യു.എസിലെ സ്​കൂളിൽ വെടിവെപ്പ്​; മൂന്നുപേർ കൊല്ലപ്പെട്ടു, എട്ടുപേർക്ക്​ പരിക്ക്​

വാഷിങ്​ടൺ: മിഷിഗണിലെ സ്​കൂളിൽ 15കാരൻ നടത്തിയ വെടിവെപ്പിൽ മൂന്നുപേർ കൊല്ലപ്പെട്ടു. ഒരു അധ്യാപകനുൾപ്പെടെ എട്ടുപേർക്ക്​ പരിക്കേൽക്കുകയും ചെയ്​തതായി മിഷിഗൺ പൊലീസ്​ അറിയിച്ചു.

മിഷിഗണിലെ ഓക്​സ്​ഫഡ്​ ഹൈസ്​കൂളിൽ ക്ലാസുകൾ നടക്കുന്നതി​നിടെ ഉച്ചക്ക്​ ശേഷമായിരുന്നു ​ആക്രമണം. 16കാരനും 14കാരിയും 17കാരിയുമാണ്​ കൊല്ലപ്പെട്ടതെന്നും പൊലീസ്​ അറിയിച്ചു.

പരിക്കേറ്റവരിൽ ആറുപേരുടെ ആ​േരാഗ്യനില തൃപ്​തികരമാണ്​. രണ്ടു​പേരെ ശസ്​ത്രക്രിയക്ക്​ വിധേയമാക്കി. ആക്രമണം നടത്തിയ വിദ്യാർഥിയെ പൊലീസ്​ ക​സ്റ്റഡിയിലെടുത്തതായും സെമി ഓ​ട്ടോമാറ്റിക്​ കൈത്തോക്ക്​ പിടിച്ചെടുത്തതായും പൊലീസ്​ പറഞ്ഞു.

അതേസമയം ആക്രമണത്തിന്​ പിന്നിലെ ഉദ്ദേശം വ്യക്തമായിട്ടില്ല. 15കാരൻ സഹപാഠികൾക്ക്​ നേരെ 15 മുതൽ 20ഓളം തവണ വെടിയുതിർത്തതായും ഇത്​ അഞ്ചുമിനി​ട്ടോളം നീണ്ടുവെന്നും പൊലീസ്​ പറഞ്ഞു.

സംഭവത്തിൽ പ്രസിഡന്‍റ്​ ജോ ബൈഡൻ ദുഃഖം രേഖപ്പെടുത്തി. മിനിസോട്ട സന്ദർശനത്തിലായിരുന്നു ​അദ്ദേഹം.