'300 ഇലക്​ടറൽ വോട്ടുകൾ നേടി വിജയിക്കും'; ആത്മവിശ്വാസത്തിലുറച്ച്​ ബൈഡൻ

വാഷിങ്​ടൺ: യു.എസ്​ പ്രസിഡൻറ്​ തെരഞ്ഞെടുപ്പിൽ 300 ഇലക്​ടറൽ വോട്ടുകൾ നേടി വിജയിക്കുമെന്ന്​ ഡെമോ​ക്രാറ്റിക്​ സ്​ഥാനാർഥി ജോ ബൈഡൻ. ഡെമോക്രാറ്റിക്​ പ്രവർത്തകരോട്​ ശാന്തമായി ഇരിക്കാൻ ജോ ബൈഡൻ വീണ്ടും അഭ്യർഥിക്കുകയും ചെയ്​തു.

അമേരിക്കയിൽ ​ മുഴുവൻ നന്നായി പ്രവർത്തിച്ചു എന്നതിൽ അഭിമാനമുണ്ടെന്നും അദ്ദേഹം കൂട്ടിച്ചേർത്തു. വിജയം ഉറപ്പായതോടെ ജോ ബൈഡൻ അനുകൂലികൾ ആഹ്ലാദ പ്രകടനവുമായി തെരുവുകൾ കീഴടക്കിയിരുന്നു. വിജയം അവകാശപ്പെട്ട്​ റിപ്പബ്ലിക്കൻ സ്​ഥാനാർഥി ഡോണൾഡ്​ ട്രംപ്​ അനുകൂലികളും തെരുവിലിറങ്ങി.

നാല്​ സംസ്​ഥാനങ്ങളിലെ തെരഞ്ഞെടുപ്പ്​ ഫലമാണ്​ അറിയാനുള്ളത്​. പെൻസിൽവേനിയ, അര​ിസോണ, നൊവാഡ, ജോർജിയ എന്നിവിടങ്ങളിലെ വോ​ട്ടെണ്ണലാണ്​ പുരോഗമിക്കുന്നത്​. 20 ഇലക്​ടറൽ വോട്ടുകളുള്ള പെൻസിൽവേനിയയിൽ ബൈഡൻ വിജയം ഉറപ്പിച്ചാൽ ബൈഡൻ പ്രസിഡൻറ്​ പദത്തിലെത്തും.