കൊലപാതക പരമ്പര. 2017ൽ മയക്കുമരുന്ന്​ കേസിൽ ഉൾപ്പെട്ട ഇയാൾക്ക്​ 20വർഷത്തെ ജയിൽശിക്ഷ വിധിച്ചിരുന്നു. പിന്നീട്​ ഒകലഹോമ ഗവർണർ ഇടപെട്ട്​ ശിക്ഷ കുറച്ച്​ നൽകുകയായിരുന്നു. ചൊവ്വാഴ്ച കോടതിയിൽ ഹാജരാക്കിയ ആൻഡേഴ്​സൺ കുറ്റം സമ്മതിച്ചു.