'ഞങ്ങൾ വിജയിക്കുമെന്നുതന്നെയാണ്​ വിശ്വാസം' -വിജയ പ്രതീക്ഷയിൽ ബൈഡൻ

വാഷിങ്​ടൺ: അമേരിക്കൻ തെരഞ്ഞെടുപ്പിൽ ശക്തമായ മുന്നേറ്റം കാഴ​്​ചവെച്ചതോടെ ആത്മവിശ്വാസം ഉയർത്തി ഡെമോക്രാറ്റിക്​ സ്​ഥാനാർഥി േജാ ബൈഡൻ. 'വോ​ട്ടെണ്ണൽ അർദ്ധരാത്രിയിലേക്കും നീളുന്നു. പ്രസിഡൻറ്​ സ്​ഥാ​നം നേടാൻ ആവശ്യമായ 270 ഇലക്​ടറൽ വോട്ടുകൾ നേടുമെന്ന്​ വ്യക്തമായി' -ജോ ബൈഡൻ പറഞ്ഞു.

'ഞങ്ങൾ വിജയിച്ച കാര്യം പ്രഖ്യാപിക്കാൻ ഞാൻ ഇവിടെയില്ല. പക്ഷേ വോ​ട്ടെടുപ്പ്​ പൂർത്തിയാകു​േമ്പാൾ അതുപറയാൻ ഞാൻ ഇവിടെയുണ്ടാകും, ഞങ്ങൾ വിജയിക്കുമെന്നുതന്നെ വിശ്വസിക്കുന്നു' -ജോ ബൈഡൻ കൂട്ടിച്ചേർത്തു.

മിഷിഗണിലും വിസ്​കോസിനിും ബൈഡൻ വിജയിച്ചിരുന്നു. 2016ലെ തെരഞ്ഞെടുപ്പിൽ ഡോണൾഡ്​ ട്രംപ്​ വിജയിച്ച സംസ്​ഥാനങ്ങളാണിത്​. നൊവാഡയിലും അരിസോണയിലും ബൈഡൻ ലീഡ്​ ചെയ്യുകയും ചെയ്യുന്നുണ്ട്​.

മിഷിഗണിൽ വിജയം ഉറപ്പിച്ചതോടെ ബൈഡൻ നിർണായകമായ ലീഡ്​ ഉയർത്തുകയായിരുന്നു. ആറു ഇലക്​ടറൽ വോട്ടുകൂടി ലഭിച്ചാൽ 270 എന്ന മാജിക്​ നമ്പർ നേടാൻ ബൈഡന്​ കഴിയും. പ്രസിഡൻറ്​ പദത്തിലേക്ക്​ എത്താൻ 270 ഇലക്​ടറൽ വോട്ടുകളാണ്​ ആവശ്യം. റിപ്പബ്ലിക്കൻ സ്​ഥാനാർഥി ഡോണൾഡ്​ ട്രംപ്​ 214 ഇലക്​ടറൽ വോട്ടുകളാണ്​ നേടിയിരിക്കുന്നത്​.