യുക്രെയ്ന് യുദ്ധവിമാനം നൽകാൻ തയാറായി പോളണ്ട്; എതിർത്ത് യു.എസ്, നാറ്റോ രാജ്യങ്ങൾക്ക് ആശങ്കയുണ്ടാക്കുമെന്ന്
text_fieldsവാഷിങ്ടൺ: യുക്രെയ്ന് മിഗ്-25 യുദ്ധവിമാനങ്ങൾ നൽകാനുള്ള പോളണ്ടിന്റെ തീരുമാനത്തിനെതിരെ അമേരിക്ക. റഷ്യൻ നിർമ്മിത മിഗ്-25 വിമാനങ്ങൾ ജർമ്മനിയിലെ യു.എസ് എയർബേസ് വഴി യുക്രെയ്നിലെത്തിക്കാനായിരുന്നു പോളണ്ട് പദ്ധതി. എന്നാൽ, ഇത് നാറ്റോ സഖ്യത്തിന് കടുത്ത ആശങ്കയുണ്ടാക്കുന്ന നടപടിയാണെന്നാണ് യു.എസ് വിശദീകരണം.
പെന്റഗൺ വക്താവ് ജോൺ കിർബിയാണ് ഇതുസംബന്ധിച്ച പ്രസ്താവന നടത്തിയത്. യു.എസ്-നാറ്റോ എയർബേസിൽ നിന്നും യുക്രെയ്നിലേക്ക് യുദ്ധവിമാനം പറക്കുന്നത് നാറ്റോ സഖ്യത്തിന് ഗുരുതര പ്രത്യാഘാതമുണ്ടാക്കുമെന്നാണ് യു.എസ് മുന്നറിയിപ്പ്. ഈ പ്രശ്നത്തെക്കുറിച്ച് പോളണ്ടുമായും മറ്റ് നാറ്റോ രാജ്യങ്ങളുമായും സംസാരിക്കുമെന്നും യു.എസ് അറിയിച്ചു.
പോളണ്ടിലെ യുദ്ധവിമാനങ്ങൾ യുക്രെയ്ന് നൽകണോയെന്നത് സംബന്ധിച്ച് അന്തിമ തീരുമാനമെടുക്കേണ്ടത് പോളിഷ് സർക്കാറാണെന്നും യു.എസ് വ്യക്തമാക്കിയിട്ടുണ്ട്. നേരത്തെ റഷ്യക്കെതിരായ പോരാട്ടത്തിൽ യുദ്ധവിമാനങ്ങൾ ഉൾപ്പടെ ആവശ്യമായി വരുമെന്ന് യുക്രെയ്ൻ വ്യക്തമാക്കിയിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.